Jesu’walaŋ Mede Momooŋ Lukdi youkuk 12:7 - Numanggang: Bepaŋ'walaŋ yofolok kobuli tiŋa kap

⁷ Be kinik hapmuŋ yokunat dedigoŋ u agaŋ nadidapmalak, doktiŋa munta mu taneeŋ. Hidi adi bagi nandit-kabe u yalakapme tiiŋ.

Jesu’walaŋ Mede Momooŋ Lukdi youkuk 12:7 ပူးပေါင်းရင်းမြစ်များ

Judahi’walaŋ Kap 8:6

Du nemenemek hogohogok u yehitubu-mintaaŋ yabudokodok ninindapmaguŋ.

Matiyu 12:12

Dompadi nemek folooŋ mu tilak, meeniŋ adi nemek uŋgoniŋ hinek, unduŋ doktiŋa Yodoko Mededi Sabat foloŋ me yehitubu-loda kedem titiŋdok yolak.”

Matiyu 6:26

Bagi heki u yabuneŋ, adi nanaŋe diniyeti nemu tiiŋ, eŋ nanaŋe tiyout mu tiiŋ, adi yadi Kunum Betnikdi nanaŋe yemtoi tubune naaŋ hatiiŋ. Hidi yadi undihi moŋ. Hiditok adi nadihambune loloŋnit hinek tubune momooŋ hinek tihamulak.

Jesu’walaŋ Mede Momooŋ Lukdi youkuk 21:18

iŋgoŋ nu habudokowe kihik hapmuŋ kubugoŋ-kabe nemu filaak.

Aposel 27:34

ale fiit nanaŋe neeŋ naaŋ fafaŋeŋ kiŋ foloŋ looŋ hatineŋ. Hidi’walaaniŋ nebek niŋ ime gineŋ nemu kumuŋa filek.”