Jesu’walaŋ Mede Momooŋ Makdi Youkuk 11:18 - Numanggang: Bepaŋ'walaŋ yofolok kobuli tiŋa kap

¹⁸ Unduŋ tubune metam adi Jesu medeŋiŋ nadiune uŋgoniŋ hinek tuguk, doktiŋa Siloŋyot diniŋ talitimeŋ wapuhi eŋ Yodoko Mede hinale hekidi Jesu kaŋ munta tiŋa dediŋ hinek tiŋa ulukumunim yoŋa kiyonadi tigiŋ.

Jesu’walaŋ Mede Momooŋ Makdi Youkuk 11:18 ပူးပေါင်းရင်းမြစ်များ

Matiyu 21:15

Unduŋ tubune Siloŋyot diniŋ talitimeŋ tiŋa Yodoko Mede henale heki adi kudi momooŋ tuguk u kagiŋ, agaŋ wapmihidi Siloŋyotneŋ niutumbaaŋ indiŋ togiŋ u maaŋ nadigiŋ, “Nintilonim. Dewit’walaŋ yalakidi bunimilak.”

Matiyu 7:28

Jesu adi mede unduŋ yodapmaune metam bop wapum ikiŋ adi mede u nadiŋa boho tigiŋ.

Jesu’walaŋ Mede Momooŋ Makdi Youkuk 1:22

Adi Yodoko Mede hinale hekidi yoyagiŋ unduŋ mu yoguk. Adi yadi mede molomdi fuluŋgoŋ hinek yoguk doktiŋa metamdi nadiŋa boho tigiŋ.

Jesu’walaŋ Mede Momooŋ Makdi Youkuk 11:32

Tiŋa undugoŋ metam hogohogokdi Jondok polofet niiŋ doktiŋa kwetfoloŋ me yonene adi dediŋ tinimneneŋ.”

Jesu’walaŋ Mede Momooŋ Makdi Youkuk 12:12

Yoyout u Judahi me talitimeŋ heki aditok yenilak u agaŋ nadikiyondaaŋ Jesu honeeŋ uutdok nadigiŋ iŋgoŋ metam doktiŋa nadibedi tiŋa bikabuŋa ugiŋ.

Jesu’walaŋ Mede Momooŋ Makdi Youkuk 3:6

Kaŋ Falisi heki adi Helot’walaŋ mebop dut wooŋ bopneŋ Jesu uutdok yoŋa yohebet tigiŋ.

Jesu’walaŋ Mede Momooŋ Makdi Youkuk 6:20

Jon adi me uŋgoniŋ, me momooŋ doktiŋa Helot adi munta tiŋa kadokoluguk. Helot adi Jon medeŋiŋ mohinek nadiluguk. Nadiŋa nadififile tuluguk iŋgoŋ fiit nadiluguk.

Jesu’walaŋ Mede Momooŋ Lukdi youkuk 19:47

Helemahelemaŋ Jesu adi Siloŋyotneŋ Mede Momooŋ yoyo tuluguk kaŋ metam hogohogok adi medeŋiŋ nadiŋa nadigalika tagiŋ doktiŋa me Siloŋyot diniŋ talitimeŋ wapuhi, eŋ Yodoko Mede hinale heki, eŋ Judahi’walaŋ me wapuhi adi ulukumuŋdok nadigiŋ iŋgoŋ metam gineŋ doktiŋa nadibedi tiŋa wabigiŋ.

Jesu’walaŋ Mede Momooŋ Lukdi youkuk 2:47

Kaŋ me noli adi Jesudi mede tubu-udaneyemguk u kaŋ nadiune beweniŋgoŋ hinek tuguk.

Jesu’walaŋ Mede Momooŋ Lukdi youkuk 20:19

Unduŋ yobune me Siloŋyot diniŋ talitimeŋ tiŋa Yodoko Mede hinale heki adi yoyout mede u aditok nadiŋa yenilak u agaŋ nadikiyondaaŋ nai uŋaniŋgoŋ honeeŋ uutdok nadigiŋ iŋgoŋ metam doktiŋa nadibediŋa wabigiŋ.

Jesu’walaŋ Mede Momooŋ Lukdi youkuk 4:22

Unduŋ yobune metam uŋoŋ ikiŋ adi medeŋiŋ nadiŋa boho tiŋa mede momooŋ yolak niŋgiŋ. Tiŋa indiŋ yogiŋ, “Me yadi Josep mihiŋiŋ. Detiŋa mede unduŋ yolak?”

Jesu’walaŋ Mede Momooŋ Jondi youkuk 7:1

Jesu adi mede unduŋ yobune Judame heki’walaŋ me wapuhi Judiya kwetneŋ utne yogiŋ doktiŋa adi uŋoŋ mu yauŋa Galili kwetneŋ hogok hatiluguk.

Jesu’walaŋ Mede Momooŋ Jondi youkuk 7:19

Moses adi Yodoko Mede haniŋguk iŋgoŋ hidi’walaaniŋ niŋdi nemu kelelak. Kaŋ hidi maŋgoŋde nulukumune tiiŋ?”

Jesu’walaŋ Mede Momooŋ Jondi youkuk 7:46

Yeninadiune mikme heki adi indiŋ yeniŋgiŋ, “Adi mede yolak u kwetfoloŋ me niŋeŋ yobekdok tuwot moŋ.”

Aposel 24:25

Kaŋ yenintawooŋ didimeŋgoŋ hatidok, kadakaniŋ gineŋ mu fofoŋdok, eŋ nai wapumdok yenimbu nadiŋa Feliks adi munta tiŋa yoguk, “Kedem ale wabiŋa fooŋ weŋ. Ala denimbek kaŋ kotigoŋ kutiganimbaat.”