1ซามูเอง 18:8 - Northern Pwo Karen Thai Bible

⁸ ซาอู อ ซ้ะ เฌ๊ทาง น้ะมะ, ทไคล้ พี่ โพล้ง ซ้ะอวีง แท๊ นอ, ล แบ อ ซ้ะ แบ เฆาะ, อ เว๊ ไจ้ะเว๊, “โพล้ง อางปฆ้า ดาเว, ไจ้ะเว๊ แม้ซี๊ง โพล้ง อ แฌ้ อ ไซ พ้า, เมะ ยี๊แด นอ, อ ซื๊งเว๊ ไจ้ะเว๊ แม้ซี๊ง โพล้ง อ แฌ้ อ ม๊า พ้า เฆาะ, โอก้ะที่ มื่งบ้าง ล เม้ง ล้อ, พี่ ดาเว ล นี่ เว๊ ได้ะ แบ”

1ซามูเอง 18:8 ပူးပေါင်းရင်းမြစ်များ

ทอคางไท้ะ 37:11

อ โจ้ ซีง ลแพ, ไคว๊ โยซิ้ อ แพ่ นอ, อางกี ท ล ไฌ่ อี้ง ลู่ง อ ซ้ะ พ้า ล้อ

ทอคางไท้ะ 37:8

อ โจ้ ลแพ นอ, อางจ้ะ โยซิ้ ไจ้ะเว๊, “น ม โพะคอง เฆ้อ เต้ๆ, ล้อ-อ้า?, น ม โพะคอง เฆ้อ เต้ๆ, โบ่?”, อ โจ้ ซีง ลแพ, แช๊เมะ ดี๊ โยซิ้ ลู่ง อ ท อางมี๊งม่าง อกย้อง, ดี๊ อ ไคล้ อกย้อง น้ะทาง เด้าะ

1​กจุ้แฆว้ 2:22

กจุ้แฆว้ ซาโลโม ไคล้ช๊า อ มู่ ไจ้ะเว๊, “มู่-เอ้อ, แม้ ทเล้?, น อางท่างนี่ น่าง อาบีชา, โพล้ง ชูเนง มืง นอ เอะ อาโดนียา กเด้าะ, เกิ้ง ม อางท่างนี่ โย๊ เอะ-อ้ะ มื่งบ้าง ปะ, เมะเว๊ อ เว๊ เก จ วี่ โจ้, เลา ดี๊ อางท่างนี่ เอะ-อ้ะ โพล้งลื่งเท่ออคู อาบียาทา, ดี๊ อางท่างนี่ เอะ-อ้ะ น่าง เซรูยา อ พู, เมะเว๊ โยอะ นอ ปะ เซ้อ

เอซเทอ 3:5

ท่อง ฮามาง แด เว๊ โมเดไค ล แบ้ทาง-อ้ะ แบ, ล เนโพลทาง ททื๊งแบนะแบ-อ้ะ นอ, ฮามาง ซ้ะทาง พ้ะดู

ทอางด้อง 13:10

ท ทื่งดูล้างซ้ะ นอ, โอ เว๊ ที่ ดึ้ เกทาง ท ติ้โละไอโละ แบเด้าะ ทโกงซีมองแบ โอ ดี๊ โพล้ง, พี่ ฮะนี่ ท โล้ฌ้าละฌ้า

ทอางด้อง 27:4

ท ซ้ะทาง พ้ะดู นอ อดู้งอลู่, ดี๊ ท ซ้ะทาง นอ ล้างอวีงล้างพะ แบเด้าะ โพล้งเล้ ม ชี๊เทิง ลู่ง ทไคว๊เซิงไคว๊ซ้ะ อ เมะแซ พ้า ซี?

ทโกงซีมองแบ 4:4

ดี๊ จ แด ทไพ้ะทแม้ น้ะ กุ้เม้ง, ดี๊ ท เดว้ฌี้พลี๊ฌี้ ลู่ง ทไพ้ะทแม้ พ้า กุ้เม้ง นอ, เฌ๊นี่ ดี๊ โพล้ง อ ทไคว๊เซิงไคว๊ซ้ะ ดี๊ อ ฌุ้พาง, อ อี้ง นอ ลเฌิ่งลค๊า แบ ปะ, เมะเว๊ ล ล้างเปิ่งล้างเอ้ง แบ

