Jesu’walaŋ Mede Momooŋ Lukdi youkuk 23:54 - Numanggang: Bepaŋ'walaŋ yofolok kobuli tiŋa kap

⁵⁴ Nai uŋaniŋ Sabat iitdok nai dulaune tiulidoko kwanai titiŋdok nai tuguk.

Jesu’walaŋ Mede Momooŋ Lukdi youkuk 23:54 ပူးပေါင်းရင်းမြစ်များ

Matiyu 27:62

Heleune Sonda-kwanai haniŋ Siloŋyot diniŋ talitimeŋ wapuhi eŋ Falisi me heki adi wanakaŋ buŋa bopneeŋ Pailat’walaŋ ugiŋ. Wooŋ niŋgiŋ,

Jesu’walaŋ Mede Momooŋ Makdi Youkuk 15:42

Kwet tebele-daune Josep Alimatiyaniŋ adi Judahi’walaŋ kansol diniŋ me wapum niŋ ala hatihati kobut deniŋ mintaune kakaŋdok wendok nadiŋa woom hatiluguk. Ala Sabat gulet haloŋ itnim yoŋa tiulidoko tulune me i Jesu folooŋ dabaaŋ tiŋa wooŋ bom gineŋ kamewene munta mu tiŋa fafaŋe tiŋa Pailat’walaŋ looŋ ninadiguk.

Jesu’walaŋ Mede Momooŋ Lukdi youkuk 23:53

Kaŋ nadimimbu wooŋ Jesu koloŋdabek foloŋ kibidali tiŋafooŋ haule fafaudi yauneeŋ tiŋa wooŋ mehinek dabaŋ kameŋdok kawade fafaŋeniŋ wamukiŋneŋ uŋgoŋ kameguk.

Jesu’walaŋ Mede Momooŋ Jondi youkuk 19:14

Mele nai u Aŋelodi Yabukiyondaaŋ Yalakapmegukdok tiulidoko kwanai tulune mele lekiŋgoŋ tuguk. Uŋaniŋgoŋ Pailatdi Judahi metam mede indiŋ yeniŋguk, “Hidi’walaŋ mapmehik i kaneŋ.”

Jesu’walaŋ Mede Momooŋ Jondi youkuk 19:31

U hinamuni tiulidoko nai foloŋ tigiŋ ala heleŋ adi Sabat doktiŋa me dabahi koloŋdabek foloŋ uŋoŋ mu yayatdok yoŋa Pailatdi nadiyembune kayohik ugoloune pilap hinek kumumbu yehiwenegidibadok nadiŋa wooŋ niŋgiŋ.

Jesu’walaŋ Mede Momooŋ Jondi youkuk 19:42

Heleune Judame heki’walaŋ Sabat doktiŋa Jesu dabaaŋŋiŋ tiŋa wooŋ uŋgoŋ kamegumuk.