Jesu’walaŋ Mede Momooŋ Makdi Youkuk 10:1 - Numanggang: Bepaŋ'walaŋ yofolok kobuli tiŋa kap

¹ Unduŋ tiŋa Jesu adi kwet u biŋa Jodan ime meŋeŋa Judiya kwetneŋ loguk. Loune metam fee mumuyeŋgoŋ bugiŋ kaŋ feŋ tuluguk unduŋ Mede Momooŋ yeniŋguk.

Jesu’walaŋ Mede Momooŋ Makdi Youkuk 10:1 ပူးပေါင်းရင်းမြစ်များ

Matiyu 26:55

Unduŋ yoŋa mebop nagitne bugiŋ heki u indiŋ yeniŋguk, “Hidi nu mikbe tubupilale tilat doktiŋa miknoŋ eŋ tebe bohom beŋa nohonene buŋit? Nu helemahelemaŋ Siloŋyotneŋ metam Mede Momooŋ yenindidime hati tilat, kaŋ nai uŋaniŋ maŋgoŋde mu nohoneiŋ?

Matiyu 4:23

Kaŋ Jesu adi Galili kwetneŋ Judahi’walaŋ bopyot yaliugiŋ indigoŋ tuwot yaudapmaaŋ Hatihati Uŋgoniŋ diniŋ Mede Momooŋ yohauta kwanai tiyauguk. Tiŋa undugoŋ me yagit folofigitahinit yehitubu-kedebaguk.

Jesu’walaŋ Mede Momooŋ Makdi Youkuk 1:21

Jesu tiŋa me noli maaŋ adut Kafanaumde ugiŋ. Wooŋ hatiŋa Sabat nai niŋ foloŋ Judahi’walaŋ bopyotneŋ fooŋ Jesudi Bepaŋ’walaŋ mede yenindidime tuguk.

Jesu’walaŋ Mede Momooŋ Makdi Youkuk 10:2

Kaŋ Falisi noli adi buŋa detiŋa honeeŋ uutdok yo indiŋ ninadigiŋ, “Yodoko Medenikdi tam kedembe kelekutdok yolak be dediŋ? U ninimbu nadinim.”

Jesu’walaŋ Mede Momooŋ Makdi Youkuk 12:35

Jesu Siloŋyotneŋ Mede Momooŋ yeniŋa yonadi niŋ indiŋ tuguk, “Yodoko Mede hinale heki adi maŋgoŋde indiŋ yoiŋ, Kilisto adi Dewit’walaŋ yalakiŋiŋ?

Jesu’walaŋ Mede Momooŋ Makdi Youkuk 14:49

Nu helemahelemaŋ hidigut Siloŋyotneŋ metam Mede Momooŋ yenindidime hati tilat, kaŋ nai uŋaniŋ maŋgoŋde mu nohoneiŋ? U Youkudip Mededi biyagoŋ mintadok tiiŋ.”

Jesu’walaŋ Mede Momooŋ Makdi Youkuk 2:13

Heleniŋ Jesu Galili imeŋgwaŋ magineŋ kotigoŋ uguk kaŋ metam feedi kane bugiŋ. Bune kotigoŋ Mede Momooŋ yeniyeniŋ tuguk.

Jesu’walaŋ Mede Momooŋ Makdi Youkuk 4:2

yoyout mede foloŋ mede fee yeniŋguk.

Jesu’walaŋ Mede Momooŋ Makdi Youkuk 6:2

Wooŋ Sabat foloŋ bopyotneŋ fooŋ Mede Momooŋ yenindidimeguk kaŋ metam adi u nadiŋa boho tiŋa indiŋ yogiŋ, “Me ya kamunda, eŋ Maliya mihiŋiŋ. Adi Jems, Josep, Juda, agaŋ Saimon heki dahik. Tiŋa wiwiye indegut noŋgoŋ hatiyam. Iŋgoŋ nadinadi indiniŋ i daŋ hinek tiŋa buguk buŋa kudi uŋgoniŋ tilak.” Unduŋ yoŋa kahaŋinda tiŋa nadilakata timiŋgiŋ.

Jesu’walaŋ Mede Momooŋ Makdi Youkuk 6:34

Kaŋ Jesu adi muwage gineniŋ tatakula fooŋ metam mohok yabuguk, kaŋ dompa uŋamo kadoko mokitdi tiiŋ unduŋ tigiŋ. U yabuŋa welebulaniŋgoŋ nadiyemiŋa Bepaŋ’walaŋ Mede Momooŋ yenindidimeguk.

Jesu’walaŋ Mede Momooŋ Makdi Youkuk 6:6

Kaŋ metam uŋahi adi mu nadisukilitimiŋgiŋ doktiŋa adi u yabuŋa welemulap tuguk. Unduŋ tiŋa Jesu uŋoŋ yokwet hakiŋ indigoŋ wooŋ Mede Momooŋ yeniyauŋa

Jesu’walaŋ Mede Momooŋ Jondi youkuk 10:40

Jesu adi unduŋ tiŋa momoŋ wooŋ Jodan ime fokolok, Jondi koom Imeyout kwanai hati tugukneŋ uŋgoŋ wooŋ itouguk.

Jesu’walaŋ Mede Momooŋ Jondi youkuk 11:7

Hatiŋa mihiŋiye indiŋ yeniŋguk, “Kotigoŋ Judiya kwetneŋ unim.”

Jesu’walaŋ Mede Momooŋ Jondi youkuk 18:20

Kaŋ Jesudibo niŋguk, “Nu nemek kabup nemu yolugut, nu adi Siloŋyotneŋ be bopyotneŋ metam fee bopneyagiŋ kaŋ mede yenilugut.