Jesu’walaŋ Mede Momooŋ Lukdi youkuk 15:20 - Numanggang: Bepaŋ'walaŋ yofolok kobuli tiŋa kap

²⁰ Unduŋ yoŋa pilali beu kawe uguk. “Wooŋ yot tubudulalune beudi kaguk, kaŋ weleŋ goloune bulaniŋgoŋ hinek nadiŋa kiyaneeŋ wooŋ toboŋa siŋgoŋgome tuguk.

Jesu’walaŋ Mede Momooŋ Lukdi youkuk 15:20 ပူးပေါင်းရင်းမြစ်များ

Tububihit 33:4

Kaŋ Esau adi weneŋgeila Yakobo kawene uguk wooŋ toboguk. Tobooŋa kohoŋ boboli foloŋ kuumaaŋ siŋgoŋgomeguk. Unduŋ tiŋa maat kookumuk.

Tububihit 45:14

Unduŋ yoŋa kwayaŋ Benyamindut kitoboo tiŋa makat kookumuk.

Tububihit 46:29

Yosep adi yobune kalis tiulidokomimbuune looŋ beu Isilae kawene Goseŋ kwetneŋ uguk. Wooŋ kaŋ tobooŋa kisaŋ kookuk.

Judahi’walaŋ Kap 86:15

Iŋgoŋ Wapum, bulaniŋgoŋ eŋ siloŋ tobogoŋdi du’walaŋkade tokiŋa hatak, kaŋ du kwihita pilap mu tilaŋ. Du nibukahile hinek tilaŋ, unduŋ doktiŋa medege yoyakaleeŋ undubo yooŋ undubo yooŋ mu tilaŋ.

Judahi’walaŋ Kap 86:5

Wapum, du momooŋ hinek tiŋa kadakaniŋnik tumolokutnimilaŋ. Tiŋa metam du ganinadiiŋ heki adi yadi welegedi hinek yabukahile tilaŋ.

Jesu’walaŋ Mede Momooŋ Lukdi youkuk 15:19

doktiŋa nu du mihige hinek kotigoŋ mu nanimbu hatiluwaat. Kwanai mege hogok nanimbu hatiluwaat.”’

Jesu’walaŋ Mede Momooŋ Lukdi youkuk 15:21

Kaŋ mihiŋiŋdi yoguk, ‘Me baŋ, nu Bepaŋ be du hidi sigilulum tihamuŋa kadakaniŋ tugut doktiŋa nu du mihige hinek kotigoŋ mu nanimbu hatiluwaat.’

Aposel 2:39

Gigit woŋ adi hiditok tiŋa wapmihihiyedok eŋ metam neeŋ kweetniŋ hatiiŋ, nebek Bepaŋnikdi netok gigit kutiyenilak aditok yofafaŋe tugukdi tilak.”

Aposel 20:37

Bepaŋ ninadidapmaaŋ kotigoŋ mu kaneeŋ yeniŋguk wondoktiŋa kohoŋ kulimiŋa makat kisaŋ kokiŋ. Unduŋ tiŋa nagi wooŋ muwage foloŋ kamegiŋ.

Efeso 2:13

Nai indidegoŋ adi hidi Bepaŋ’walaŋ hatihati mu nadiŋa kweetniŋ hatigiŋdi Kilisto Jesudut kadiŋa Kilisto’walaŋ naŋgatdi hehitubu-walandaune Bepaŋ’walaŋkade busuwaaŋ hatiiŋ.

Efeso 2:17

Unduŋ tiŋa busuwaaŋ niŋkadehi hatigiŋ hidi eŋ Bepaŋ’walaŋ metam hatigumun indi wanaŋ kulema diniŋ mede ninimbune nadigumun.