Jesu’walaŋ Mede Momooŋ Makdi Youkuk 13:19 - Numanggang: Bepaŋ'walaŋ yofolok kobuli tiŋa kap

¹⁹ Koom tububihila Bepaŋdi kwet kunum yehitubu-mintagukneŋ nemek malabumuŋ mintagiŋ iŋgoŋ yendi yalakapmeŋ tiŋa mintaune mindaŋ kotigoŋ undiniŋ nemu mintawaak.

Jesu’walaŋ Mede Momooŋ Makdi Youkuk 13:19 ပူးပေါင်းရင်းမြစ်များ

Matiyu 24:21

Koom kwet tububihit tiŋa mintagukneŋ nemek malabumuŋ mintagiŋ iŋgoŋ yendi yalakapmeŋ tiŋa mintaune mindaŋ kotigoŋ undiniŋ nemu mintawaak.

Jesu’walaŋ Mede Momooŋ Makdi Youkuk 10:6

Bepaŋ adi nemenemek yehitubu-mintaŋila me tiŋa tam wanaŋ yehitubu-mintaguk.

Jesu’walaŋ Mede Momooŋ Makdi Youkuk 13:18

Nemek u kadakaniŋ hinek mintawaak doktiŋa hidi Bepaŋ ninadiune u gwi nai gineŋ hinek mu mintawaak.

Jesu’walaŋ Mede Momooŋ Makdi Youkuk 13:20

Nemek malabumuŋ u nai kweheyeniŋgoŋ mintadok iŋgoŋ oŋ, Wapumdi metamŋiye koom netok gigit yehidaneguk aditok nadiŋa nai-kabe ulatifoguk. Nai mu ulatifowe tuguk binek wa nebek nemu hatiluwek, kumuŋdapmaŋ taneŋ.

Yobihit 7:14

Naninadiune mede indiŋ tubu-udanemiŋgut, “Me wapumne, uyadi da agaŋ nadilaŋ.” Kaŋ naniŋguk. “Adi yadi memik hekidi malabumuŋ eŋ folofigita wapum hinek yembune nadi hatige bugiŋ, eŋ dahidahihik Dompa Mihiniŋ’walaŋ naŋgatdi youtewalandagiŋ.