โรม 15:24 - พระคริสตธรรมคัมภีร ภาคพันธสัญญาใหม

²⁴ ข้าพเจ้า​จึง​กึ๊ด​ว่า​จะ​แว่​ไป​แอ่ว​หา​หมู่​ต้าน​ต๋อน​เมื่อ​จะ​ไป​ประเทศ​สเปน แล้ว​หลัง​จาก​ตี้​ได้​อยู่​กับ​หมู่​ต้าน​สัก​หว่าง​นึ่ง​แล้ว ข้าพเจ้า​ก็​หวัง​ว่า​หมู่​ต้าน​จะ​จ้วย​ข้าพเจ้า​เตียว​ตาง​ต่อ​ไป​จ๋น​เถิง​สเปน

โรม 15:24 ပူးပေါင်းရင်းမြစ်များ

กิจก๋าน 15:3

คริสตจักร​ก็​ส่ง​คน​หมู่​นี้​ออก​เตียวตาง​ไป เมื่อ​ผ่าน​แคว้น​ฟีนิเซีย​กับ​แคว้น​สะมาเรีย หมู่​ต้าน​ก็​เล่า​เรื่อง​ว่า​คน​ต่างจ้าด​เข้า​มา​ฮับเจื้อ​พระเจ้า หมู่​ปี้น้อง​ผู้เจื้อ​ตี้​หั้น​ฟัง​จาอั้น​ก็​ปา​กั๋น​ดีใจ๋​ขนาด

กิจก๋าน 19:21

หลังจาก​เรื่อง​ตี้​เกิด​ขึ้น​หมู่​นี้​เสี้ยง​สุด​ลง​แล้ว เปาโล​ก็​ตัดสินใจ๋​จะ​เตียวตาง​ผ่าน​แคว้น​มาซิโดเนีย​กับ​แคว้น​อาคายา แล้ว​จะ​ลวด​ไป​กรุง​เยรูซาเล็ม ต้าน​อู้​ว่า “หลังจาก​ข้าพเจ้า​ไป​กรุง​เยรูซาเล็ม​แล้ว จะ​ต้อง​ไป​กรุง​โรม​ตวย”

กิจก๋าน 21:5

แต่​ว่า​เมื่อ​เถิง​เวลา​ตี้​หมู่​เฮา​จะ​ต้อง​เตียวตาง​ต่อไป หมู่​เขา​ตึงหมด​ตึง​ลูก​ตึง​เมีย​ก็​มา​ส่ง​หมู่​เฮา​ตี้​นอก​เมือง เมื่อ​มา​แผว​ฮิม​ทะเล หมู่​เฮา​ก็​ปา​กั๋น​คุก​เข่า​อธิษฐาน​ตี้​หั้น

โรม 1:12

คือ​ว่า​หมู่​เฮา​จะ​ได้​หื้อ​ก๋ำลังใจ๋​กั๋น​โดย​ความ​เจื้อ​ของ​เฮา​ตึง​สอง​ฝ่าย

โรม 15:28

เมื่อ​ข้าพเจ้า​เยียะ​งาน​นี้​เสร็จ​แล้ว คือ​เอา​สตางค์​ตี้​ได้​ฮอม​ไป​หื้อ​หมู่​ปี้น้อง​ใน​กรุง​เยรูซาเล็ม​เรียบร้อย​แล้ว ข้าพเจ้า​ก็​จะ​เตียวตาง​ไป​ประเทศ​สเปน แล้ว​หละหว่าง​ตาง​ก็​จะ​แว่​แอ่ว​หา​หมู่​ต้าน

2 โครินธ์ 1:16

ข้าพเจ้า​จะ​แว่​ไป​แอ่ว​หา​หมู่​ต้าน​ต๋อน​ตี้​ก่ำลัง​เตียวตาง​ไป​แคว้น​มาซิโดเนีย กับ​จะ​แว่​แอ่ว​หา​แหม​เตื้อ​ต๋อน​ขา​ปิ๊ก​จาก​แคว้น​มาซิโดเนีย เปื้อ​จะ​ขอ​หื้อ​หมู่​ต้าน​จ้วย​ข้าพเจ้า​เตียวตาง​ไป​แคว้น​ยูเดีย​ต่อไป

3 ยอห์น 1:6

หมู่​เขา​ได้​อู้​เถิง​ความ​ฮัก​ของ​ต้าน​หื้อ​คริสตจักร​ตี้​นี่​ฟัง ก็​จะ​เป๋น​ก๋าน​ดี​นัก​ขนาด ถ้า​ต้าน​จะ​จ้วย​ส่ง​หมู่​เขา​เตียวตาง​ต่อ​ไป​ต๋าม​ตี้​พระเจ้า​ปอใจ๋