1​โคเรง 13:4 - Northern Pwo Karen Thai Bible

⁴ ท เอ ท กวี้ง นอ โอ ดี๊ ท โก้ง เซิง โก้ง ซ้ะ, ท ย๊างเซิง ย๊างซ้ะ, ท เอ ท กวี้ง นอ ล ไคว๊ เท่อ โญ้ง เท่อ แบ, ล อางปฆ้า ล้าง อ ซ้ะ แบ, ล ชีอูงพู๊ อ ซ้ะ แบ

1​โคเรง 13:4 ပူးပေါင်းရင်းမြစ်များ

ทอคางไท้ะ 30:1

ท่อง น่าง ราเชง แด เว๊ ล นี่ อ พู ดี๊ ยาคุ้ แบ นอ, อ เว๊ ไคว๊เซิงไคว๊ซ้ะ อ น่าง, อ เว๊ ไคล้ ดี๊ ยาคุ้ บี่อี้ง, “เกม๊า จ พู โอ ไช้ะ, เมะ ล โอ แบ นอ จ ม ซี๊ง ล้อ”

ทอคางไท้ะ 37:11

อ โจ้ ซีง ลแพ, ไคว๊ โยซิ้ อ แพ่ นอ, อางกี ท ล ไฌ่ อี้ง ลู่ง อ ซ้ะ พ้า ล้อ

เนฮะมี 9:17

อ ซื๊งเว๊ ซม๊า ล คุ้ช๊องแน เท่อ แบ, ดี๊ ล ควี๊งคูแกยแน่ ดี๊ ทล้ะทเล่, พี่ กแช่แยว้ แม้ทาง เว๊ ลู่ง อ ซื๊งเว๊ อ แกล้ พ้า นอ แบ, แบเด้าะ อ ล ญ่อง ชู่ง เท่อ แบ, ดี๊ ต๊างทางนี่ อคูอแน่, บี่ซุ้ ม ไท้ เกไท้ ทอฆ่อง ลู่ง อีไย้ะ พ้า แบเด้าะ กแช่แยว้ เก กแช่แยว้ พี่ ล ทื๊งนี่นะนี่ เท่อ แบ, โอ ดี๊ อโก้งอโบ้ง ดี๊ อ ทย๊างซ้ะ, อ ซ้ะทาง โกย้, ดี๊ โอกู้งโอล๊า ดี๊ ทเอทกวี้ง เฌิ่งๆ, ค๊าๆ ดี๊ ล ญ๊องไฆวะ อ ซื๊งเว๊ แบ

ทอางปฆ้า 10:5

โพล้งอ้าโพล้งซ๊าง อ เกล้, ดูทางโท๊ทาง กุ้ช๊ากุ้โท่ กแช่แยว้ อ ทต้ะเซ๊ง, โอโท๊ พะไฆวะ อ เมะแคว่ อเว๊ เชิ่งเชะโพล้ง พี่ โอเว้งโอก๊าง ดี๊-อ้ะ ลแพ นอ

ทอางด้อง 10:12

ท แช๊เมะไฌ๊ ซ้ะ นอ, ดึ้ เกทาง ท ติ้โละไอโละ แบเด้าะ ทเอทกวี้ง นอ, แพล่ไฆวะ ท ลือค๊างพะ กุ้เม้ง

ทอางด้อง 13:10

ท ทื่งดูล้างซ้ะ นอ, โอ เว๊ ที่ ดึ้ เกทาง ท ติ้โละไอโละ แบเด้าะ ทโกงซีมองแบ โอ ดี๊ โพล้ง, พี่ ฮะนี่ ท โล้ฌ้าละฌ้า

ทอางด้อง 17:14

ท ติ้โละไอโละ โอทาง นอ, บี่ซุ้ดี๊ ทูแพล่ ที๊ง เกม๊า อ ล้างแยว้ ล้อ ทบี่นอ, เกม๊า โอโท๊ไฆวะ วี่ง-อ้ะ, ซลื่อ ท คิ้คุ้ไวะวะ ม กึทาง

