Jesu’walaŋ Mede Momooŋ Lukdi youkuk 1:13 - Numanggang: Bepaŋ'walaŋ yofolok kobuli tiŋa kap

¹³ Unduŋ tubune niŋguk, “Sakaliya, du munta mu tibeŋ, Bepaŋ adi yonadige agaŋ nadiguk, ala tamge Elisabet adi mihi niŋ tubumintagambaak. Kaŋ wou Jon youlaaŋ.

Jesu’walaŋ Mede Momooŋ Lukdi youkuk 1:13 ပူးပေါင်းရင်းမြစ်များ

Tububihit 17:10

Du eŋ yalakigeye hidi yofolokne hatak u gitagaŋ hinek indiŋ kadokoneeŋ. Mewoi hogohogok hatiiŋ hidi sigihik diki foloŋ fek dobudapmaneeŋ.

Tububihit 17:19

Kaŋ Bepaŋdibo yoguk, “Mooŋ hinek, tamge Salahdi mihi niŋ nagilaak, adi’walaŋ wou Aisak youlaaŋ. Kaŋ nubo adut yofolok fafaŋeniŋ tibene yofolok wondi yalakiŋiyedut hali wooŋ hatuwaak.

Tububihit 18:14

Wapum adi nemek wondok be wondok tubumalahuda be tibek? Nu gulet wohiŋkade nai indiineŋgoŋ kotigoŋ udaneŋ baat. Nai uŋaniŋ adi Salah adi mihinit hatibaak.”

Tububihit 25:21

Aisak tamuŋiŋ Lebeka adi kafi hatiguk doktiŋa Aisak adi tamŋiŋ tubulodaaŋ Bepaŋ ninadi tuguk. Kaŋ Wapum adi ninadiŋiŋ nadiguk, kaŋ tamuŋiŋ Lebeka adi mihiwele tuguk.

Judahi’walaŋ Kap 113:9

Tiŋa undugoŋ tamwoi wapmihi mu yanagikiiŋ u yehitubu-lodaune wapmihi fee yahaŋeiŋ. Unduŋ tiŋa tamwoi adi nadifo tiiŋ. Yahwe niutumbanim!

Judahi’walaŋ Kap 118:21

Yahwe, du yonadine nadiŋa nehitubu-lodaune kedem hatilat, doktiŋa ganiutumbalat.

Matiyu 1:21

Ala mihi u mintaune wou adi Jesu yobaaŋ, adi kuyendi metamŋiye kadakaniŋ diniŋ folok gineniŋ yehifiyali yanagilaak.”

Matiyu 14:27

Yakawe totigiŋ kaŋ Jesudi yeniŋkulemaaŋ yeniŋguk, “Fafaŋe tiŋa itneŋ. Nagoŋ bulat ale munta mu tineŋ.”

Matiyu 28:5

Kaŋ tamyat wosuwaune aŋelodi indiŋ yeniŋguk, “Hidi munta mu tidemek, na agaŋ nadilat. Hidi Jesu koloŋdabek foloŋ ukiŋ u kakaŋdok bamuk.

Jesu’walaŋ Mede Momooŋ Makdi Youkuk 16:6

kaŋ indiŋ yeniŋguk, “Hidi munta mu tineŋ. Hidi Jesu Nasaletniŋ koloŋdabek foloŋ ukiŋ u lohiiŋ u agaŋ nadilat. Adi agaŋ pilalak, kwelikoŋ hogok i kaneŋ.”

Jesu’walaŋ Mede Momooŋ Lukdi youkuk 1:14

Adi Wapum’walaŋkade me loloŋnit tibaak doktiŋa mintaune du nadifo wapum hinek tibaaŋ kaŋ metam nolidi maaŋ nadifo undugoŋ tineeŋ. Mihi mintaune nai uŋaniŋgoŋ Uŋgoniŋ Munabulidi weleŋ maaneŋ fotokowaak tiŋa wain be ime fafaŋeniŋ nemu nawaak, moŋ hinek.

Jesu’walaŋ Mede Momooŋ Lukdi youkuk 1:30

Kaŋ aŋelodi niŋguk, “Maliya, du Bepaŋdi momooŋ hinek tigamulak doktiŋa munta mu tibeŋ.

Jesu’walaŋ Mede Momooŋ Lukdi youkuk 2:21

Mihi mintaaŋ halu melenai 8 dapmaune Judahi’walaŋ fek timiŋa wou koom miŋ weleŋ maaneŋ mu hatu aŋelodi yoguk uŋakoŋ, wou Jesu youkiŋ.

Aposel 10:31

‘Bepaŋ adi medege agaŋ nadiŋa fiyewakahidok momooŋ tiyemilaŋ wendok welemomooŋ nadilak.