เกล้​ท​ซ้ะวี่ง 11:1

โพล้งเฌงพูฆ๊างพู เอ้งไฌ้ เท่อ แบฆ้ะ ดี๊ ทน้ะทโน๊ง ลู่ง กแช่ยาเว อ แน่ พ้า, ท่อง กแช่ยาเว แน่ฌ๊า เว๊ ฌ้อง นอ อ ซ้ะทาง พ้ะดู, มี โอนี่ ลู่ง กแช่ยาเว อ โอ, เฌ๊ล้าง อางไฆวะ เท่อ ลู่ง อ ซื๊งเว๊ อ แกล้, ดี๊ อาง เท่อ วะ ทล่างโอซยอง อ ฆ้อง นอ ล น้าง

เกล้​ท​ซ้ะวี่ง 22:34

ฌ้อง บาลาอาง ไคล้ ดี๊ กแช่ยาเว อ ทมุ้คูพู ไจ้ะเว๊, “จ แม้ แบ ทเด้บ้ะ เย้า, เมะเว๊ จ ล ซีงแฌ๊ แบ, พี่ น ชี๊เทิง โอทะ เกล้ ตร้างทะ แย้ นอ, ค๊องเนง อี้ง น แคว่ เมะ ล แบๆ นอ จ ม ไท้ ไท้ ล้อ”

ยาเก้า 4:5

น ซื๊ง ช๊องมอง-อ้ะ ลู่ง ไละ ฌี้ ไละ แอว้ พ้า, ไคล้ เท่อ อ แซ ล โอ แบ นอ-อ้า, พี่ อ ไจ้ะ เว๊ “ก วีง ก แล้ ลู่ง กแช่ แยว้ ชวี๊ง ล้าง เว๊ ก ซ้ะ พ้า อี้ง นอ, โอ ฆวี้ ทะ ดี๊ ท ซ้ะกวี้ง ล๊องก้อง ลู่ง อ ชองๆ, นอ ล้อ”

1ซามูเอง 13:14

แบเด้าะ ค๊องเนงอี้ง, น มื่ง น บ้าง ล โอเฌิ่งโอค๊า แบ, กแช่ยาเว อางฆื๊งนี่ กแคว๊ ล แฌ้ เด้าะ, ท๊อง ทแบ อ ซ้ะ นอ เย้า ดี๊ กแช่ยาเว ม ต๊างทาง กแคว๊ ล แฌ้ นอ, เก ทอคูดู ลู่ง อ พู อ ลี้ง อ พ๊างคู, เป๊งนี่ น ล แฌแซ เท่อ พี่ กแช่ยาเว อางแบเลา เอะ แน้ นอ แบ”

1ซามูเอง 15:28

ซามูเอง โล้ เอะ-อ้ะ ไจ้ะเว๊, “ล นี้ง แย๊ อี้ง, กแช่ยาเว ซย๊างยะไฆวะ โพล้ง อีซลาเอง อ มื่ง อ บ้าง แด แน้ เย้า, ดี๊ คลุ้ล้างก้ะ เอะ โพล้ง อ แฌ้แพ พี่ อ ฌี้เละ แน้

1ซามูเอง 16:13

ซามูเอง แม้นี่ ทโน้ง พี่ ทซู โอ อ พ้า นอ, เท้าไน เว๊ ลู่ง อ วี่ แคว๊ ซีงลแพ นอ อ แกล้ พ้า, ดี๊ กแช่ยาเว อ วีงฌี้แล้แอว้ เฌ๊ โอ ดี๊ ดาเว, ท๊อง เต้ ล นี้ง แย๊ นอ ลี้ ก้ะ, ฌ้อง ซามูเอง เฌ้เทิงทาง ไท้ ลู่ง รามา พ้า ไวะ ล้อ

1ซามูเอง 18:9

ท๊อง ล นี้ง แย๊ นอ, ซาอู คุ้ แคว่ฌูงดุ้ ดาเว ครึๆ

1ซามูเอง 19:1

ซาอู โล้ เอะ อ พูแคว๊ โยนาทาง, ดี๊ กเย่ อ กดูกแซย่ ลแพ นอ เกม๊า แม้ซี๊งไฆวะ ดาเว, แบเด้าะ ซาอู อ พูแคว๊ โยนาทาง นอ เอ ดาเว เต้ๆ

1ซามูเอง 20:31

พี่ เจซี อ พู โอม๊า ลู่ง ฌางคูโคล๊งคู อี้ง ได้ะ อ แค๊ อี้ง นอ, น กแช่ ฌี้, น มื่ง น บ้าง ฌี้, ม โอเฌิ่งโอค๊า ล ซี แบ, ทบี่นอ, เกม๊า น เจ่ทาง โพล้ง ลี้ พองนี่-อ้ะ เฌ๊ โชะ เอะ แย้, อ ไฌ่ บี่อี้ง, เมะเว๊ อ เว๊ ม แบ ซี๊ง เต้ๆ, ล้อ”