Yobihit 9:8 - Numanggang: Bepaŋ'walaŋ yofolok kobuli tiŋa kap

⁸ Dumuniŋhik adi kweheyehi, fafau tam mebihik dumuniŋ kweheyehi nabugoŋ. Eŋ mahik kitili adi laion mahik kitili undihi.

Yobihit 9:8 ပူးပေါင်းရင်းမြစ်များ

Judahi’walaŋ Kap 57:4

Nu adi me laion nabugoŋ, meeniŋ yehinanaŋdok woom tiŋa hakiiŋ heki’walaŋ lekiŋgoŋhik foloŋ deihatat. Mahik adi mokop tiŋa bohom fimikimikiyenit hinek dabugoŋ undihi. Eŋ mebelemhik adi miknoŋ maŋiŋ imikimikiyenit hinek nabugoŋ undihi.

Loma 9:29

Aisaiyadi koom mede indiŋ niŋ yoguk, “Wapum, Saŋiniŋ Molomdi metam faki-kabe nemu biyabune hatine tigiŋ binek adi Sodom gut Gomolahi’walaŋ mintaguk wendok tuwot kadakadapmayanim.”

1 Timoti 2:9

Eŋ tamwoidok adi indiŋ yolat. Adi yadi dahidahi kedehi tinahukula hatiyaneeŋ. Ale tamwoi, i maaŋ nadiut. Kihik hapmuŋ foloŋ tikudikudile be kodihik foloŋ komkom tuwaŋiŋ loloŋnit homogine homogine be dahidahi pepelendahi kadahiŋa yaune yabusiloda titiŋdok kadahiiŋ undihi adi mu kadahiyaneeŋ.

1 Pita 3:3

Hidi sigihik hogok tinahukulimindok kihik hapmuŋ foloŋ tikudikudile, eŋ dahidahi kudikudi momooŋ hinek, be komkom tuwaŋiŋ loloŋnitdi tinahukukiiŋ wendi folooŋ mu tilak.