ทอางด้อง 17:9

โพล้ง พี่ แพล่ไฆวะ ท ลือค๊างพะ นอ, เฌา แม้ ทฆู๊งทพุ้ แบเด้าะ โพล้ง พี่ อ เฌา เฆว้ง ทไพ้ะทแม นอ, ม ดึ้ เกม๊า ฌุ้พางเท่งซ้ะ ที่มื่งที่พ้ะ โละซ้ะ ล้อ

ทอางด้อง 19:22

เท่อ พี่ อ ล้าง แบซ้ะ ลู่ง กโพล้ง อ ทโอม๊า พ้า นอ, เมะเว๊ ท เซิงเท่งซ้ะโต้ ดี๊ โพล้งซยางโพล้งน้ะ นอ, ฌี้เละ โพล้ง ไคล้ คีงอูง เท่อ ได้ะ

ทอางด้อง 31:20

อ เว๊ เกล๊าง เอะ โพล้งซยางโพล้งน้ะ อ เท่อ อ เว๊ เยาฆ้าง อ จูง แม้ช้า โพล้งไว้ะโพล้งว๊าง

ทอางด้อง 31:26

อ เว๊ อ้างทาง นุ้ ไคล้ ดี๊ ทโกงซีมองแบ ดี๊ ทซองทซ๊าง โอ ฆึ ดี๊ ท ย๊างเซิงย๊างซ้ะ, ลู่ง อ พลี้ ล้อง

ทโกงซีมองแบ 10:4

โพล้ง โพะคอง เท่อ อ ซ้ะ เมะ เฌ๊ทาง ดี๊ แน้ นอ, เฌ้เทิง ไจแดไฆวะ น ล่าง ล ฌี้ อไฌ่บี่อี้ง, ซ้ะโกย้ซ้ะเคลง นอ, แม้ โอโท๊ ทะ ทไพ้ะทแม พ้ะดู ซี

ม้ะทู 27:18

อ ไฌ่ บี่ อี้ง, ปีล้ะ ซีงแฌ๊ เว๊ เย้า, พี่ โพล้ง พองนี่ กแช่ เยซู เฌ๊ อ้ะล้าง ดี๊-อ้ะ นอ, เป๊งนี่ อซื๊งเว๊ ไคว๊ เว๊ โญ้ง เว๊ นอ ล้อ

ท​แม้ 7:9

ก พี๊ง ก พู๊ง ลู่ง แย๊ อู้ง ล แพ อี้ง นอ ไคว๊ อ พื่ง โยซิ้, อางแช๊ เว๊ เก ท อ ฆ่อง ลู่ง อีไย้ะ อ ค่าง พ้า, แบเด้าะ กแช่ แยว้ โอ ดี๊ โยซิ้

โรมา 1:29

อ ซ้ะ พ้า โอ ฆวี้ ทะ ดี๊ ท ล ฌี้ ล แอว้ แบ, ท อ้า ท ซ๊าง, ท แน่แฌ่ แน่ท้า, ท เซิง อ้า ซ้ะ อ้า, อซื๊งเว๊ ไคว๊ เท่อ โญ้ง เท่อ, แม้ ซี๊ง โพล้ง, ติ้ โละ ไอ โละ ซ้ะ, อางโล๊ อางเว้ง เท่อ, ช๊องมอง เท่อ ล ฌี้ แบ ลู่ง โพล้ง อ ฌ่าง, เซ๊ โพล้ง อ แล้

โรมา 13:13

เกม๊า ก แม้ ก ซ้ะ ลู่ง อ เกิ้ง บี่ ซุ้ โพล้ง พี่ อ โอ ลู่ง ท พ้าง, แม้ ได้ ซ้ะ ล ฌี้, ม้า ไซ้ะ ล ฌี้, แม้ กแม มืง กแม แคว๊ ล ฌี้, แม้ เท่อ ลู่ง อ ล้างลุ้ ล้างเช้ ล ฌี้, ติ้ โละ ไอ โละ ซ้ะ ล ฌี้, ไคว๊ โละ โญ้ง โละ ซ้ะ ล ฌี้

