Jesu’walaŋ Mede Momooŋ Lukdi youkuk 2:36 - Numanggang: Bepaŋ'walaŋ yofolok kobuli tiŋa kap

³⁶ Koom polofet tam niŋ hatiguk wou Ana, adi Fanuwe waabiŋiŋ, eŋ Asa’walaŋ yalakiŋiŋ. Adi koom tamkuya yali me tiŋa gulet 7 hatiŋa yohoi kumuŋguk.

Jesu’walaŋ Mede Momooŋ Lukdi youkuk 2:36 ပူးပေါင်းရင်းမြစ်များ

Tububihit 30:13

Unduŋ tubune Leadi yoguk, “Nu nadifo hinek tilat. Tamwoi adi nadifo naniyaneeŋ.” Unduŋ yoŋa wou Ase youkuk.

Judahi’walaŋ Kap 92:14

Adi agaŋ sigida tiiŋ iŋgoŋ oŋ, folooŋ adi tomboyoula minta hogok tiiŋ. Tiŋa undugoŋ kumuŋ mu tiiŋ, adi fafaŋe tiŋa yakiiŋ. Kaŋ hapmuŋhikdi maaŋ undugoŋ kaipmuŋ hakiiŋ.

Jesu’walaŋ Mede Momooŋ Lukdi youkuk 2:35

doktiŋa metamdi nehi uŋgoŋ aditok siweneŋ nadinadihik kabup hatak u miŋgoŋ tubumintaune bulaniŋgoŋdi subalige duŋgoŋ hinek tamat titobune nadiwaaŋ.”

Jesu’walaŋ Mede Momooŋ Lukdi youkuk 2:38

Ala nai uŋaniŋgoŋ Simion mede yolune Anadi maaŋ Siloŋyotneŋ fooŋ Josep malam yehitubu-mintaaŋ Bepaŋ niutumbaguk. Unduŋ tiŋa Jelusalemhi Tubulodahik kameu bubuŋdok woom hatiyagiŋ adi Jesu mihi mintagukdok gigitŋiŋ yeniŋguk.

Aposel 2:18

Na’walaŋ tipilapilaye-metamneye adi maaŋ nai uŋaniŋgoŋ Munabuli ugoloyembaat kaŋ nu’walaŋ kigili medene yohautaneeŋ.

Aposel 21:9

Adi wabiŋiye tamkuya lufolufom ala adi maaŋ polofet dabugoŋ Bepaŋ’walaŋ mede yohautayagiŋ.

1 Kolin 11:5

Kaŋ tam adi undugoŋ mebi hapmuŋ mukufula mu tiŋa ninadi tibaak be Bepaŋ’walaŋ Mede Momooŋ yohautawaak adi yohoi tubumekawaak. Unduŋ tiŋa uŋakoŋ tam mebihik hapmuŋ filakut tiiŋ adut tuwolit tibaak.

1 Kolin 12:1

Notneye, Munabuli’walaaniŋ siloŋ momooŋ wendiniŋ mebi hanindakalewene nadineŋ.

1 Timoti 3:2

Kayoŋbop diniŋ kadokome adi indiŋ hatibune utumbaluwaak: adi metam dauhik gineŋ yomnit mokit hatiŋila tam kubugoŋdut hogok hatiluwaak. weleŋdi nemek hogohidok dokoniŋgoŋ hatiluwaak. tiŋgiyoŋgiyone mu tiŋa didimeniŋgoŋ hatiluwaak. ne’walaŋ hatihati momooŋgoŋ hinek kaulidokolak. me siloniŋ tuluwaak. didimeniŋgoŋ hatibune metam nolidi kaŋ nadiune utumbaluwaak. hinale momooŋ maaŋ tuluwaak.

1 Timoti 5:9

Tam kahat niŋ adi guletŋiŋ 60 dapmaguk, eŋ me kubugoŋdut didimeniŋgoŋ hatiguk, tam undiniŋ hogok kadokodok wou youlaaŋ.

Yobihit 7:6

Asa’walaŋ bop gineniŋ 12 tausen, Naftali’walaŋ bop gineniŋ 12 tausen, Manase’walaŋ bop gineniŋ 12 tausen,