โรม 14:22 - พระคริสตธรรมคัมภีร ภาคพันธสัญญาใหม

²² หื้อ​ความ​เจื้อ​ของ​ต้าน​ใน​เรื่อง​หมู่​นี้​เป๋น​เรื่อง​หละหว่าง​ต้าน​กับ​พระเจ้า คน​ใด​เยียะ​อะหยัง​ตี้​ถือ​ว่า​ถูกต้อง แล้ว​ใน​ใจ๋​บ่ได้​ฟ้อง​ผิด คน​นั้น​ก็​เป๋น​สุข

โรม 14:22 ပူးပေါင်းရင်းမြစ်များ

กิจก๋าน 24:16

ย้อนจาอั้น​ข้าพเจ้า​จึง​อุตส่าห์​เยียะ​กู้​สิ่ง​ด้วย​จิต​สำนึก​ตี้​บริสุทธิ์​ต่อ​พระเจ้า​กับ​มนุษย์​อย่าง​เป๋น​แต๊​เป๋น​ว่า​อยู่​เสมอ

โรม 14:14

ใน​ฐานะ​ตี้​เป๋น​คน​ของ​พระเยซู องค์​พระผู้เป๋นเจ้า ข้าพเจ้า​ก็​ฮู้​กับ​แน่ใจ๋​ว่า​บ่มี​ของกิ๋น​ใด​ตี้​เป๋น​มลทิน​ใน​ตั๋ว​ของ​มัน​เอง แต่​ถ้า​คน​ใด​หัน​ว่า​ของกิ๋น​ใด​เป๋น​มลทิน​ก็​จะ​เป๋น​มลทิน​สำหรับ​เขา

โรม 14:2

เจ้น​คน​นึ่ง​เจื้อ​ว่า​กิ๋น​อะหยัง​ก็​ได้ แต่​แหม​คน​ตี้​มี​ความ​เจื้อ​หน้อย​กึ๊ด​ว่า​กิ๋น​ได้​ก้า​ผัก​อย่าง​เดียว​เต้าอั้น

โรม 14:23

แต่​คน​ตี้​สงสัย​แล้ว​ยัง​กิ๋น คน​นั้น​ก็​จะ​ถูก​ตัดสิน​ลงโต้ษ ย้อน​เขา​บ่ได้​กิ๋น​ต๋าม​ตี้​เขา​เจื้อ กู้​อย่าง​ตี้​บ่ได้​เยียะ​ต๋าม​สิ่ง​ตี้​เขา​เจื้อ​ก็​เป๋น​บาป

โรม 14:5

คน​นึ่ง​หัน​ว่า​วัน​นึ่ง​สำคัญ​นัก​เหลือ​แหม​วัน​นึ่ง แต่​แหม​คน​นึ่ง​หัน​ว่า​กู้​วัน​สำคัญ​เต้า​กั๋น​หมด หื้อ​กู้​คน​ยึด​มั่น​ต๋าม​กำ​กึ๊ด​ของ​ใผ​ของ​มัน

โรม 2:1

ย้อนจาอั้น บ่ว่า​ต้าน​จะ​เป๋น​ใผ​ก็​ต๋าม ถ้า​ต้าน​ตัดสิน​คน​อื่น ต้าน​ก็​บ่มี​ข้อ​แก้​ตั๋ว​ต่อ​พระเจ้า​เลย เมื่อ​ต้าน​ตัดสิน​คน​อื่น ต้าน​ก็​ได้​ตัดสิน​ลงโต้ษ​ตั๋ว​เก่า​แล้ว ย้อน​ว่า​ต้าน​ก็​เยียะ​อย่าง​เดียว​กับ​เขา​เหมือน​กั๋น

โรม 7:15

ข้าพเจ้า​ก็​บ่เข้าใจ๋​ว่า​เยียะ​หยัง​ข้าพเจ้า​เยียะ​ใน​สิ่ง​ตี้​ข้าพเจ้า​เยียะ ย้อน​ว่า​ข้าพเจ้า​บ่ได้​เยียะ​สิ่ง​ดี​ตี้​ใค่​เยียะ แต่​สิ่ง​ตี้​ข้าพเจ้า​จัง ข้าพเจ้า​ก็​เยียะ

