Jesu’walaŋ Mede Momooŋ Makdi Youkuk 8:32 - Numanggang: Bepaŋ'walaŋ yofolok kobuli tiŋa kap

³² Mede u yenindakaleune nadiŋa Pitadi Jesu ne hogok nagila wooŋ “Mede undiniŋ u mu yodok” yo kwihikwihileŋgoŋ nihep tuguk.

Jesu’walaŋ Mede Momooŋ Makdi Youkuk 8:32 ပူးပေါင်းရင်းမြစ်များ

Matiyu 16:22

Kaŋ Pitadi Jesu ne hogok nagila wooŋ indiŋ niheguk, “Wapum, Bepaŋdi gehitubu-lodaune nemek undiniŋ mu hinek mintagambaak.”

Jesu’walaŋ Mede Momooŋ Makdi Youkuk 4:38

Kaŋ Jesu adi mebi uloloŋ kameeŋ mindaŋ gwaŋ gitagoŋ damo deihakuk. Tubune mihiŋiye adi munta tiŋa wooŋ talamsukuleeŋ niŋgiŋ, “Hinale, indi agaŋ ime gineŋ wopmabutne tam kaŋ du inditok nadibedi mube tiŋa gitagoŋ deihataŋ?”

Jesu’walaŋ Mede Momooŋ Lukdi youkuk 10:40

kaŋ Mata adi hinaŋ be yot tiulidoko wondok nadibedi tiŋa kwanai tuguk. Unduŋ tiŋa buŋa Jesu niŋguk, “Wapum, du dalane binabune kwanai na hogok tibe kaune dediŋ tilak? Fit nimbune buŋa nehitubu-lodawek.”

Jesu’walaŋ Mede Momooŋ Jondi youkuk 10:24

Judame hekidi kelemadi yaliŋa niŋgiŋ, “Du dediŋ doktiŋa mebige kamehebiune welelufom kisaŋ hinek tam. Biyagoŋ hinek, du Kilisto nobu kaŋ didimeŋgoŋ-ku niniliŋ.”

Jesu’walaŋ Mede Momooŋ Jondi youkuk 11:14

Unduŋ doktiŋa Jesudi miŋgoŋ indiŋ yenindakaleguk, “Lasalus adi agaŋ kumuŋguk,

Jesu’walaŋ Mede Momooŋ Jondi youkuk 16:25

“Mede haniŋtabulugut u yoyout gineŋ hogok kameeŋ hanilugut, ala nai niŋ dulalak uŋaniŋ adi mede undihi kotigoŋ mu hanimbaat. Nai uŋaniŋ adi Batne’walaŋ mebi u miŋgilaŋgoŋ yodakalewaat.

Jesu’walaŋ Mede Momooŋ Jondi youkuk 16:29

Unduŋ yobune mihiŋiyedibo indiŋ niŋgiŋ, “Kei! Kobuk mede ninilaŋ yoŋ adi yoyout gineŋ mu kamekaaŋ miŋgilaŋgoŋ hinek ninindakalelaŋ.

Jesu’walaŋ Mede Momooŋ Jondi youkuk 18:20

Kaŋ Jesudibo niŋguk, “Nu nemek kabup nemu yolugut, nu adi Siloŋyotneŋ be bopyotneŋ metam fee bopneyagiŋ kaŋ mede yenilugut.