Jesu’walaŋ Mede Momooŋ Makdi Youkuk 12:43 - Numanggang: Bepaŋ'walaŋ yofolok kobuli tiŋa kap

^43-44 U kaŋ mihiŋiye yenimbune buŋa bopneune yeniŋguk, “Biyagoŋ hinek hanilat, metam hogohogok noli muneeŋhik boiŋit iŋgoŋ dumuŋhikdok uŋgoŋ hayembune boiŋit. Kaŋ tam kahat fiyewakaŋ adi u-kabe boihatilak u agaŋ boidapmaŋak doktiŋa adi boiŋak wendi noli boiŋit yalakapmeŋ tiŋa wapumgoŋ hinek boiŋak.”

Jesu’walaŋ Mede Momooŋ Makdi Youkuk 12:43 ပူးပေါင်းရင်းမြစ်များ

Matiyu 10:42

Tiŋa indiŋ nadineŋ. Nebek niŋdi fofoŋnit niŋ nu’niŋ mihine yoŋa ime subumuŋ hogok gilimimbune nawaak, adi yadi biyagoŋ hinek tuwaŋiŋ bewaak.”

Jesu’walaŋ Mede Momooŋ Makdi Youkuk 12:42

kaŋ tam kahat fiyewakaŋ niŋ adi buŋa muneeŋ gimihi lufom hogok boiguk.

Jesu’walaŋ Mede Momooŋ Jondi youkuk 8:20

Jesudi Siloŋyot maaneŋ muneeŋ boiboi maliŋ ikiŋneŋ uŋoŋ yali mede u yenindidimeguk. Kaŋ honeeŋ uutdok nai mu dulaguk doktiŋa nebek niŋdi nemu honegiŋ.

Aposel 11:29

Unduŋ yohautaune metam nadisukilitihinit adi kayoŋbop Judiya maaneŋ hatigiŋ yehitubu-lodadok yoŋa muneeŋ bopnegiŋ.

2 Kolin 8:12

Meeniŋ nediyeŋ weleŋdi hinek lodaune siloŋdok nemek kamelak wondok Bepaŋdi nadiune tuwot hinek tubune netok kahilelak. Unduŋ doktiŋa siloŋdok nemek kamekame uyadi nemek halimilak wondok tuwolit gineŋ kameluwaak. Eŋ fiyewakaŋ hinek adi Bepaŋdi agaŋ kaŋ nadilak.

2 Kolin 8:2

Adi yadi goliŋgoliŋ wapum gineŋ hatiŋale bomboŋdok lohilohi tiŋa hambeep hinek hatiiŋ. Iŋgoŋ oŋ, Bepaŋ’walaŋ Mede Momooŋdok nadifo wapum tiŋa yegiŋ e, siloŋdok bomboŋ feegoŋ boiŋa tiulidokogiŋ.