Jesu’walaŋ Mede Momooŋ Lukdi youkuk 7:39 - Numanggang: Bepaŋ'walaŋ yofolok kobuli tiŋa kap

³⁹ Kaŋ me Falisi Jesu nagi uguk adi indiŋ nadiŋa yakaguk. “Me i polofet biyagoŋ nobu kaŋ tam wehemit tilak i hatihatiŋiŋ kadakaniŋ u kedem kaŋ nadiluwek.”

Jesu’walaŋ Mede Momooŋ Lukdi youkuk 7:39 ပူးပေါင်းရင်းမြစ်များ

Matiyu 20:16

“Undugoŋ hinek mindaŋdi timeŋ tineeŋ kaŋ timeŋdi mindaŋ tineeŋ.”

Matiyu 21:11

Unduŋ yobune metam adut bugiŋdi yeniŋgiŋ, yoŋ adi Polofet Jesu, Galili maaneŋ yokwet wapum Nasaletniŋ bulak.”

Jesu’walaŋ Mede Momooŋ Makdi Youkuk 7:21

Kaŋ welehik maaneŋ kadakaniŋ indihidi labiiŋ: Nadisu kadakahi, kefifile titiŋ, kubo titiŋ, mehinek widihikumuŋ titiŋ,

Jesu’walaŋ Mede Momooŋ Lukdi youkuk 12:17

Kaŋ weneeŋ yot daŋ boiwaat yoŋa nadibedi tuguk.

Jesu’walaŋ Mede Momooŋ Lukdi youkuk 15:2

Kaŋ Falisi tiŋa Yodoko Mede hinale heki adi kaŋ nadikadaka tiŋa indiŋ yogiŋ, “Me yadi me kadakaniŋ titiŋ yehimaneeŋ yeniutumbalak.”

Jesu’walaŋ Mede Momooŋ Lukdi youkuk 16:3

“Unduŋ nimbune tipilapilaye-me wendibo indiŋ nadiguk, ‘Nu kwet youyout kwanai titiŋdok saŋiniŋne moŋneŋ nehikelekulune dediŋ tibaat, tiŋa nayo titiŋdok mekaŋgoŋ dediŋ tiŋa yobaat?

Jesu’walaŋ Mede Momooŋ Lukdi youkuk 18:4

“Nai fee hinek niluguk iŋgoŋ me mede nadiŋa yodapmaŋ me adi kibida tuluguk. Iŋgoŋ mindaŋkade indiŋ yoguk, ‘Nu Bepaŋdok munta mu tilat eŋ metamdok nadibedi mu tilat,

Jesu’walaŋ Mede Momooŋ Lukdi youkuk 3:8

Kadakaniŋhik agaŋ sigilulum tiyemiiŋ habudok wendok kwanai tineŋ. Tiŋa hidegoŋ Abalaham’walaŋ yalakiŋiye mu yoneŋ. Nu biyagoŋ hinek hanilat, Bepaŋ adi kedem yobune kawade yendi Abalaham’walaŋ yalakiŋiye gitipmuŋ mintaneŋ.

Jesu’walaŋ Mede Momooŋ Lukdi youkuk 7:16

Unduŋ tubune metam hogohogok adi munta tiŋa Bepaŋ niŋa tiloloŋ tiŋa yogiŋ, “Polofet wapum adi kamiŋ indi’walaŋ iŋoŋ mintalak, Bepaŋ adi mehinekŋiye yehitubu-lodawe buguk.”

Jesu’walaŋ Mede Momooŋ Lukdi youkuk 7:37

Kaŋ yokwet uŋoŋ tam niŋ hatihatiŋiŋ kadakaniŋ hinek ala Jesu Falisi yolineŋ hatak nadiŋa ime munduŋ momooŋ toutŋiŋ kawadedi tigiŋ u tiŋa uguk.

Jesu’walaŋ Mede Momooŋ Lukdi youkuk 7:38

Wooŋ Jesu sigiŋ gineŋ yali makat kolu dawi meeniŋdi Jesu kayoŋ foloŋ maaŋ youtelu ki hapmuŋdi kayoŋ tumolooŋ siŋgoŋgome tiŋa ime munduŋ momooŋdi yougomguk.

Jesu’walaŋ Mede Momooŋ Lukdi youkuk 7:40

Unduŋ ila nadiguk kaŋ Jesudi niŋguk, “Saimon, nu mede-kabe niŋ ganimbit.” Unduŋ nimbu Saimondibo yoguk, “Hinale, nemek u kedem nanimbeŋ.”

Jesu’walaŋ Mede Momooŋ Jondi youkuk 4:19

Unduŋ yobune tamdibo yoguk, “O wapumne, nu kamiŋ gabunadi-dakalelat. Du polofet.

Jesu’walaŋ Mede Momooŋ Jondi youkuk 7:12

Unduŋ yobune metam feedi lekiŋgoŋhik gineŋ aditok mede kiyonadi tigiŋ, tiŋa nolidi yogiŋ, “Adi yadi me momooŋ,” eŋ nolidi yogiŋ, “Moŋ, adi yadi metam nadinadihik tubugiyonda tilak.”

Jesu’walaŋ Mede Momooŋ Jondi youkuk 9:24

Unduŋ yogumuk kaŋ me dawi sipmakaŋ mintaguk u kotigoŋ kutinimbu buune niŋgiŋ, “Bepaŋ dawi gineŋ mede biyagoŋ yobeŋ. Indi me i kadakaniŋ titiŋ u agaŋ nadiyam kaŋ du dediŋ nadilaŋ?”