1เปโต 3:8 - Northern Pwo Karen Thai Bible

⁸ ลู่ง อ ไค๊ ทึ อี้ง, น ซื๊ง ซีง แบ แม้ ซ้ะ ล โพลง ฆ่าง, เอ โละ กวี้ง โละ ซ้ะ บี่ ซุ้ ด๊างพื่งวี่, ย๊างเซิง ย๊างซ้ะ โละ ซ้ะ, ดี๊ โอ ดี๊ ท ชาง ล้าง เซิง ชาง ล้าง ซ้ะ คี๊ง โค๊ เลา

1เปโต 3:8 ပူးပေါင်းရင်းမြစ်များ

ทอางปฆ้า 103:13

แพ่ ย๊างซ้ะ แบ อ พู บี่จะเล้ นอ กแช่ยาเว ย๊างซ้ะ แบ โพล้ง, พี่ ดู้งแบยางแบ-อ้ะ บี่นอ ล้อ

ทอางด้อง 28:8

โพล้ง พี่ แม้ แอทาง อคองอแซย้ ดี๊ จี้ อ โพ๊, ดี๊ ทต้องคู่ต้องโฌ้ นอ นี่ อางกีซยอง คองแซย้ นอ, เกม๊า เอะ โพล้ง พี่ อ ย๊างซ้ะ โพล้ง ซยาง

เซคารียา 7:9

“เกม๊า ต้ะเซ๊ง เท่อ ท๊อง ท อเมะอโต้, เกม๊า เนโพลทาง ทย๊างซ้ะ, ดี๊ ช๊องมอง แบ น น๊างพื่งวี่ อ ฌ่าง

ม้ะทู 18:33

นี๊ น ฌุ้พาง พี่ อ เก ท อ เพล่ ซกุ้ ดี๊ แน้ นอ, เกิ้ง เว๊ น ย๊างซ้ะ แบ-อ้ะ, บี่ ซุ้ ดี๊ จ ย๊างซ้ะ แบ แน้ เมะ-อ้า’

ลูกา 10:33

แบ เด้าะ โพล้ง ซมาเรีย ล แฌ้ ลี้ เท่อ ลู่ง เกล้ ล บ้อง นอ, เฌ๊ ท้อง โพล้ง ล แฌ้ นอ อ ฌ๊างไท้ะ, ท่อง อ แด เว๊ ฌ้อง ย๊างเซิง ย๊างซ้ะ แบ เว๊

ท​แม้ 2:1

ท้อง อ มื่ง พี่ โพล้ง ยู ม แม้ มึ อาง อวีง มื่ง เพงเตโคเต ล นี้ง นอ โพล้ง ทื๊ง กแช่ เยซู เฌ๊ โอ ซยอง ล จอง ฆ่าง กุ้ อ แฌ้ ล้อ

ท​แม้ 27:3

ลู่ง ไค๊ ล นี้ง เด้าะ นอ ก ลี้ ท้อง เฌง ซีโดง อ แต่, ยูลีโอะ ย๊างซ้ะ แบ เปาโล, เกม๊า เว๊ อ ไจ ล้าง ลี้ ไจ อ ฌุ้พาง โอ, บี่ ซุ้ อ ฌุ้พาง ม แม้ช้า อางช้า-อ้ะ นอ ล้อ

ท​แม้ 28:7

โพล้ง ลู่ง เก้าะคู นอ โอ ล แฌ้ อ เม้ง ปูลีโย, อ เว๊ เก ท อ คู ลู่ง เก้าะคู ล จอง นอ, อ ไชะ อ แน้ โอ เบ้า พี่ นอ, อ เว๊ ตองช้า ฮะช้า เฆ้อ ฌี้ มะ, ก โอ ดี๊-อ้ะ นี่ ซ๊า ซ๊าง

ท​แม้ 4:32

โพล้ง ทื๊ง กแช่ เยซู ล มู๊ง นอ โอ ฆู๊ง โอ พุ้ แบ โละ แบ ทุ้ ฌี้ มะ, กเย่ อ ท ฆ้า ท โฆ่ ล แพ นอ อ กแช่ ล ทื๊ง เว๊ เก อ เท่อ แบ, เจ่ ซยอง เว๊ กุ้ อ เม้ง ล้อ

โรมา 12:10

เอ โละ ซ้ะ ด้อง พื่ง ด้อง วี่ เมะ ฌี้ ไช้ะ, เฌาโละ ทื๊ง แบ นะ แบ โละ ซ้ะ ไช้ะ

โรมา 15:5

เกม๊า กแช่ แยว้ พี่ อ เก ท เอ้า เซิง เอ้า ซ้ะ ดี๊ ท เซิง ชอง ซ้ะ ชอง อ กแช่ ล แฌ้ นอ, แม้ช้า น ซื๊ง โอ ฆู๊ง โอ พุ้ โละ ซ้ะ พี่ น แม้ บี่ ซุ้ กแช่ เยซู คริ้

