Jesu’walaŋ Mede Momooŋ Lukdi youkuk 5:3 - Numanggang: Bepaŋ'walaŋ yofolok kobuli tiŋa kap

³ Jesu adi muwage niŋ foloŋ loguk. Muwage u Saimon’walaŋ ala looŋ ilaŋa nimbune kabe-muniniŋ siloneune imeŋgwaŋ gineŋ uguk. Kaŋ Jesu adi uŋgoŋ ila Mede Momooŋ yeniyeniŋ tuguk.

Jesu’walaŋ Mede Momooŋ Lukdi youkuk 5:3 ပူးပေါင်းရင်းမြစ်များ

Matiyu 4:18

Ala heleniŋ Jesu Galili Ime magi hogok wooŋ me yadalit niŋ yabuguk, Saimon, wou noli Pita, tiŋa kwayaŋ Endulu. Adi me pisi moŋgomoŋgot yakat doktiŋa imeŋgwaŋ gineŋ umbenhik kukut hati tugumuk. Kaŋ wooŋ yehitubu-mintaaŋ yeniŋguk,

Jesu’walaŋ Mede Momooŋ Makdi Youkuk 3:9

Kaŋ mehinek fee yehitubu-kedebaguk kaŋ noli yagithinit adi buŋa wehemila kedebadok yoŋa kwanaimiŋ tigiŋ. Unduŋ tiŋa bu tubukapepene tineneŋ yoŋa mihiŋiye yenimbune muwage tiulidokomiŋgiŋ.

Jesu’walaŋ Mede Momooŋ Lukdi youkuk 5:2

Metam fee wooŋ bopneune kwet kili tuguk kaŋ muwage lufom labu imeŋgwaŋ magineŋ yakumuk kaŋ me pisi kaliŋ tigiŋ adi umbenhik youtet tulu

Jesu’walaŋ Mede Momooŋ Jondi youkuk 8:2

Ala heleune haniŋ kotigoŋ Siloŋyot walanda foloŋ wooŋ foune metamdi kisaŋ hinek buŋa adi yakukneŋ bopneune foila kotigoŋ Bepaŋ’walaŋ mede yenindidimeguk.