1ซามูเอง 18:5 - Northern Pwo Karen Thai Bible

⁵ ดี๊ ดาเว นอ, ไจทาง ลี้ เท่อ กุ้ จอง พี่ ซาอู เจ่-อ้ะ, อ เว๊ แม้ เท่อ ชิ้เทา กุ้เม้ง, อ กย้อง บี่นอ, ซาอู ต๊างทาง-อ้ะ, ม๊า โอ โท๊เละ โพล้งดึ้ซึ้เท่อพู ซีงลแพ นอ ล้อ, ทแม้ บี่อี้ง นอ, เก เท่อ ลู่ง แบ โพล้งเฌงพูฆ๊างพู อ ซ้ะ, ดี๊ แบ ซาอู อ กดูกแซย่ ซีงลแพ นอ อ ซ้ะ ปะ

1ซามูเอง 18:5 ပူးပေါင်းရင်းမြစ်များ

ทอคางไท้ะ 39:23

ทไพ้ะทแม้ กุ้เม้ง พี่ โยซิ้ ยู่แคว่ เว๊ นอ, โพล้งคุ้พ้อง ล แบ แคว่ เว๊ แบ, เมะเว๊ กแช่ยาเว โอ ดี๊ โยซิ้, ดี๊ ท พี่ โยซิ้ แม้ เว๊ นอ, กแช่ยาเว ดึ้ เกม๊า เว๊ ฌ้องทางเกทาง กุ้ อ เม้ง ล้อ

2​ซามูเอง 5:10

ดี๊ ดาเว นอ ดูทาง โท๊ทาง, เมะเว๊ กแช่ยาเว, กแช่แยว้ ซึ้คู ดู ทึ โอ ดี๊-อ้ะ

2​ซามูเอง 5:2

ลู่ง อ ไยะ แค๊, พี่ ซาอู เก กจุ้แฆว้ โพะคอง เฆ้อ ล มู๊ง อี้ง นอ, แน้ น เก โพล้ง ลี้ฌ้า โพล้ง อีซลาเอง, ไจทาง ดี๊ นึฆ้าง, ดี๊ กแช่ยาเว ไคล้ ดี๊ แน้ ไจ้ะเว๊, ‘น ม ยู่แคว่ จ พู จ ลี้ง โพล้ง อีซลาเอง แบด้อง โพล้ง ลื่ง แกะ, ดี๊ น ม เก ทอคูดู ลู่ง โพล้ง อีซลาเอง อ พ๊างคู’, ”

2ทกวิ้ไน 17:3

กแช่ยาเว โอ ดี๊ เยโฮชาฟา, เมะเว๊ อ เว๊ ลู่ง อ คางไท้ะ โท่ๆ, นอ, อ เว๊ โพะ อ แพ่ อ เกล้ อ เว๊ ล อางฆื๊งนี่ กเย่ ทกโช้งกแช่ บาอาง นอ แบ

ทอางปฆ้า 1:3

อ เว๊ เก บี่ซุ้ดี๊ เซง มื่งเทิง, พี่ เซิงล้าง ลู่ง ที๊ง พ้าไท้ะ พี่ ซูงทางแซทาง แบ อมื่งอแค๊ ดี๊ อ แล ล ล้างไย้ะล้างไฆ๊ แบ ทกุ้เม้ง พี่ อ แม้ เว๊ นอ, เกทางเกโท๊ เว๊ แด ล้อ

ทอางปฆ้า 101:2

จ ม ควี๊งคูแกยแน่ ลู่ง เกล้, พี่ อฌี้อแอว้ นอ, กุ้เม้ง ทแค๊เล้ น ม เฌ๊ฌูง แย้? จ ม โอม๊าโอเฌ้ ดี๊ ซ้ะ, ลู่ง อโต้อล้อง ลู่ง จ กแช่ อ เด้าคูล่างพ้า

ม้ะทู 10:16

จ เจ่ น ซื๊ง บี่ ซุ้ แกะ ลี้ ลู่ง ทวีง เม้ง อ แกล้, ท บี่ นอ, แม้ แซย๊ น ซ้ะ บี่ ซุ้ ดี๊ ฌู่ง, ดี๊ เกม๊า น เพาๆ, เบ้ๆ, บี่ ซุ้ ทูลี่ง

ท​แม้ 7:10

แม้ พ้อง ไฆวะ เว๊ ดี๊ ท น้ะ ท โน๊ง กุ้ อ เม้ง, พี่ โยซิ้ ลี้ กจุ้แฆว้ อีไย้ะ อ เมะแซ พ้า นอ, กแช่ แยว้ ดึ้ เกม๊า โยซิ้ โอ ดี๊ ท โกง ซี มอง แบ, ต้ะ กจุ้แฆว้ เฆว๊ อ ซ้ะ ดี๊ โยซิ้ ฌี้ มะ ล้อ, อางกี ล้าง โยซิ้ เก ทอดู ยู่แคว่ เอะ อ ที๊ง อ ค่าง อ เด้า อ ล่าง เลา ปะ ล้อ

เอเฟโซ 5:17

ท บี่ นอ, เก โพล้ง ล กลุ้ ล จ้ะ แบ ล ฌี้, แบเด้าะ เฌา อางฆื๊ง แคว่ แฆว่ กแช่ เยซู คริ้ แบ อ ซ้ะ เกม๊า น ซื๊ง แม้ ท เม้ง เล้