1​โคเรง 3:3

อ ไฌ่ บี่ อี้ง, น ซื๊ง แม้ ซ้ะ แบ ด้อง โพล้ง ล โอ ดี๊ วีง ฌี้ แล้ แอว้ แบ, น ซื๊ง ไคว๊ โละ โญ้ง โละ ซ้ะ ไอ โละ ซ้ะ, แม้ อ ซ้ะ บี่ นอ, น ซื๊ง ล้างโฌ่ โพล้ง ฌางคู คู ได้ะ, ดี๊ น ซื๊ง แม้ ซ้ะ ล้างโฌ่ โพล้ง ล แบ้ แยว้ ได้ะ แบ

1​โคเรง 4:18

โพล้ง แบ ล แฌ้ๆ, ม อางกี ทาง โท๊ อ ซ้ะ, ช๊องมอง เว๊ จ ล เฌ๊ ลู่ง น ซื๊ง โอ แบ

1​โคเรง 4:6

ด๊างพื่งวี่ ซีง-เอ้อ, จ เจ่ อาโปโล ดี๊ จ กแช่ เก ท อ ด้อง พี่ จ กวิ้ ท กุ้ อ เม้ง อี้ง, บี่ ซุ้ ม เก ท ล้างเปิ่ง ลู่ง น ซื๊ง ฌ่าง, เมะ บี่ นอ น ซื๊ง ม ซีงแฌ๊ ท ไคล้ พี่ อ ไจ้ะ เว๊, “ปโล่ ล้าง น ซื๊ง ซ้ะ ลู่ง น ซื๊ง ม แม้ โพะ ทอางแม้เลา อ ไค๊”, น ซื๊ง ล แบ เฆว๊ ซ้ะ ดี๊ โพล้ง ล แฌ้ อี้ง, ดี๊ ชาง ล้าง โพล้ง ล แฌ้ อู้ง น่าง เม้ง แบ

1​โคเรง 5:2

เมะ บี่ นอ, น ซื๊ง อางกี ทาง โท๊ น ซ้ะ ซี บี่ จะ เล้, เกิ้ง ลู่ง น ซ้ะ เฌ๊ฌ้อง ดี๊ ล เกม๊า โพล้ง พี่ อ แม้ ไพ้ะ เท่อ บี่ นอ, เฌ๊ โอ ซยอง ดี๊ น ซื๊ง ล้า แบ

1​โคเรง 8:1

ค๊องเนง อี้ง จ ม ไคล้ แบฆ้ะ ดี๊ ท ไฌ่ ลื่ง อาง ท เค่ง ท ฌ้าง นอ ก ซีงแฌ๊ เว๊ ก โอ ดี๊ ท ซีงแฌ๊ แน่ฌ๊า กุ้ อ แฌ้, แบเด้าะ ท ซีงแฌ๊ แน่ฌ๊า เกม๊า โพล้ง ชีอูงพู๊ อ ซ้ะ, เท่อ พี่ อ แม้ ชอง ทาง ไคล๊ ทาง โพล้ง อ ซ้ะ นอ, เมะ เว๊ ท เอ ท กวี้ง ล้อ

2​โคเรง 12:20

จ ไค๊ไก้ะ พี่ จ เฌ๊ ท้อง โคะ นอ, จ ล แด น ซื๊ง บี่ ซุ้ จ แบ ซ้ะ เกม๊า น เก นอ แบ, ดี๊ น ซื๊ง ล แด แย้ บี่ ซุ้ น แบ ซ้ะ เกม๊า จ เก นอ แบ, จ ไค๊ไก้ะ พี่ จ ม แด ท ติ้ โละ ไอ โละ, ท ไคว๊ ท โญ้ง, ท เซิงทาง ซ้ะทาง, ท แด ล้าง ที่ กแช่ อ ซ้ะ, ท ไจ้ะ อ้า ไจ้ะ ซ๊าง, ท เซ๊ วีง ซ๊อง แล้, ท ชีอูงพู๊ ทาง ซ้ะ, ท เซ๊ ทาง เซ๊ ล้าง

