Jesu’walaŋ Mede Momooŋ Makdi Youkuk 16:1 - Numanggang: Bepaŋ'walaŋ yofolok kobuli tiŋa kap

¹ Sabat nai dapmaune Maliya Madalaniŋ eŋ Salome eŋ Maliya Jems miŋ adi Jesu folooŋ dabaaŋ yougomdok yoŋa haguwo munduŋhinit momohi noli tuwagiŋ.

Jesu’walaŋ Mede Momooŋ Makdi Youkuk 16:1 ပူးပေါင်းရင်းမြစ်များ

Tububihit 50:2

Unduŋ tiŋa tipilapilaye meŋiye eŋ haguo meŋiye adi beu’walaŋ sigiŋ gitnem pilap mu bitakadok haguwo goomindok yeniŋguk. Kaŋ adi Yakop haguwo goomiŋgiŋ.

Jesu’walaŋ Mede Momooŋ Makdi Youkuk 14:3

Jesu adi Betani uŋoŋ Saimon koom wede haki tuguk adi yolineŋ nanaŋe hanalune, tam niŋ adi fooŋ ime munduŋ momooŋ hinek wou “nat” yoiŋ, toutŋiŋ kawadedi tigiŋ eŋ tuwaŋiŋ adi loloŋnit hinek, u tiŋa buŋa tout maŋiŋ ugolooŋ ime u Jesu mebi foloŋ yougomguk.

Jesu’walaŋ Mede Momooŋ Makdi Youkuk 14:8

doktiŋa adi nemek tinamdegoŋ tiŋak. Adi ime munduŋnitdi nedegomuŋak u denimbek nehiweneneeŋdok timeŋ nehitiulidokolak.

Jesu’walaŋ Mede Momooŋ Makdi Youkuk 15:40

Kaŋ tamwoi noli-kabe kweetniŋgoŋ yali nemenemek mintaguk u kagiŋ. Maliya Madala yokwetneŋniŋ eŋ Salome eŋ Maliya Jems kuyaniŋ dut Josep mehik adi tamwoi u bopne yakiŋ adut noŋgoŋ yakiŋ.

Jesu’walaŋ Mede Momooŋ Makdi Youkuk 15:42

Kwet tebele-daune Josep Alimatiyaniŋ adi Judahi’walaŋ kansol diniŋ me wapum niŋ ala hatihati kobut deniŋ mintaune kakaŋdok wendok nadiŋa woom hatiluguk. Ala Sabat gulet haloŋ itnim yoŋa tiulidoko tulune me i Jesu folooŋ dabaaŋ tiŋa wooŋ bom gineŋ kamewene munta mu tiŋa fafaŋe tiŋa Pailat’walaŋ looŋ ninadiguk.

Jesu’walaŋ Mede Momooŋ Makdi Youkuk 15:47

Maliya Madalaniŋ dut Maliya Josep yakat mehik adi maaŋ uŋgoŋ yayabulune Jesu folooŋ dabaaŋ kamegiŋ.

Jesu’walaŋ Mede Momooŋ Makdi Youkuk 16:2

Ala Sonda haniŋ mele labulabude Jesu bomŋiŋ gineŋ ugiŋ.

Jesu’walaŋ Mede Momooŋ Makdi Youkuk 16:8

Unduŋ yenimbu tamwoi adi boho tiŋa hehele tigiŋ, tiŋa kiyane hogok ugiŋ. Tiŋa munta maaŋ tigiŋ doktiŋa nebek nemu wooŋ yeniŋgiŋ.

Jesu’walaŋ Mede Momooŋ Lukdi youkuk 23:54

Nai uŋaniŋ Sabat iitdok nai dulaune tiulidoko kwanai titiŋdok nai tuguk.

Jesu’walaŋ Mede Momooŋ Lukdi youkuk 23:56

Nemenemek u kadapmaaŋ udaneeŋ yopmaŋ wooŋ haguwo munduŋhinit tiulidokogiŋ. Sabat gineŋ adi Yodoko Mededi yolak undugoŋ keleeŋ hakula tigiŋ.

Jesu’walaŋ Mede Momooŋ Lukdi youkuk 24:1

Sonda haniŋ timiŋ tamwoi adi pilali haguwo munduŋhinit tiulidokogiŋ u beŋa Jesu bomŋiŋ gineŋ ugiŋ.

Jesu’walaŋ Mede Momooŋ Jondi youkuk 19:25

Mikme hekidi unduŋ tulune Jesu miŋ eŋ miŋ diniŋ deleŋ eŋ Kelopa tamŋiŋ Maliya eŋ Maliya Madalaniŋ adi Jesu’walaŋ koloŋdabek mebineŋ yakiŋ.

Jesu’walaŋ Mede Momooŋ Jondi youkuk 19:31

U hinamuni tiulidoko nai foloŋ tigiŋ ala heleŋ adi Sabat doktiŋa me dabahi koloŋdabek foloŋ uŋoŋ mu yayatdok yoŋa Pailatdi nadiyembune kayohik ugoloune pilap hinek kumumbu yehiwenegidibadok nadiŋa wooŋ niŋgiŋ.