Jesu’walaŋ Mede Momooŋ Jondi youkuk 18:33 - Numanggang: Bepaŋ'walaŋ yofolok kobuli tiŋa kap

³³ Unduŋ yobune Pailat adi kotigoŋ udaneeŋ wooŋ kwelineŋ yali Jesu nihamaneu buune niŋguk, “Judahi’walaŋ me mapme du-kube?”

Jesu’walaŋ Mede Momooŋ Jondi youkuk 18:33 ပူးပေါင်းရင်းမြစ်များ

Matiyu 27:11

Jesu nagila wooŋ Pailat namanda foloŋ kameune yakuk. Kaŋ Pailatdi indiŋ ninadiguk, “Judahi’walaŋ me mapme du-ku be?” Kaŋ Jesudibo niŋguk, “Yolaŋ uŋakoŋ.”

Matiyu 27:27

Unduŋ tiŋa Pailat mikmeŋiyedi nagila fooŋ wooŋ gapman’walaŋ gimbahaŋ gineŋ yowawaliweŋ ugiŋ. Uŋoŋ uune mikme hogohogok buŋa bopnegiŋ.

Jesu’walaŋ Mede Momooŋ Makdi Youkuk 15:2

kaŋ Pailatdi indiŋ ninadiguk, “Judahi’walaŋ me mapme du-ku be?” Kaŋ Jesudibo niŋguk, “Yolaŋ uŋakoŋ.”

Jesu’walaŋ Mede Momooŋ Lukdi youkuk 23:2

Looŋ mede gineŋ kameeŋ indiŋ niŋgiŋ, “Me yoŋ adi indi’walaŋ metamniye talik moiniŋ yanagitak, tiŋa Lomahi’walaŋ gapmandok muneeŋ mu mimiŋdok yoŋa kamehep tiyemulak. Tiŋa netok adi Kilisto, Mapme yolak.”

Jesu’walaŋ Mede Momooŋ Jondi youkuk 1:49

Unduŋ yoguk kaŋ Nataniyeldibo niŋguk, “Hinale, biyagoŋ hinek, du adi Bepaŋ Mihiŋiŋ, Isilaehi’walaŋ mapme.”

Jesu’walaŋ Mede Momooŋ Jondi youkuk 12:13

Mede u nadiŋa kudihahak wobu moŋgola indiŋ kakaliŋa Jesu kane ugiŋ, “Nintilonim! Me i Wapum wou gineŋ bulak, Bepaŋdi kahaŋ timimbek! Adi Isilaehi’walaŋ mapme!”

Jesu’walaŋ Mede Momooŋ Jondi youkuk 12:15

“Saiyonhi metam, hidi munta mu tineŋ! Mapmehik doŋki mihiniŋ foloŋ ila bulak.”

Jesu’walaŋ Mede Momooŋ Jondi youkuk 18:34

Ninadiguk kaŋ yoguk, “Mede i da be nadiŋa bu nanilaŋ be me nolidi ganiŋit?”

Jesu’walaŋ Mede Momooŋ Jondi youkuk 18:37

Unduŋ yobune Pailatdi niŋguk, “Unduŋ yolaŋ ale yobeŋ. Du mapme iŋgoŋ be?” Yobune Jesudibo yoguk, “Da yolaŋ uŋakoŋ, nu adi mapme. Nu mede biyagoŋ yohautawene kwetfoloŋ fooŋ mintagut. Ale nebek niŋ adi mede biyagoŋ kamehatilak adi medene not timilak.”

Jesu’walaŋ Mede Momooŋ Jondi youkuk 18:38

Unduŋ yobu Pailatdi niŋguk, “Ka mede biyagoŋ u maŋgoŋ!” Unduŋ yoŋa fakaŋ fooŋ buŋa Judahi metam indiŋ yeniŋguk, “Nu me i kadakaniŋŋiŋ lohi tilat.”

Jesu’walaŋ Mede Momooŋ Jondi youkuk 19:12

Unduŋ yobune Pailat adi mede u nadiŋa Jesu bikabune uuŋdok yobune metamdi kutifiyeeŋ yogiŋ, “Jesu adi netok me mapme yoŋa Lomahi hidi’walaŋ Mapme Wapum Sisa mik timilak. Ale du me i bikabu wek adi du Sisa’walaŋ me noliŋiŋ mu tibeŋ.”

Jesu’walaŋ Mede Momooŋ Jondi youkuk 19:3

Tiŋa hebeŋ gineŋ wooŋ yali indiŋ niŋgiŋ, “O! Judame heki’walaŋ mapme! Ganintiloyam!” Unduŋ yoŋa fawi foloŋ utawatukukiŋ.

Jesu’walaŋ Mede Momooŋ Jondi youkuk 19:4

Kaŋ Pailat adi Judame heki’walaŋkade kotigoŋ udaneeŋ fooŋ yoguk, “I kaneŋ. Nu kadakaniŋŋiŋ moŋ hinek lohikalat ale nagila bene hidi hide mebiŋiŋ kaneŋ.”

Jesu’walaŋ Mede Momooŋ Jondi youkuk 19:9

kotigoŋ Jesu nagila yot maaneŋ fooŋ kwelineŋ yalaŋa Jesu indiŋ niŋguk, “Du deŋaniŋ hinek?” Unduŋ ninadiguk kaŋ Jesu mede nemu tubu-udanemiŋa hogok yakuk.

1 Timoti 6:13

Jesu Kilisto adi Pontiyas Pailat namanda foloŋ fafaŋeŋ yali nadisukilitiŋiŋ diniŋ mebi yodakaleguk. Adi’walaŋ namanda foloŋ eŋ Bepaŋ nemenemek hogohogok hatihati tubumintayemilak adi’walaŋ namanda foloŋ indiŋ ganiŋkilitilat.