1เปโต 3:7 - Northern Pwo Karen Thai Bible

⁷ น ซื๊ง พี่ เก แว้ นอ, แบ แม้ น ซ้ะ บี่ นอ ปะ, พี่ น โอ ฆึ โละ ซ้ะ ดี๊ น แม๊ นอ, น แบ ช๊องมอง-อ้ะ กมืง นอ, เก เท่อ พี่ อ แช่ นี่ กแคว๊, อ นอ, น แบ แม้ ฆี๊ง เมะ ฆี๊ง แน๊-อ้ะ, อ ไฌ่ บี่ อี้ง, อซื๊งเว๊ นี่ แบ ฆึ ท ม๊า ล้างชู้ ล้างแกย, พี่ กแช่ แยว้ เกล๊าง เอะ น ซื๊ง นอ ปะ, แม้ บี่ นอ บี่ ซุ้ ท ล นุ้ทะ น ท ชูแพ น่าง เม้ง แบ

1เปโต 3:7 ပူးပေါင်းရင်းမြစ်များ

โยบา 42:8

อกย้อง บี่นอ, เกม๊า น แม้นี่ งู้ แพ๊ เนว๊ ดื้ง, ดี๊ แกะ แพ๊ เนว๊ ดื้ง, ลี้ฌูง จ เพล่ โยบา, ดี๊ เทว๊ ทลื่งทาง เช้า ทพูแฆ่ น๊างดื้ง ลู่ง น ซื๊ง ฌ่าง, ฌ้อง จ เพล่ โยบา ม ชูแพ อางท่าง เท่อ ลู่ง น ซื๊ง ฌ่าง, เมะเว๊ จ ม ฮะนี่ อ ทชูแพ อางท่าง เท่อ, จ ล แม้ เอะ แน้ บี่ซุ้ดี๊ น ท เซ๊กูเฌ๊ฌ้อง นอ แบ, เมะเว๊ น ซื๊งซีงลแพ ล นี่ ไคล้ เท่อ แบฆ้ะ ดี๊ แย้ ลู่ง อ แบเมาะแบแท๊, บี่ซุ้ดี๊ จ เพล่ โยบา นี่ ไคล้ เว๊ นอ แบ”

ม้ะทู 18:19

จ โล้ เอะ น ซื๊ง ล เม้ง ได้ะ, น ซื๊ง คี๊ง แฌ้ เมะ แดฆึ โละ ซ้ะ อางท่าง เท่อ ล เม้ง ฌี้ เม้ง ฌี้ นอ, จ แพ่ แยว้ พี่ อ โอ ลู่ง มุ้คู ม แม้ เอะ น ซื๊ง นอ ล้อ

1​โคเรง 7:3

กแคว๊ แบ มี๊ง ฆึ ดี๊ อ แม๊, อ แม๊ แบ มี๊ง ฆึ ดี๊ อ แว้, อซื๊งเว๊ คี๊ง แฌ้ อี้ง แบ แม้ เท่อ ลู่ง อ แบ เซิง แบ ซ้ะ โละ อ ซ้ะ

เอเฟโซ 3:6

ท ไฌ่ คิ้ซูง คิ้บีง อี้ง นอ เมะ เว๊ ท ฌี้ อ ไฌ่ แบฆ้ะ ดี๊ กแช่ เยซู คริ้, เกม๊า โพล้ง ล เมะ เก ยู แบ ดี๊ โพล้ง เก ยู นอ, นี่ แบ ฆึ กแช่ แยว้ อ ท ฌี้ ที๊ ซุ้ๆ, อซื๊งเว๊ เก ล้อง เก ย่าง ล เม้ง ฆ่าง, ดี๊ นี่ แบ กแช่ แยว้ อ ท เอิ้งล้าง พี่ กแช่ เยซู คริ้ แม้ เก ทาง เว๊ นอ ที๊ ซุ้ๆ, ล้อ