1​โคเรง 1:10

ด๊างพื่งวี่ ซีง-เอ้อ, ลู่ง กแช่ เยซู คริ้ อ เม้ง อ แซ นอ, จ อวีงซ้ะชู้ น ซื๊ง เกม๊า ไคล้ เท่อ ล เม้ง ฆ่าง, ช๊องมอง เท่อ ล เม้ง ฆ่าง เลา ปะ, บี่ซุ้ น ซื๊ง ล ล้างมื่ง ล้างพ้ะ โละ ซ้ะ แบ

1​โคเรง 12:26

เท่อ ลู่ง ก ล้อง ก ย่าง อี้ง เม้ง ฌี้ เม้ง ฌี้ เมะ แบ น้ะ แบ โน๊ง นอ, อ แฌ้แพ ม แบ น้ะ แบ โน๊ง ปะ ล้อ, เท่อ ลู่ง ก ล้อง ก ย่าง เม้ง ฌี้ เม้ง ฌี้ เมะ นี่ ท, อางปฆ้า นอ อ แฌ้แพ ม เซิง ฆวี๊ง ซ้ะ มึ ฆึ ปะ

เอเฟโซ 4:2

เกม๊า น ซื๊ง ชาง ล้าง ซ้ะ โอ ดี๊ เซิง ฌี้ ซ้ะ ช้า, โอ โก้ง โอ คุ้ เท่อ, ดี๊ โอ โก้ง โละ ซ้ะ ลู่ง ท เอ ท กวี้ง

เอเฟโซ 4:31

ญ๊อง ไฆวะ น ซื๊ง ท เซิงทาง ซ้ะไฌ๊, ท ซ้ะทาง ท๊าง เท่อ, ท เอ้งโช่ง เอ้งไน๊, ท ดึ้เดว ทื่งแช้, ญ๊อง ไฆวะ ท ล แพ อี้ง ดี๊ กเย่ ท ล ฌี้ ล แอว้ แบ ท้อง อ เลา

เอเฟโซ 4:32

แบเด้าะ แบ โอ ดี๊ ท ย๊างเซิง ย๊างซ้ะ ดี๊ ท เซิงช้า ซ้ะช้า โละ ซ้ะ, ทื๊ง นี่ นะ นี่ โละ ซ้ะ ล ฌี้, บี่ ซุ้ กแช่ แยว้ ล ทื๊ง นี่ นะ นี่ น ซื๊ง แบ ปะ ลู่ง กแช่ เยซู คริ้ อ กย้อง นอ ล้อ

ฟีลิ้ปี 2:3

แม้ เท่อ พี่ ม แคว่ ล้าง ที่ น กแช่ อ ฌ่าง พ้า ล แฌ้ ล ฌี้, ดี๊ ไจ้ะ ล้าง น ซ้ะ เก ทอดู อ โท๊ ล ฌี้, แบเด้าะ น ซื๊ง แบ ชาง ล้าง ซ้ะ, น ล แบ ช๊องมอง น ฌี้ นี่ โพล้ง อ แฌ้แพ แบ

ฟีลิ้ปี 3:16

ลู่ง อ ล้างเปิ่ง นอ เกม๊า ก แม้ โพะ ท ไฌะ ท ไฌ่ อ ไค๊, พี่ ก แม้ โพะ-อ้ะ ครึๆ, เย้า นอ

โคโลซี 3:12

น ซื๊ง เก กแช่ แยว้ อ พู อ ลี้ง, อ เว๊ เอ น ซื๊ง กวี้ง น ซื๊ง ดี๊ อางลึ นี่ น ซื๊ง ม เก อ เท่อ แด เว๊ ท บี่ นอ, น ซื๊ง แบ โอ ดี๊ ท ย๊างเซิง ย๊างซ้ะ, ท เซิง ช้า ซ้ะ ช้า, ท ชาง ล้าง เซิง ชาง ล้าง ซ้ะ, ท เซิง ฌี้ ซ้ะ ช้า, ท เอ้า เซิง เอ้า ซ้ะ

ฮีบรู 13:1

น ซื๊ง แบ เอ โละ ซ้ะ ครึๆ, บี่ ซุ้ ด๊างพื่งวี่ ทื๊ง ซยอง เท่อ เกิ้ง เอ เว๊

ยาเก้า 2:13

อ ไฌ่ บี่ อี้ง, ลู่ง กแช่ แยว้ ต้ะเซ๊ง เท่อ โคะ นอ, อ เว๊ ล ย๊างซ้ะ แบ โพล้ง ลู่ง อ ท ย๊างซ้ะ ล โอ แบ นอ ล้อ, แบเด้าะ ท ย๊างซ้ะ นอ แม้ น้า แบ ท ต้ะเซ๊ง นอ ล้อ

