Jesu’walaŋ Mede Momooŋ Makdi Youkuk 7:37 - Numanggang: Bepaŋ'walaŋ yofolok kobuli tiŋa kap

³⁷ Yobune metamdi mede u nadiŋa nadiune beweniŋgoŋ hinek tubune indiŋ niŋgiŋ, “Nemenemek momooŋ hinek tiŋa me mede mu nadiiŋ be yoiŋ yehitubu-kedebaune mede yoiŋ eŋ nadiiŋ.”

Jesu’walaŋ Mede Momooŋ Makdi Youkuk 7:37 ပူးပေါင်းရင်းမြစ်များ

Tububihit 1:31

Kaŋ Bepaŋ adi nemek tubumintaguk i yabune momooŋ hinek tuguk. Kaŋ kwet kotigoŋ bufaaŋ heleune melenai 6 tuguk.

Judahi’walaŋ Kap 139:14

Nu gikiŋgoŋ tigamuŋa nadigambene uŋgoniŋ hinek tilak, doktiŋa welemomooŋ nadigamuŋa wohoge ganintilolat. Nemenemek hogohogok tilaŋ u yadi momooŋ tiŋa uŋgoniŋ hinek. Wendok adi welene gineŋ hinek duŋgoŋ nadiŋa nadihinaka hinek tilat.

Matiyu 9:32

Meyat ulune me niŋ yabapdi tububuyeune mede mu yoluguk u nagila Jesu hakukneŋ bugiŋ.

Jesu’walaŋ Mede Momooŋ Makdi Youkuk 1:27

Kaŋ metam adi u kaŋ boho tigiŋ. Tiŋa, maŋgoŋti unduŋ tilak yoŋa nehi uŋgoŋ indiŋ yonadigiŋ. I hinale kwanai nadinadi kobuli bidak tiŋa bu tilak. Me ya yabap heki mede saŋiniŋnit hinek yenimbu medeŋiŋ nadimiiŋ.

Jesu’walaŋ Mede Momooŋ Makdi Youkuk 2:12

Unduŋ nimbune metam yakaune me u pilali gulupŋiŋ moŋgola yolide uguk, kaŋ metamdi koom nemek indiniŋ nemu kagumun yoŋa Bepaŋ niutumba tigiŋ.

Jesu’walaŋ Mede Momooŋ Makdi Youkuk 4:41

Unduŋ yeniŋguk kaŋ munta kisaŋ tiŋa yogiŋ, “Me i dediniŋ doktiŋa sububa dut imedi medeŋiŋ nadiyamuk.” Unduŋ yo nehi uŋgoŋ kisaŋ yonadigiŋ.

Jesu’walaŋ Mede Momooŋ Makdi Youkuk 5:42

Unduŋ nimbune pilali uŋambuŋat tuguk kaŋ metamdi nadiune uŋgoniŋ hinek tuguk. Kaŋ Jesudi mu wooŋ yobihitdok yo kamehep fafaŋeniŋ hinek tuguk, tiŋa nanaŋe neeŋ mimbu nawek yeniŋguk. Waabi u guletŋiŋ tuwelup gineŋ Jesudi kudi u tuguk.

Jesu’walaŋ Mede Momooŋ Makdi Youkuk 6:51

Unduŋ yeniŋa muwage foloŋ loune sububa wapum buguk wabiune mihiŋiye adi boho tiŋa nadiu uŋgoniŋ hinek tuguk.

Jesu’walaŋ Mede Momooŋ Makdi Youkuk 7:36

Unduŋ tiŋa metam mu yobihitneŋ yeniŋguk, iŋgoŋ adi gigine tiŋa gibita yoyaugiŋ.

Jesu’walaŋ Mede Momooŋ Makdi Youkuk 8:1

Nai mu kweheyelune uŋaniŋgoŋ metam bop wapumdi kotigoŋ buŋa bopnegiŋ. Iŋgoŋ nanaŋehik moŋ, doktiŋa Jesudi mihiŋiye yehibopneeŋ yeniŋguk,

Jesu’walaŋ Mede Momooŋ Lukdi youkuk 23:41

Indi yadi kadakaniŋnikdok kibikoŋ tinimiŋit iŋgoŋ me yoŋ adi kadakaniŋ nemu tuguk.”

Aposel 14:11

Kaŋ metamdi Pol kudi tuguk u kaŋ kakaliŋa nehi’walaŋ mede gineŋ indiŋ yogiŋ, “Bepaŋ heki agaŋ kamiŋ mehinek dabugoŋ yageleeŋ indi’walaŋ iŋoŋ foŋit.”