Loma 9:16 - Numanggang: Bepaŋ'walaŋ yofolok kobuli tiŋa kap

¹⁶ Unduŋ doktiŋa meeniŋ indi’walaŋ nadisu be saŋiniŋ hatnimilak wendoktiŋa mu nihidanelak. Adi Bepaŋ’walaŋ welekulemaŋiŋ doktiŋa nihidanelak.

Loma 9:16 ပူးပေါင်းရင်းမြစ်များ

Judahi’walaŋ Kap 110:3

Du memikgeye gut mik titiŋdok uune metamgeye adi maaŋ nadifo tiŋa dukut noŋgoŋ wooŋ gehitubu-lodayaneeŋ. Unduŋ tiŋa Bepaŋ’walaŋ kweboboe foloŋ loneŋ. Timiŋ indigoŋ tuwot kilihikit adi bamholiŋa mitnekdi tubuhaikaune saŋiniŋ gitipmuŋ belak, wondok tuwot du maaŋ undugoŋ helemahelemaŋ saŋiniŋ gitipmuŋ beluwaaŋ.

Matiyu 11:27

“Nu Batnedi nemenemek agaŋ namdapmaguk tiŋa adi kubugoŋdi nadinamulak. Nebek noli nemoŋ. Kaŋ nebek niŋdi Me Baŋ mu nadimilak, Mihidi hogok nadimilak. Tiŋa meeniŋ Mihidi yehidanelak adi-hogok yenindakaleune nadidakaleiŋ.

Matiyu 4:8

Unduŋ yobune Sadaŋdi kotigoŋ nagila looŋ kweboboe kweheyeniŋ foloŋ yali kwetkwet nemenemek hogohogok hatak u nimbune saŋiniŋhik kaguk, kaŋ niŋguk,

Jesu’walaŋ Mede Momooŋ Lukdi youkuk 10:21

Nai uŋaniŋ Jesu, Uŋgoniŋ Munabuli’walaŋ welenadifodi fotokomimbune indiŋ yoguk, “O Me Baŋ, kunumkwet diniŋ Wapum, Du nemenemek i me nadinadihinit be nadidakalehinit’walaŋkade kamehebi tuguŋ. Tiŋa me nadinadihikdok nadiune wapmihidok tuwolit tilak aditok adi miŋgoŋ taŋakiyeyembune kaiŋ. O Me Baŋ, da unduŋ mintadok yokwambundaaŋ nadifo tuguŋ wondok tuwot mintalak doktiŋa nadifo tiŋa ganiutumbalat.

Jesu’walaŋ Mede Momooŋ Jondi youkuk 3:8

Sububadi kaka feditak. Kaŋ du gigilitŋiŋ nadilaŋ, iŋgoŋ deŋandiŋ tububihila bulak be deŋandiŋ wooŋ dapmalak u mu kalaŋ. Metam Munabulidi yehitubu-mintalak adi’walaŋ mebihik undihi kuyoŋ.”

Loma 9:11

Ala indiŋ kuyoŋ. Mihiyat katap adi mu mintagumuk, be mintaaŋ titiŋ kedem be kadakaniŋ mu tulune Bepaŋdi aditok indiŋ niŋguk. “Tuwodi monadok tipilapilaye timimbaak.” Ala uyadi indi’walaŋ titiŋnik wondoktiŋa moŋ, ne nadilak wondok tuwolit ninihamanelak. Woŋ adi Bepaŋ ne’walaŋ mededi fafaŋedok nadisuŋa mihiyat u yehidaneeŋ mede u yoguk.

Galesiya 2:2

Ala woŋ adi hogok mu tugut. Wapumdi mede nanimbihila walane tubulodaune logut. Looŋ meeniŋ Judahi’walaŋ feknit mokit u Bepaŋ’walaŋ Mede Momooŋ yenihautalat wondiniŋ mede kahat tiyemgut. Uyadi me talitimeŋ wapuhi nehi hogok yehibopneeŋ yeniŋgut. Maŋgoŋde, adi nadiune tuwot mu tubune kwanai tifit tugut unduŋ tibaakneŋ yoŋa kahat wanakaŋ tiyemdapmagut.

Efeso 2:8

Nadiiŋ be? Adi siloŋ tobogoŋ tihamuŋa nadisukilitihik doktiŋa hehitutumbaguk. Uyadi hide nemek niŋ tubune moŋ. Bepaŋ welesiloŋŋiŋ doktiŋa unduŋ tihamguk.

Filipai 2:13

Biyagoŋ kuyoŋ, Bepaŋ negoŋ welehik gineŋ hehitubu-lodaune lodaloda tiŋa adi’walaŋ nadinadiŋiŋ kedem takalidok saŋiniŋ hamulak.

Jems 1:18

Bepaŋ adi biyagoŋ nadikwambunda hinek tuguk doktiŋa medeŋiŋ folooŋ hinekdi waabiŋiŋ-mihiŋiye nihitubu-mintaguk. Uyadi metam indi nemenemek hogohogok tubumintaguk wondiniŋ folooŋ, kwanai kobulineŋ nanaŋe folooŋ koomkoom mintalak unduŋ nabugoŋ tineem nadiŋa unduŋ tuguk.