โรม 7:24

เฮ่อ ข้าพเจ้า​เป๋น​คน​ตี้​น่า​สังเวช​เหีย​แต๊ๆ จะ​มี​ใผ​จ้วย​ข้าพเจ้า​หื้อ​ป๊น​จาก​ตั๋ว​นี้​ตี้​นำ​ความ​ต๋าย​มา​สู่​ข้าพเจ้า​นี้​พ่อง

1 โครินธ์ 8:7

แต่​บ่ใจ้​กู้​คน​ตี้​มี​ความ​ฮู้​จาอี้ บาง​คน​ตี้​เกย​นับถือ​ฮูป​เคารพ เมื่อ​เขา​กิ๋น​ของกิ๋น​ตี้​เกย​เอา​ไป​ปู่จา​ฮูป​เคารพ เขา​ก็​ยัง​กึ๊ด​ว่า​เป๋น​ของกิ๋น​ตี้​ปู่จา​ฮูป​เคารพ​ตี้​มี​จีวิต​แต๊ๆ จิต​สำนึก​ของ​เขา​ยัง​อ่อนแอ​อยู่ เขา​เลย​ฮู้สึก​ว่า​เขา​เป๋น​มลทิน​ตี้​ไป​กิ๋น​ของกิ๋น​จาอั้น

2 โครินธ์ 1:12

จิต​สำนึก​ของ​เฮา​ยืนยัน​กับ​หมู่​เฮา​ว่า กู้​สิ่ง​ตี้​เฮา​เยียะ​ใน​โลก​นี้​เฮา​เยียะ​โดย​ความ​บริสุทธิ์​ใจ๋​กับ​น้ำ​ใส​ใจ๋​จริง​ตี้​มา​จาก​พระเจ้า โดย​เฉพาะ​ใน​ความ​สัมพันธ์​กับ​หมู่​ต้าน เฮา​ได้​เยียะ​จาอั้น​โดย​พระคุณ​ของ​พระเจ้า บ่ใจ้​โดย​ปั๋ญญา​ของ​คน สิ่ง​นี้​ละ​ตี้​เยียะ​หื้อ​เฮา​ภูมิใจ๋

กาลาเทีย 6:1

ปี้น้อง​ผู้​เจื้อ​ตังหลาย ถ้า​ฮู้​ว่า​คน​นึ่ง​คน​ใด​หลง​ผิด​ไป หื้อ​ต้าน​ตังหลาย​ตี้​มี​พระวิญญาณ​อยู่​ตวย จ้วย​คน​นั้น​ด้วย​จิต​ใจ๋​อ่อน​น้อม หื้อ​เขา​ปิ๊ก​ตั้ง​ตั๋ว​ใหม่​ได้​แหม หื้อ​กึ๊ด​เถิง​ตั๋ว​เก่า แต่​หละวัง​ตั๋ว​ไว้​หื้อ​ดี ต้าน​ก็​อาจ​ถูก​ลองใจ๋​ได้​เหมือน​กั๋น

ยากอบ 3:13

มี​ใผ​พ่อง​ใน​หมู่​ต้าน​ตี้​มี​ผญา​ปั๋ญญา​กับ​ความ​ฮู้​ความ​เข้าใจ๋​ดี ก็​หื้อ​เขา​แสดง​หื้อ​หัน​ใน​ก๋าน​ใจ๊​จีวิต​ตี้​ถูกต้อง​ของ​เขา คือ​ก๋าน​เยียะ​โดย​ใจ๋​ถ่อม​สุภาพ​อย่าง​มี​ผญา​ปั๋ญญา

1 ยอห์น 3:21

ต้าน​ตี้​ฮัก​ตังหลาย ถ้า​ใจ๋​เฮา​บ่ฟ้อง​ว่า​เฮา​เยียะ​ผิด เฮา​ก็​มี​ความ​มั่นใจ๋​ตี้​จะ​เข้า​หา​พระเจ้า