2​โคเรง 6:6

ก เก โพล้ง ฌี้ โพล้ง แอว้, โอ ดี๊ ท ซีงแฌ๊ แน่ฌ๊า, ท เอ้า เซิง เอ้า ซ้ะ, ท เซิง ช้า ซ้ะ ช้า, ก โอ ดี๊ วีง ฌี้ แล้ แอว้ ดี๊ ท เอ ท กวี้ง เต้ๆ

กาลาเต 5:26

ก ล แบ อางกี ทาง โท๊ ก ซ้ะ แบ, ล แบ แม้ ซ้ะทาง โละ ซ้ะ แบ, ดี๊ ล แบ ไคว๊ โละ โญ้ง โละ ซ้ะ แบ นอ ล้อ

เอเฟโซ 4:2

เกม๊า น ซื๊ง ชาง ล้าง ซ้ะ โอ ดี๊ เซิง ฌี้ ซ้ะ ช้า, โอ โก้ง โอ คุ้ เท่อ, ดี๊ โอ โก้ง โละ ซ้ะ ลู่ง ท เอ ท กวี้ง

เอเฟโซ 4:32

แบเด้าะ แบ โอ ดี๊ ท ย๊างเซิง ย๊างซ้ะ ดี๊ ท เซิงช้า ซ้ะช้า โละ ซ้ะ, ทื๊ง นี่ นะ นี่ โละ ซ้ะ ล ฌี้, บี่ ซุ้ กแช่ แยว้ ล ทื๊ง นี่ นะ นี่ น ซื๊ง แบ ปะ ลู่ง กแช่ เยซู คริ้ อ กย้อง นอ ล้อ

ฟีลิ้ปี 1:15

เมะ เย้า, แบ ล แฌ้ๆ, โล้ ล้าง กแช่ เยซู คริ้ อ ไฌะ อ ไฌ่ ดี๊ อ ซ้ะ ลู่ง อ ไคว๊ เท่อ โญ้ง เท่อ, ติ้ โละ ไอ โละ อ ซ้ะ แด เว๊, แบเด้าะ โพล้ง อ แฌ้แพ โล้ ล้าง เท่อ ดี๊ อ เซิงเท่ง ซ้ะโต้

โคโลซี 1:11

จ อางท่าง เกม๊า กแช่ แยว้ ดึ้ ชอง ทาง ไคล๊ ทาง น ซื๊ง ลู่ง ท กุ้ อ เม้ง เฌ๊ เว๊ ลู่ง อ ฆี๊ง อ แล้ อ ดู้ง อ ยาง, บี่ ซุ้ น ซื๊ง ม โท่ง ท กุ้ อ เม้ง เก ลู่ง ท เอ้า เซิง เอ้า ซ้ะ

โคโลซี 2:18

เกม๊า โพล้ง พี่ อ อางกี ทาง โท๊ อ ซ้ะ แบฆ้ะ ดี๊ แด เท่อ ลู่ง เมะแย๊ นอ ไจ้ะ แบ น ซื๊ง ล ฌี้, อ เว๊ ม เกม๊า โพล้ง ชาง ล้าง ดุ้ อ ซ้ะ ดี๊ แบ้ ทาง ท มุ้คู พู, แบเด้าะ อ ซูง อ แซ ล โอ น่าง เม้ง แบ พี่ ม ชีอูงพู๊ ทาง อ ซ้ะ, อ เว๊ แด อ ท ช๊องมอง บี่ ซุ้ ดี๊ กโพล้ง อ ท ช๊องมอง ล้อ

