Jesu’walaŋ Mede Momooŋ Makdi Youkuk 5:35 - Numanggang: Bepaŋ'walaŋ yofolok kobuli tiŋa kap

³⁵ Jesu adi unduŋ yayolune me niŋ adi Jailas yolineŋkade mede tiŋa buguk, buŋa Jailas indiŋ niŋguk, “Waabige agaŋ kumulak ale hinale nimbu mu wek.”

Jesu’walaŋ Mede Momooŋ Makdi Youkuk 5:35 ပူးပေါင်းရင်းမြစ်များ

Matiyu 26:10

Unduŋ yogiŋ kaŋ Jesudi u nadiŋa indiŋ yeniŋguk, “Hidi maŋgoŋde tam i malabumuŋ miiŋ? Adi titiŋ momooŋ tinambune kawe utumba tilak.

Matiyu 26:18

Unduŋ yobune yeniŋguk, “Hidi wooŋ yokwet maaneŋ fooŋ me uŋamo woŋ, adi-ku indiŋ nineŋ, ‘Henaledi indiŋ yolak, Naine agaŋ dulalak doktiŋa mihineye dut du yokeneŋ wooŋ Aŋelodi Yabukiyondaaŋ Yalakapmeguk wendok muni nanim yolat.’”

Matiyu 9:18

Jesu adi mede u yayenilu bopyot diniŋ kaulidoko me niŋdi buŋa hebeŋ foloŋ mulelem timiŋa ninadiguk, “Waabine kobugoŋ kumulak, ale buune nukut wooŋ kohoge folooŋ foloŋ kameweŋ kaŋ kaikaaŋ pilalek.”

Jesu’walaŋ Mede Momooŋ Makdi Youkuk 10:17

Jesu kotigoŋ we tubune me niŋdi kiyane labuŋa mulelem timiŋa indiŋ ninadiguk “Hinale momooŋ, nu maŋgoŋ tiŋa hatihati dapmandapmaŋnit mokit kahilewaat?”

Jesu’walaŋ Mede Momooŋ Makdi Youkuk 5:22

kaŋ Judahi’walaŋ bopyothik diniŋ me wapum niŋ hatiluguk wou Jailas adi buŋa Jesu kayoŋ foloŋ maaŋ hali

Jesu’walaŋ Mede Momooŋ Lukdi youkuk 8:49

Jesu adi unduŋ yayolune me niŋ Jailas yolineŋkade mede tiŋa buguk buŋa Jailas indiŋ niŋguk, “Waabige agaŋ kumulak ale hinale nimbu uŋoŋ mu wek.”

Jesu’walaŋ Mede Momooŋ Jondi youkuk 11:21

Wooŋ Jesu kaŋ niŋguk, “Wapum, du iŋgoŋ hale tuguŋ binek adi witne tuwot mu kumumbe tuguk.

Jesu’walaŋ Mede Momooŋ Jondi youkuk 11:25

Unduŋ yoguk kaŋ Jesudibo niŋguk, “Pilapilat tiŋa hatihati u nagoŋ. Ale nebek niŋdi nu nadisukilitinamuŋa kumumbaak adi kumuŋ kabeleeŋ hatibaak,

Jesu’walaŋ Mede Momooŋ Jondi youkuk 11:28

Mata adi unduŋ yoŋa kotigoŋ yopmande wooŋ Maliya kutinimbu buune mede hamahamap gineŋ indiŋ niŋguk, “Hinale buŋa hali wooŋ kaweŋ ganilak.”

Jesu’walaŋ Mede Momooŋ Jondi youkuk 11:32

Kaŋ Maliya adi pilap hinek wooŋ Jesu hakukneŋ wosuwaaŋ kayoŋ foloŋ maaŋ haliŋa niŋguk, “Wapum, du iŋgoŋ hale tuguŋ binek adi witne tuwot mu kumumbe tuguk.”

Jesu’walaŋ Mede Momooŋ Jondi youkuk 11:39

Ala Jesudi yeniŋguk, “Kawade i dakaleneŋ.” Yenimbune Matadi yoguk, “Wapum, kameeŋ hatinene helebufa lufolufom agaŋ dapmalak, kaŋ agaŋ munduŋ kutak.”

Jesu’walaŋ Mede Momooŋ Jondi youkuk 5:25

Tiŋa indiŋ maaŋ nadineŋ: Nai niŋ agaŋ dulalak, uŋaniŋ kumuŋhinitdi Bepaŋ Mihiŋiŋ’walaŋ medeŋiŋ nadiŋa nadidahi tineŋ heki adi hatihati kahileneeŋ.