Jesu’walaŋ Mede Momooŋ Lukdi youkuk 13:14 - Numanggang: Bepaŋ'walaŋ yofolok kobuli tiŋa kap

¹⁴ Unduŋ tuguk kaŋ bop yot diniŋ talitimeŋ adi Jesu Sabat foloŋ kwanai tilak yoŋa nadikadaka tiŋa metam indiŋ yenintoguk, “Kadehati 6 hakiiŋ ala nai uŋaniŋ kedem buune hehitubu-kedebaluwaak, eŋ Sabat foloŋ adi mu baneeŋ.”

Jesu’walaŋ Mede Momooŋ Lukdi youkuk 13:14 ပူးပေါင်းရင်းမြစ်များ

Matiyu 12:2

Kaŋ Falisi hekidi yabuŋa nadiune tuwot mu tubune Jesu indiŋ niŋgiŋ, “Yodoko Medenikdi Sabat foloŋ kwanai mu titiŋdok yolak kaŋ mihigeye adi maŋgoŋde unduŋ tiiŋ?”

Jesu’walaŋ Mede Momooŋ Makdi Youkuk 5:22

kaŋ Judahi’walaŋ bopyothik diniŋ me wapum niŋ hatiluguk wou Jailas adi buŋa Jesu kayoŋ foloŋ maaŋ hali

Jesu’walaŋ Mede Momooŋ Lukdi youkuk 6:11

Kaŋ Falisi heki adi kwihitaŋgoŋ hinek nadiŋa Jesu dediŋ timindok u nehi uŋgoŋ yonadigiŋ.

Jesu’walaŋ Mede Momooŋ Lukdi youkuk 6:7

Kaŋ Falisi tiŋa Yodoko Mede hinale heki adi Jesudi Sabat foloŋ nebek nenobu tubukedebaune kaŋ mede gineŋ kameŋdok yoŋa yamaŋgoŋ ila kakuwakiŋ.

Jesu’walaŋ Mede Momooŋ Lukdi youkuk 8:41

Kaŋ Judahi’walaŋ bopyot diniŋ me wapum niŋ wou Jailas adi wosuwaaŋ Jesu kaŋ kayoŋ foloŋ maaŋ hali waabiŋiŋ kubugoŋ hinek guletŋiŋ 12 agaŋ kumumbe tubune yolineŋ uuŋdok baigoŋ hinek ninadiguk. Kaŋ Jesu talipmeŋ ulune metam feedi kutumula keletaugiŋ.

Aposel 13:15

U kunali mindaŋ me bopyot diniŋ talitimeŋ hekidi me niŋ niŋkulune wooŋ Pol dut Banabas indiŋ yeninadiguk, “Notniyat, hidi metam mede yeniŋkiliti nenobu tidene nadiŋa kedem yenindemek.”

Aposel 18:17

Yeniŋkulune fowooŋ nehi’walaŋ bopyot diniŋ talitimeŋ me Sositeni nagila wooŋ me wapum Galiyo namanda foloŋ bem ukiŋ. Iŋgoŋ Galiyo adi wondok nemek nemu nadiguk.

Aposel 18:8

Uŋoŋ bopyot diniŋ me talitimeŋ niŋ hatiluguk wou Kilispas, adi Wapum nadisukilitimiluguk ala adi wapmihiŋiŋ tam eŋ Kolin metam feedi Mede Momooŋ nadiŋa nadisukilitiŋa Imeyout tigiŋ.

Loma 10:2

Adi yadi Bepaŋ’walaŋ mede didimeniŋgoŋ kamehatidok gigine tihatiiŋ u agaŋ yabulat ale yolat. Iŋgoŋ oŋ, woŋ adi Bepaŋ’walaŋ nadinadi diniŋ mebi didimeniŋgoŋ mu nadidakaleeŋ tihatiiŋ.