โคโลซี 3:12

น ซื๊ง เก กแช่ แยว้ อ พู อ ลี้ง, อ เว๊ เอ น ซื๊ง กวี้ง น ซื๊ง ดี๊ อางลึ นี่ น ซื๊ง ม เก อ เท่อ แด เว๊ ท บี่ นอ, น ซื๊ง แบ โอ ดี๊ ท ย๊างเซิง ย๊างซ้ะ, ท เซิง ช้า ซ้ะ ช้า, ท ชาง ล้าง เซิง ชาง ล้าง ซ้ะ, ท เซิง ฌี้ ซ้ะ ช้า, ท เอ้า เซิง เอ้า ซ้ะ

1​เทซาโลนีเก 5:14

ก ด๊างพื่งวี่ ซีง-เอ้อ, ก อวีงซ้ะชู้ น ซื๊ง เกม๊า น โล้ เอะ โพล้ง เกิง ล แพ นอ อ เท่อ, เกม๊า น แม้ ชอง ทาง โพล้ง พี่ อ ซ้ะ ล้างท่อง, แม้ช้า โพล้ง ลู่ง อ ไฌ่ แช่ แบ้ แช่, ดี๊ น แบ เอ้า เซิง เอ้า ซ้ะ ดี๊ โพล้ง กุ้ อ แฌ้

1​ทีโมเท 6:4

อ เว๊ นอ เก โพล้ง ชีอูงพู๊ อ ซ้ะ, ล ซีงแฌ๊ ท น่าง เม้ง แบ, อ เว๊ เอ ดุ้ เท่อ ลู่ง อ ไพ้ะ, พี่ แบ ซ้ะ ไคล้ เท่อ ลู่ง ล แบ โละ ซ้ะ ดี๊ โพล้ง แบ, ดี๊ ติ้ โละ ไอ โละ ซ้ะ แบฆ้ะ ดี๊ โพล้ง อ ไฌะ อ ไฌ่, อ อี้ง นอ เกม๊า โพล้ง ไคว๊ โละ โญ้ง โละ อ ซ้ะ, ติ้ โละ ไอ โละ ซ้ะ, ดึ้เดว โละ ซ้ะ, ด้องฌูง ด้องแบล โละ อ ซ้ะ

2​ทีโมเท 2:25

โพล้ง พี่ อ แม้ ไทะทะ เว๊ อ ท ซอง ท ซ๊าง นอ, อ เว๊ แบ โล้ เอะ-อ้ะ ดี๊ ท มึ ทพ้า, แบ ซีง ลู่ง กแช่ แยว้ ม เกล๊าง อ ช๊า อ โท่ เปลง ไท้ อ ซ้ะ ดี๊ ซีงแฌ๊ ท อ ที๊ง อ โต้

2​ทีโมเท 3:10

ทีโมเท-เอ้อ, นี๊ แด นอ น ซีงแฌ๊ ฌี้ เย้า แบฆ้ะ ดี๊ จ ท ซอง ท ซ๊าง, จ ท ไพ้ะ ท แม้ ดี๊ เท่อ พี่ จ แบ ซ้ะ แม้ ลู่ง เมะแย๊ ล โค๊, น แด จ ท ชู่ง ท นะ, จ ท เอ้า เซิง เอ้า ซ้ะ, จ ท เอ ท กวี้ง, จ ท เฌิ่ง ท ค๊า

2​ทีโมเท 4:2

เกม๊า น โล้ ล้าง กแช่ แยว้ อ ลู่ง อ แท๊, เฌาโละ แม้-อ้ะ เมาน่าง พี่ อ ช๊า อ โท่ โอ ฌี้ ล โอ แบ ฌี้, ไจ้ะ โพล้ง พี่ อ แม้ เท่อ ล แบ แบ, ฌ้อง โล้ เอะ-อ้ะ เมาน่าง, ดี๊ แม้ ชอง ทาง อ เซิง อ ซ้ะ, พี่ น ซอง ท ล แพ อี้ง นอ, ซอง-อ้ะ ดี๊ ท เอ้า เซิง เอ้า ซ้ะ ครึๆ