โคโลซี 4:5

น ซื๊ง แบ เจ่ ท โกง ท มอง ดี๊ โพล้ง พี่ อ ล ชู่ง ล นะ เท่อ แบ, เจ่ อ ช๊า อ โท่ กุ้ พ๊า บี่ ซุ้ ม ล้างเปิ่ง ลู่ง อ ฌ่าง

โพล้งต้ะเซ๊งเท่อ 1:19

ดี๊ กแช่ยาเว โอ ดี๊ ยูดา, อ ซื๊งเว๊ แม้นี่ก้ะ ทล่าง ทแพ้ ล้อง แบเด้าะ โฌ๊ไจไฆวะ โพล้ง พี่ อ โอ ทลู่ง คางไท้ะ ลแพ นอ ล ซี แบ, เมะเว๊ โพล้ง ลแพ นอ โอ ดี๊ อ เลาะ ดึ้ซึ้ เท่อ พี่ ไต้ เว๊ ดี๊ ท้ะ

1ซามูเอง 13:2

ซาอู อางลึนี่ โพล้ง อีซลาเอง อ แคว๊ ซ๊า ม๊า แฌ้, เกม๊า เว๊ อ เท่อ โอ ดี๊-อ้ะ คี๊ง ม๊า แฌ้ ลู่ง มีมา พ้า, ดี๊ ลู่ง ทล่าง ทลู่ง เบเอง แพ้ล้อง, อ แฌ้ ล ม๊า เด้าะ นอ โอ ดี๊ โยนาทาง, ลู่ง โพล้ง เบงยามีง อ เว่ง กีเบอา พ้า, โพล้งเฌงพูฆ๊างพู พี่ อ ล้างลื๊อก้ะ ลแพ นอ, ซาอู เกม๊า เว๊ อ ไท้ ลู่ง อ กแช่ อ ล่าง โอไปว้ะ พ้า นอ ล้อ

1ซามูเอง 14:52

ลู่ง ซาอู อ ชู้ แค๊ นอ, โอ ดี๊ ทดึ้ซึ้ โละซ้ะ ดี๊ โพล้ง ฟีลีเตีย ชอง มะ ครึๆ, พี่ ซาอู แด กแคว๊ พี่ แฌ้ เล้ เก โพล้ง ดึ้ซึ้ เท่อ ซี ฌี้, เก โพล้ง อ ซ้ะชองซ้ะน้า ฌี้, อ เว๊ แม้นี่ เว๊ เฌ๊ แม้ เอะ อ เท่อ นอ ล้อ

1ซามูเอง 18:16

แบเด้าะ โพล้ง อีซลาเอง, ดี๊ โพล้ง ยูดา กุ้ อ แฌ้ นอ เอ ดาเว, เมะเว๊ ดาเว ไจทาง, ดี๊ เฌ๊ไท้ ลู่ง อ ซื๊งเว๊ อ เมะแซ พ้า

1ซามูเอง 18:30

กเย่ โพล้ง ฟีลีเตีย อ กดูกแซย่ ลแพ นอ, ไจทาง เฌ๊ ดึ้ซึ้ เท่อ, อ ซื๊งเว๊ ม เฌ๊ ฆวี่ พ๊า เล้ ฌี้ นอ, ดาเว แม้ เท่อ ฌ้องทางเกทาง, แอเละ ซาอู อ กดูกแซย่ ลแพ นอ ได้ะ, อ กย้อง บี่นอ, ดาเว อ เม้งลื้อแซท้อง ฌี้ มะ ล้อ

1ซามูเอง 18:4

โยนาทาง เบ้าะล้างนี่ อ ไช๊แค่ พ้ะโท๊ ล ท๊า, พี่ อ ซุ้ เว๊, เลา ดี๊ อ นางดึ้นางชาง, ทึเมะ อ น้ะ, อ คลีง บ้อง, ดี๊ อ ย่างเด้งพลี้ง ฌี้, เกล๊าง เอะ ดาเว

1ซามูเอง 18:6

พี่ อ ซื๊งเว๊ซีง เฌ๊ไท้ นอ, ดาเว โอ ลู่ง ทล่าง แม้ซี๊ง โพล้ง ฟีลีเตีย ล แฌ้ นอ เฌ๊ไท้, โพล้ง มืง ซีง, พี่ อ โอ ลู่ง กเย่ โพล้ง อีซลาเอง อ เว่ง พ้า เลาพะ นอ, ไจทาง ซ้ะอวีง แท๊, ดี๊ เฌ้เทิงลี่ง ตองช๊าฮะช๊า กจุ้แฆว้ ซาอู, ดี๊ รางมานา ดี๊ แม้ แท๊ เซิงฆวี๊งซ้ะโย้, ดี๊ ทโพะเซ๊ เด้งเซ๊

1ซามูเอง 3:19

ดี๊ ซามูเอง นอ ดูทาง โท๊ทาง, กแช่ยาเว โอ ดี๊-อ้ะ, เกม๊า เว๊ อ ทไคล้ กุ้ อ ทีง นอ ไจทางไฆวะ โปล้ๆ, แบ