Jesu’walaŋ Mede Momooŋ Lukdi youkuk 20:22 - Numanggang: Bepaŋ'walaŋ yofolok kobuli tiŋa kap

²² doktiŋa ninimbeŋ. Indi Lomahi’walaŋ mapme Sisadok takis kameyam u du nadiune kedem be tilak be moŋ?”

Jesu’walaŋ Mede Momooŋ Lukdi youkuk 20:22 ပူးပေါင်းရင်းမြစ်များ

Matiyu 17:25

Kaŋ Pitadibo yeniŋguk, “Eeŋ, uŋgoŋ kamelak.” Unduŋ yeniŋa Pita yot maaneŋ fooŋ mede nemu nilune Jesudigoŋ tububihila niŋguk, “Saimon, du dediŋ nadilaŋ? Kwetfoloŋ diniŋ mapme heki adi takis muneeŋ nedi’walaŋ moŋgokiiŋ? Nehi’walaŋ mehimehiye’walaŋ be metam niŋkadehi’walaŋ?”

Jesu’walaŋ Mede Momooŋ Lukdi youkuk 20:21

Keletawooŋ Jesu indiŋ niŋgiŋ, “Hinale, indi du nemenemek yolaŋ u talii foloŋgoŋ biyagoŋ yolaŋ u agaŋ nadiyam, tiŋa kwetfoloŋ me loloŋfofoŋhinit yabumunta mu tiŋa Bepaŋ’walaŋ mede folooŋ ninilaŋ

Jesu’walaŋ Mede Momooŋ Lukdi youkuk 20:23

Unduŋ yogiŋ kaŋ Jesudi welehik maaneŋ kadapmaaŋ muneeŋ niŋdok yenimbu miŋgiŋ kaŋ tiŋa looŋ kameyali indiŋ yeninadiguk,

Jesu’walaŋ Mede Momooŋ Lukdi youkuk 23:2

Looŋ mede gineŋ kameeŋ indiŋ niŋgiŋ, “Me yoŋ adi indi’walaŋ metamniye talik moiniŋ yanagitak, tiŋa Lomahi’walaŋ gapmandok muneeŋ mu mimiŋdok yoŋa kamehep tiyemulak. Tiŋa netok adi Kilisto, Mapme yolak.”

Aposel 5:37

Mindaŋ me niŋ Galiliniŋ wou Judas adi kiyapdi wohiye kutibune yatuwat nai foloŋ metam fee yenimbune kelegiŋ iŋgoŋ me u ulukumuŋ tiŋa metamŋiye maaŋ widihi tigiŋ kaŋ momopupuhenegiŋ.

Loma 13:7

Kaŋ hidi gapman heki hogohogok nemek yemdok yoŋit wondok tuwot tiyemaneeŋ. Takis yemdok yeniŋit adi takis yemaneeŋ, tipilapilaye tiyemdok yeniŋit adi tipilapilaye tiyemaneeŋ, eŋ nadiyembune loloŋnit tubune gikiŋgoŋ tiyemdok yeniŋit adi gikiŋgoŋ tiyemaneeŋ, eŋ yenintilooŋ yeniutumba titiŋdok yeniŋit adi yenintilooŋ yeniutumba tiyaneeŋ.