Jesu’walaŋ Mede Momooŋ Jondi youkuk 20:20 - Numanggang: Bepaŋ'walaŋ yofolok kobuli tiŋa kap

²⁰ Unduŋ yeniŋa kohoŋyat nilidi ukiŋ eŋ gaga foloŋ bohomdi youkiŋ u yenimbu yabugiŋ. U yabuŋa Wapum agaŋ kayam yo nadifo tigiŋ.

Jesu’walaŋ Mede Momooŋ Jondi youkuk 20:20 ပူးပေါင်းရင်းမြစ်များ

Matiyu 28:8

Unduŋ yenimbu tamyat i udaneeŋ munta maaŋ eŋ nadifo maaŋ tiŋa mihiŋiye gigitmede u yeninde kiyane hogok ugumuk.

Jesu’walaŋ Mede Momooŋ Jondi youkuk 16:20

Biyagoŋ hinek hanimbe nadineŋ. Hidi makat kobulabulaye tineeŋ kaŋ kwetfoloŋ metam adi nadifo tineeŋ, be hidi bulaniŋgoŋ tineeŋ iŋgoŋ bulaniŋgoŋhik wondi udaneeŋ nadifo tubumintahambaak.

Jesu’walaŋ Mede Momooŋ Jondi youkuk 16:22

Doktiŋa nai indidegoŋ hidi wele figitahinit hatineeŋ ala kotigoŋ udaneeŋ baatneŋ uŋaniŋ hidi nadifo wapum hinek tineeŋ, kaŋ hidi’walaŋ welenadifohik u nebek niŋdi holomtibaakdok tuwot moŋ.

Jesu’walaŋ Mede Momooŋ Jondi youkuk 19:34

Adi mikme niŋdi bohomŋiŋ tiŋa Jesu gaga foloŋ youtombune naŋgat dut ime kwatnegumuk.

Jesu’walaŋ Mede Momooŋ Jondi youkuk 20:25

Ala mewoi nolidi niŋgiŋ, “Indi Wapum agaŋ kamun.” Unduŋ niŋgiŋ kaŋ adibo yeniŋguk, “Nu kohoŋ foloŋ nilidi ukiŋ diniŋ bit u mu kaŋ, be kohonedi fek u wehemit mu tiŋa kaŋ be kohonedi gaga foloŋ mu honeeŋ kaŋ adi tuwot mu nadisukilitibaat, moŋ hinek.”

Jesu’walaŋ Mede Momooŋ Jondi youkuk 20:27

yoŋa Tomas indiŋ niŋguk, “Kohoge tiŋa buŋa kohone foloŋ iŋgoŋ kameeŋ kaweŋ eŋ kohoge kihiwali gagatne honeeŋ kaweŋ. Tiŋa kotigoŋ welelufom mu tiŋa nadisukilitinambeŋ.”

1 Jon 1:1

Koomkwaha tububihit gineŋ tububihila hatitalabuguk, kaŋ magitnikdi nadigumun eŋ daunikdi kagumun, tiŋa didimeniŋgoŋ hinek kaŋ kohonikdi wehemikumun, u mede hatihatinit uŋakoŋ.