ยาเก้า 3:17

แบเด้าะ ท โกง ท มอง พี่ กแช่ แยว้ เกล๊าง เว๊ นอ, เมะ ท อ ฌี้ อ แอว้, ท โอ ฆู๊ง โอ พุ้, ท เซิง ฌี้ ซ้ะ ช้า, ท อ ยื่ง อ บยาง, ท โกง ท มอง อี้ง นอ, โอ ฆวี้ ทะ ดี๊ ท ย๊างเซิง ย๊างซ้ะ ดี๊ ท แม้ ลู่ง อ ฌี้, ล เอน้า ชางบ้า เท่อ แบ, ล เมะ โต้ ซ้ะ ไก เท่อ แบ

ยาเก้า 5:11

ลู่ง อ​ซื๊ง เว๊ โอ​โก้ง เท่อ เก อ กย้อง นอ, ก ทื๊ง-อ้ะ​ลู่ง อ​ซื๊ง เว๊ โอ ดี๊ ท​มึ ท​พ้า นอ ล้อ, น ซื๊ง แน่ฌ๊า แบ เย้า ลู่ง โยบาโอ โก้ง เท่อ เก, ดี๊ น ซีงแฌ๊ แบ-อ้ะ ชู่ง แย๊ โค๊ นอ, กแช่ แยว้ เตะ เว้ เอะ-อ้ะ บี่ จะ เล้, อ ไฌ่ บี่ อี้ง, กแช่ แยว้ นอ โอ ดี๊ ท ย๊างเซิง ย๊างซ้ะ ดี๊ ท เซิง ฌี้ ซ้ะ ช้า นอ ล้อ

1เปโต 1:22

พี่ น ซื๊ง อางซฌ้ะ เช๊ง น เซิง น ซ้ะ, ลู่ง น แม้ โพะ ท ที๊ง ท โต้ อ ไค๊, ท่อง ท้อง น เอ น ด๊างพื่งวี่ ดี๊ เซิง ดี๊ ซ้ะ เต้ๆ, นอ, เกม๊า น ซื๊ง เอ โละ ซ้ะ เลา เซิง เลา ซ้ะ เต้ๆ

1เปโต 2:17

ทื๊ง แบ นะ แบ โพล้ง กุ้ อ แฌ้, เอ ด๊างพื่งวี่ กุ้ อ แฌ้, ดู้ง แบ ยาง แบ กแช่ แยว้, ดี๊ ทื๊ง แบ นะ แบ กจุ้แฆว้

1เปโต 5:5

บี่ ซุ้ ดี๊ นอ ปะ, น ซื๊ง พี่ ซ้ะ บาง ล ปี๊ นอ, แบ ชู่ง ลู่ง เน้ แท๊ โพล้ง พี่ อ แซย่ นี่ น ซื๊ง, เกม๊า น ซื๊ง กุ้ อ แฌ้ แม้ช้า โละ ซ้ะ เท่อ ดี๊ ท ชาง ล้าง เซิง ชาง ล้าง ซ้ะ, บี่ ซุ้ ไละ ฌี้ ไละ แอว้ โล้ เว๊ “กแช่ แยว้ ชาง ล้าง โพล้ง พี่ อ อางกี ทาง โท๊ อ ซ้ะ, แบเด้าะ เกล๊าง อ โก้ง อ โบ้ง อ บลึ้ อ บลาง เอะ โพล้ง พี่ อ ชาง ล้าง อ ซ้ะ”,

2​เปโต 1:7

ทอางกี ล้าง ซ้ะ ดี๊ กแช่ แยว้ นอ, แบ โอ ฆึ ดี๊ ท เอ โละ ซ้ะ บี่ ซุ้ ด๊างพื่งวี่, ท เอ โละ ซ้ะ บี่ ซุ้ ด๊างพื่งวี่ นอ, แบ โอ ฆึ ดี๊ ท เอ ท กวี้ง โพล้ง อ แฌ้แพ ปะ

1​โยฮาง 3:14

ลู่ง ก เอ ก ด๊างพื่งวี่ อ กย้อง นอ, ก ซีงแฌ๊-อ้ะ ก พ้อง ไฆวะ ดี๊ ท ซี๊ง, ฌ้อง นี่ แบ ก้ะ ท ม๊า เย้า, เมะ โพล้ง พี่ ล เอ อ ด๊างพื่งวี่ แบ นอ เก บี่ ซุ้ โพล้ง ซี๊ง ได้ะ ล้อ