Jesu’walaŋ Mede Momooŋ Jondi youkuk 18:30 - Numanggang: Bepaŋ'walaŋ yofolok kobuli tiŋa kap

³⁰ Unduŋ yeninadiguk kaŋ niŋgiŋ, “Indi me i kadakaniŋ titiŋ moŋ binek adi du’walaŋkade tuwot mu nagi bunetumun.”

Jesu’walaŋ Mede Momooŋ Jondi youkuk 18:30 ပူးပေါင်းရင်းမြစ်များ

Jesu’walaŋ Mede Momooŋ Makdi Youkuk 10:33

“Nadiiŋ be, ya agaŋ Jelusalemde loyam. Uŋoŋ Me Kobumuŋ bolik timimbune me Siloŋyot diniŋ talitimeŋ tiŋa Yodoko Mede hinale heki’walaŋ kohohik foloŋ lowaak. Loune kumuŋdok nindapmaaŋ Loma me heki’walaŋ kohohik foloŋ kameneeŋ,

Jesu’walaŋ Mede Momooŋ Makdi Youkuk 15:3

Unduŋ yobune Siloŋyot diniŋ talitimeŋ wapuhi adi nemek kadakaniŋ tuguk yo niŋgiŋ

Jesu’walaŋ Mede Momooŋ Lukdi youkuk 24:7

‘Me Kobumuŋ adi me kadakahi kohohik foloŋ loune ulukumuneeŋ, kaŋ nai lufomkulitniŋ hali kaikaaŋ pilalaak.’”

Jesu’walaŋ Mede Momooŋ Jondi youkuk 18:29

Unduŋ doktiŋa Pailatdi fakaŋ fooŋ yeninadiguk, “Hidi me i maŋgoŋ yom tiŋak kaŋ honeeŋ nagi buŋit?”

Jesu’walaŋ Mede Momooŋ Jondi youkuk 18:31

Yogiŋ kaŋ Pailatdibo indiŋ yeniŋguk, “Unduŋ ale hidi hide nagi wooŋ Yodoko Medehik hatak undugoŋ keleeŋ nindapmaneŋ.” Yenimbune Judame hekidi yogiŋ, “Indi me niŋ nindapmane kumundok tuwot moŋ.”

Jesu’walaŋ Mede Momooŋ Jondi youkuk 19:12

Unduŋ yobune Pailat adi mede u nadiŋa Jesu bikabune uuŋdok yobune metamdi kutifiyeeŋ yogiŋ, “Jesu adi netok me mapme yoŋa Lomahi hidi’walaŋ Mapme Wapum Sisa mik timilak. Ale du me i bikabu wek adi du Sisa’walaŋ me noliŋiŋ mu tibeŋ.”

Aposel 3:13

Yadi Abalaham, Aisak, Jekop, eŋ papaniye adi’walaŋ Bepaŋdi tipilapilaye-meŋiŋ Jesu wou niŋa tiloloŋdok tubukedebaŋak. Iŋgoŋ hidi koom Jesu moŋ niŋa mikme heki kohohik foloŋ kameune nagi wooŋ mede gineŋ kamegiŋ. Kaŋ Bepaŋ’walaŋ Me Uŋgoniŋ, me didimeniŋ i Pailatdi bikabudok yoguk iŋgoŋ hidi gigine tiŋa Pailat nimbune me kadakaniŋ titiŋ u bikabu uune

2 Timoti 2:9

Kaŋ metamdi wendogoŋ tiŋa nabiiŋ kaŋ nu me hogoli unduŋ tilat, unduŋ doktiŋa malabumuŋ mebimebi namuŋa yot fafaŋeniŋ gineŋ napmeiŋ. Iŋgoŋ Bepaŋ’walaŋ medeŋiŋ adi tuwot mu folokeneŋ youkilitibune halek.

1 Pita 4:15

Tiyauge hidi’walaaniŋ niŋdi mik be kubo be kadakaniŋ mu titiŋ be titaboloŋet doktiŋa kwadi hekiŋa yot fafaŋeniŋ gineŋ fowaakneŋ ala nadinadiŋila hatiyaneeŋ.