Jesu’walaŋ Mede Momooŋ Jondi youkuk 11:28 - Numanggang: Bepaŋ'walaŋ yofolok kobuli tiŋa kap

²⁸ Mata adi unduŋ yoŋa kotigoŋ yopmande wooŋ Maliya kutinimbu buune mede hamahamap gineŋ indiŋ niŋguk, “Hinale buŋa hali wooŋ kaweŋ ganilak.”

Jesu’walaŋ Mede Momooŋ Jondi youkuk 11:28 ပူးပေါင်းရင်းမြစ်များ

Matiyu 26:18

Unduŋ yobune yeniŋguk, “Hidi wooŋ yokwet maaneŋ fooŋ me uŋamo woŋ, adi-ku indiŋ nineŋ, ‘Henaledi indiŋ yolak, Naine agaŋ dulalak doktiŋa mihineye dut du yokeneŋ wooŋ Aŋelodi Yabukiyondaaŋ Yalakapmeguk wendok muni nanim yolat.’”

Jesu’walaŋ Mede Momooŋ Makdi Youkuk 10:49

Unduŋ kutiguk kaŋ Jesu uŋgoŋ yali metam yeniŋguk, “Nimbune iŋgoŋ bek.” Yeniŋguk kaŋ me dausipmik u indiŋ kutiniŋgiŋ, “Jesu ‘beŋ’ ganilak ale nadifo tiŋa pilali beŋ.”

Jesu’walaŋ Mede Momooŋ Makdi Youkuk 14:14

yopmaŋ foune noŋgoŋ fooŋ yot molom u indiŋ nindemek. ‘Hinaledi indiŋ ganilak, Mihineye indi Aŋelodi Yabukiyondaaŋ Yalakapmeguk diniŋ nanaŋe nanimdok yotmaaŋ deŋak?’

Jesu’walaŋ Mede Momooŋ Lukdi youkuk 22:11

Fooŋ yot molom indiŋ nindemek, ‘Hinaledi indiŋ ganilak. Mihineye indi Aŋelodi Yabukiyondaaŋ Yalakapmegukdok nanaŋe nanimdok yotmaaŋ deŋak?’

Jesu’walaŋ Mede Momooŋ Jondi youkuk 1:41

Kaŋ adi pilap wooŋ dali tubumintaaŋ niŋguk, “Indi Mesiya agaŋ kamut.” (Mesiya adi Gilik mede gineŋ Kilisto yoyagiŋ.)

Jesu’walaŋ Mede Momooŋ Jondi youkuk 1:45

Ala Filipdibo wooŋ Nataniyel tubumintaaŋ niŋguk, “Indi me koom Mosesdi Yodoko Mede gineŋ medeŋiŋ youkuk eŋ polofet hekidi maaŋ aditok mede youkiŋ u agaŋ kamun. Adi Josep mihiŋiŋ Jesu, Nasaletniŋ.”

Jesu’walaŋ Mede Momooŋ Jondi youkuk 10:3

Ala me yeme kadokolak adi talik dilitomimbune fooŋ dompaŋiye wohiye kutiyenimbune maŋiŋ mede nadikiyondaaŋ keleeŋ fowiiŋ.

Jesu’walaŋ Mede Momooŋ Jondi youkuk 11:20

Kaŋ Matadi Jesu talipmeŋ bulak yobu nadiŋa Maliya yopmaŋ uŋgoŋ bikabuŋa Jesu kawe uguk.

Jesu’walaŋ Mede Momooŋ Jondi youkuk 11:29

Unduŋ nimbune Maliya adi mede u nadiŋa pilap hinek kawene uguk.

Jesu’walaŋ Mede Momooŋ Jondi youkuk 11:30

Jesu adi yokwet maaneŋ mu fooŋ Matadut mede yonadi tugumukneŋ uŋgoŋ yali mede kameguk.

Jesu’walaŋ Mede Momooŋ Jondi youkuk 13:13

Nu hinale tiŋa wapumhik doktiŋa hidi Hinale be Wapum naniiŋ u biyagoŋ.

Jesu’walaŋ Mede Momooŋ Jondi youkuk 20:16

Yobune Jesudibo niŋguk, “Maliya!” Nimbune fambekeneeŋ kakiyondaaŋ Judahi’walaŋ mede foloŋ “Laboni!” yoguk. (Mede u mebi ‘hinale’.)

Jesu’walaŋ Mede Momooŋ Jondi youkuk 21:7

Tiŋa Jesu mihiŋiŋ niŋ weleŋdi hinek kahileluguk adi Pita niŋguk, “Ya Wapum kuyoŋ.” Unduŋ yobune Pita adi tinahukut wahiniŋ kwihikula hogok hatiguk doktiŋa dahidahiŋiŋ wahiniŋ u tiŋa dahiŋa ime gineŋ tatakula fooŋ mopneeŋ wooŋ kiŋ foloŋ losuwaguk.

1 Tesalonaika 5:11

Unduŋ doktiŋa hidi kubugoŋkubugoŋ hinekdi kobuk hide tiiŋ unduŋ tiŋale kitubuloda tiŋa kiulihi tiyaneeŋ.

Hibulu 12:12

Kaŋ hidi yadi kohohik kumuŋgweheyehi eŋ muhik hokiyehi, ale fafaŋeeŋ yalididimeneeŋ.