เอเฟโซ 4:30

เกม๊า กแช่ แยว้ อ วีง ฌี้ แล้ แอว้ อ ซ้ะ เฌ๊ฌ้อง ล ฌี้, อ ไฌ่ บี่ อี้ง, วีง ฌี้ แล้ แอว้ เก กแช่ แยว้ อ ท แม้ไน, พี่ อ เว๊ เก น กแช่ ดี๊ เก ท แม้ไน, พี่ ม โอ โคะ ล นี้ง ลู่ง กแช่ แยว้ ม แม้ พ้อง พลิ้ น ซื๊ง

เอเฟโซ 5:33

แบเด้าะ แบฆ้ะ ดี๊ น ซื๊ง ปะ, เมะ เว๊ แว้ กุ้ อ แฌ้ เกิ้ง เอ อ แม๊ บี่ ซุ้ เอ ล้าง อ กแช่, ดี๊ แม๊ กุ้ อ แฌ้ เกิ้ง ดู้ง แบ ยาง แบ อ แว้ ล้อ

เอเฟโซ 6:18

พี่ น ซื๊ง แม้ ท กุ้ อ เม้ง อี้ง นอ, ชูแพ อางท่าง เท่อ ดี๊ กแช่ แยว้ เกม๊า อ แม้ช้า น ซื๊ง, เจ่ อ ช๊า อ โท่ ชูแพ เท่อ กุ้ อ พ๊า, บี่ ซุ้ วีง ฌี้ แล้ แอว้ บุ้ แบ น ซ้ะ เกม๊า น ชูแพ เท่อ, ท บี่ นอ, น แบ ปโล่ ล้าง น ซ้ะ โอ คุ้แคว่ เท่อ ครึๆ, ดี๊ ชูแพ เท่อ ลู่ง กแช่ แยว้ อ พู อ ลี้ง กุ้ แฌ้ อ ฌ่าง

โคโลซี 3:19

กแคว๊ ลู่ง อ ทาง แซย่ ซีง ล แพ-เอ้อ, เอ น ซื๊ง แม๊ นอ ไช้ะ, แม้ ซยื่ง แม้ อ้อง-อ้ะ ล ฌี้

1​เทซาโลนีเก 4:4

น ซื๊ง กุ้ อ แฌ้ แบ ซีงแฌ๊ แคแน ล้าง ซ้ะ, ดี๊ อางกี น ล้อง น ย่าง ลู่ง อ ฌี้ อ แอว้ อ ฆี๊ง อ แล้

ทีต๊ะ 3:7

บี่ ซุ้ ก ม แบ กแช่ แยว้ อ ซ้ะ ลู่ง อ เว๊ อ โก้ง อ โบ้ง อ บลึ้ อ บลาง อ กย้อง, ดี๊ นี่ แบ ท ม๊า ล้างชู้ ล้างแกย พี่ ก มื้งแล่ นี่-อ้ะ

ฮีบรู 1:14

ท มุ้คู พู ล แพ นอ เก วีง เก แล้ พี่ อ แม้ เอะ กแช่ แยว้ อ เท่อ, กแช่ แยว้ โซ๊ง-อ้ะ เกม๊า อ เฌ๊ แม้ช้า โพล้ง พี่ ม นี่ แบ ท พ้อง ท พลิ้, ล เมะ แบ-อ้า

1เปโต 3:1

บี่ ซุ้ ดี๊ นอ, น ซื๊ง พี่ เก แม๊ นอ, น แบ ชู่ง ลู่ง เน้ แท๊ น แว้, ทึ เมะ แว้ แบ ล แฌ้ๆ, ล ชู่ง ล นะ กแช่ แยว้ อ ลู่ง อ แท๊ แบ ฌี้ๆ, แบเด้าะ ลู่ง แม๊ อ ท ไพ้ะ ท แม้ ลู่ง อ ฌี้ อ กย้อง นอ, ม ทึ้ นี่ แว้ อ ซ้ะ เกม๊า อ ทื๊ง ไท้ นะ ไท้ กแช่ เยซู ซี ปะ ล้อ, ล แบ ไคล้ เท่อ น่าง ทีง แบ