Matiyu 21:42 - Numanggang: Bepaŋ'walaŋ yofolok kobuli tiŋa kap

⁴² Unduŋ yogiŋ kaŋ Jesudi tomboyoula indiŋ yeniŋguk. “Hidi Youkudip gineŋ mede indiŋ hatak u mube kunali nadiiŋ? ‘Yot mamaŋme hekidi taka fofooŋ niŋ moŋ yo tukukiŋ, iŋgoŋ taka u mindaŋkade taka kobumuŋ mintaguk. Wapumdi kudi u tubune kanene uŋgoniŋ hinek tilak.’

Matiyu 21:42 ပူးပေါင်းရင်းမြစ်များ

Matiyu 21:43

“Unduŋ doktiŋa hanimbene nadineŋ. Bepaŋ’walaŋ hebeŋ gineŋ Hatihati Uŋgoniŋ u holom moŋgola me gitipmuŋdok yembune adi folooŋ yehitubu-mintaneeŋ.

Aposel 4:11

Jesu Kilistodegoŋ Youkudip Mededi indiŋ yolak, ‘Yot taka niŋ me yot mamaŋ tiiŋdi hogoli yo tukukiŋ kaŋ mindaŋkade loloŋnit tuguk.’

Loma 9:33

Indiŋ youliŋit hatak. “I nadiweŋ! Nu Saiyon uŋgoŋ kawade niŋ kambiitat wendok foloŋ kayohik youtigiyemneŋ maaŋ udihiwaak. Kaŋ nediyeŋ adi nadisukilitimimbaak adi yadi nebek niŋdi nintubumeka mu tibaak.”

Efeso 2:20

Bepaŋ ne kayoŋbopŋiŋ u aposel eŋ polofet heki’walaŋ kwanaihik foloŋ tubumintaguk. Eŋ kayoŋbop wondiniŋ daŋiniŋ adi Jesu Kilisto ne tuguk.