ทีต๊ะ 3:3

อ ไฌ่ บี่ อี้ง, ลู่ง อ พ้อง ไฆวะ นอ ก เว๊ แด ก เก โพล้ง เฌ๊ฌ้อง, ล ชู่ง ล นะ เท่อ แบ, ก แบ ทอางโล๊ อางเว้ง, เก ท ซ้ะกวี้ง ล๊องก้อง ดี๊ ท มึ ท พ้า ตบลึ้ เม้ง อ ฆ่อง, ก แม้ ท อ้า ท ซ๊าง, ก ไคว๊ เท่อ โญ้ง เท่อ, ก แช๊เมะ ไฌ๊ซ้ะ โละ ซ้ะ

ยาเก้า 4:5

น ซื๊ง ช๊องมอง-อ้ะ ลู่ง ไละ ฌี้ ไละ แอว้ พ้า, ไคล้ เท่อ อ แซ ล โอ แบ นอ-อ้า, พี่ อ ไจ้ะ เว๊ “ก วีง ก แล้ ลู่ง กแช่ แยว้ ชวี๊ง ล้าง เว๊ ก ซ้ะ พ้า อี้ง นอ, โอ ฆวี้ ทะ ดี๊ ท ซ้ะกวี้ง ล๊องก้อง ลู่ง อ ชองๆ, นอ ล้อ”

1เปโต 2:1

ท บี่ นอ, แม้ ไฆวะ น ซื๊ง ท อ้า ท ซ๊าง ท่อง อ เลา, ไคล้ คีงอูง เท่อ ล้า ล ฌี้, แม้ น เมะ โต้ ซ้ะ ไก ล้า ล ฌี้, ไคว๊ เท่อ โญ้ง เท่อ ล้า ล ฌี้, ไคล้ แช๊ คู ดู ซ้ะ โพล้ง อ แฌ้แพ ล้า ล ฌี้

1เปโต 3:8

ลู่ง อ ไค๊ ทึ อี้ง, น ซื๊ง ซีง แบ แม้ ซ้ะ ล โพลง ฆ่าง, เอ โละ กวี้ง โละ ซ้ะ บี่ ซุ้ ด๊างพื่งวี่, ย๊างเซิง ย๊างซ้ะ โละ ซ้ะ, ดี๊ โอ ดี๊ ท ชาง ล้าง เซิง ชาง ล้าง ซ้ะ คี๊ง โค๊ เลา

1เปโต 4:8

เท่อ พี่ อ ล้างเปิ่ง ดู นี่ ท กุ้ อ เม้ง นอ, เมะ เว๊ แบ เอ โละ กวี้ง โละ ซ้ะ เต้ๆ, อ ไฌ่ บี่ อี้ง, ท เอ ท กวี้ง นอ ล ทื๊ง นี่ นะ นี่ โพล้ง อ ท ไพ้ะ ท แม แบ

2​เปโต 1:7

ทอางกี ล้าง ซ้ะ ดี๊ กแช่ แยว้ นอ, แบ โอ ฆึ ดี๊ ท เอ โละ ซ้ะ บี่ ซุ้ ด๊างพื่งวี่, ท เอ โละ ซ้ะ บี่ ซุ้ ด๊างพื่งวี่ นอ, แบ โอ ฆึ ดี๊ ท เอ ท กวี้ง โพล้ง อ แฌ้แพ ปะ

1​โยฮาง 4:11

ฌุ้พาง ลู่ง จ เอ-อ้ะ ซีง-เอ้อ, พี่ กแช่ แยว้ เอ เฆ้อ บี่ อี้ง นอ เกิ้ง ลู่ง ก ม เอ โละ กวี้ง โละ ก ซ้ะ ปะ ล้อ