โรม 10:12 - พระคริสตธรรมคัมภีร ภาคพันธสัญญาใหม

¹² พระเจ้า​ถือ​ว่า​จาว​ยิว​กับ​คน​ต่างจ้าด​บ่ต่าง​กั๋น ย้อน​พระองค์​เป๋น​องค์​พระผู้เป๋นเจ้า​ของ​กู้​คน กับ​พระองค์​จะ​ปั๋น​ปอน​อย่าง​เต๋มตี้​หื้อ​กับ​กู้​คน​ตี้​อ้อนวอน​ขอ​พระองค์

โรม 10:12 ပူးပေါင်းရင်းမြစ်များ

กิจก๋าน 7:59

ต๋อน​ตี้​หมู่​เขา​ปา​กั๋น​เอา​บ่าหิน​หลุ้ม​ขว้าง​อยู่​นั้น สเทเฟน​ก่ำลัง​อธิษฐาน​ว่า “พระเยซู​องค์​พระ​ผู้​เป๋น​เจ้า ขอ​ฮับ​จิตวิญญาณ​ของ​ข้าพเจ้า​ตวย​เต๊อะ”

กิจก๋าน 9:14

ก่อน​เขา​มา​นี่ เขา​ฮับ​อำนาจ​จาก​หมู่​หัวหน้า​ปุโรหิต​หื้อ​มา​ยับ​คน​ตังหลาย​ตี้​เจื้อ​พระองค์”

โรม 14:9

ย้อนจาอี้​พระเยซู​คริสต์​จึง​ยอม​ต๋าย แล้ว​เป๋น​ขึ้น​จาก​ความ​ต๋าย​เปื้อ​จะ​ได้​เป๋น​องค์​พระ​ผู้​เป๋น​เจ้า​ของ​คน​ต๋าย​ตึง​คน​เป๋น​ตวย

โรม 15:12

แล้ว​อิสยาห์​ผู้​เป๋น​ปาก​เป๋น​เสียง​แตน​พระเจ้า​เกย​อู้​ว่า “จะ​มี​คน​เกิด​มา​จาก​เจื๊อสาย​ของ​เจสซี คน​นั้น​จะ​ปกครอง​คน​กู้​จ้าด แล้ว​คน​หมู่​นั้น​จะ​มี​ความ​หวัง​ย้อน​ต้าน”

โรม 2:4

กาว่า​ต้าน​ดู​หมิ่น​ดู​แควน​ความ​กรุณา ความ​อดใจ๋ กับ​ความ​อดทน​อัน​ยิ่งใหญ่​ของ​พระองค์ ต้าน​บ่ฮู้​กา ว่า​ความ​กรุณา​ของ​พระองค์​นั้น​ก็​เปื้อ​หื้อ​โอกาส​ต้าน​กลับใจ๋​จาก​บาป

โรม 3:22

คือ​หมู่​เฮา​จะ​เป๋น​คน​ถูกต้อง​ต๋าม​ธรรม​ได้​โดย​ก๋าน​เจื้อ​พระเยซู​คริสต์ เซิ่ง​พระเจ้า​เยียะ​หื้อ​เหมือน​กั๋น​กู้​คน​บ่ว่า​เป๋น​ใผ​ก็​ต๋าม

1 โครินธ์ 1:2

เถิง​คริสตจักร​ของ​พระเจ้า​ตี้​อยู่​ใน​เมือง​โครินธ์ พระเจ้า​ได้​เยียะ​หื้อ​ต้าน​บริสุทธิ์​โดย​ตาง​พระเยซู​คริสต์ กับ​ได้​ฮ้อง​ต้าน​หื้อ​เป๋น​คน​ของ​พระองค์​ฮ่วม​กับ​กู้​คน​ใน​กู้ๆ ตี้ ตี้​อธิษฐาน​ใน​นาม​ของ​พระเยซู​คริสต์​องค์​พระ​ผู้​เป๋น​เจ้า​ของ​หมู่​เขา​กับ​ของ​เฮา

1 โครินธ์ 15:47

ป้อจาย​คน​เก๊า​หัวที​นั้น​มา​จาก​ดิน​ใน​โลก​นี้ แต่​ป้อจาย​คน​ตี้​สอง​นั้น​มา​จาก​สวรรค์

2 โครินธ์ 8:9

ย้อน​หมู่​ต้าน​ฮู้จัก​พระคุณ​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​แล้ว​ว่า เถิงแม้​พระองค์​มั่งคั่ง แต่​ก็​ยอม​เป๋น​คน​ตุ๊ก ย้อน​หันแก่​หมู่​ต้าน เปื้อ​หมู่​ต้าน​จะ​ได้​เป๋น​คน​มั่งคั่ง​โดย​ตี้​พระองค์​ยอม​เป๋น​คน​ตุ๊ก​ยาก

กาลาเทีย 3:28

โดย​พระ​เยซู​คริสต์​ต้าน​ตังหลาย​บ่มี​ก๋าน​แยก​ว่า​เป๋น​จาว​ยิว​กาว่า​จาว​กรีก เป๋น​ขี้ข้า​กาว่า​มี​อิสระ เป๋น​ป้อจาย​กาว่า​แม่ญิง แหม​ต่อ​ไป ย้อน​ว่า​หมู่​ต้าน​ได้​เป๋น​อัน​นึ่ง​อัน​เดียว​กั๋น​ใน​พระเยซู​คริสต์​แล้ว

เอเฟซัส 1:7

โดย​ก๋าน​ต๋าย​ของ​พระเยซู เลือด​ของ​พระองค์​ก็​ไถ่​เฮา​แล้ว คือ​เฮา​ได้ฮับ​ก๋าน​ยกโต้ษ​บาป ย้อน​พระคุณ​อัน​ใหญ่​หลวง​ของ​พระองค์

เอเฟซัส 2:4

แต่​ความ​เมตต๋า​ของ​พระเจ้า​กับ​ความ​ฮัก​ตี้​พระองค์​มี​หื้อ​เฮา​นั้น​นัก​ขนาด

เอเฟซัส 2:7

ตี้​พระเจ้า​เยียะ​จาอี้ ก็​เปื้อ​หื้อ​ยุค​ต่อๆ ไป จะ​ได้​หัน​พระคุณ​อัน​เหลือ​ล้น​ของ​พระองค์ โดย​ความ​เมตต๋า​ของ​พระองค์​ผ่าน​ตาง​พระเยซู​คริสต์

เอเฟซัส 3:16

ข้าพเจ้า​อธิษฐาน​ขอ​พระเจ้า​ตี้​จะ​หื้อ​ฤทธิ์​อำนาจ​ตึงหมด​กับ​หมู่​ต้าน จาก​ปอน​อัน​ยิ่งใหญ่​ของ​พระองค์​ใน​สวรรค์​ผ่าน​ตาง​พระวิญญาณ เปื้อ​ต้าน​จะ​ได้​มี​จิตใจ๋​ตี้​เข้มแข็ง

เอเฟซัส 3:6

ข้อล้ำเลิ็ก​นั้น​ก็​คือ โดย​ผ่าน​ตาง​ข่าวดี​นั้น คน​ต่างจ้าด​ก็​จะ​ได้ฮับ​มรดก​ฮ่วม​กั๋น​กับ​จาว​ยิว กับ​เป๋น​เหมือน​ส่วน​ต่างๆ ใน​ตั๋ว​เดียว​กั๋น กับ​มี​ส่วนฮ่วม​ใน​พระสัญญา​ตี้​พระเจ้า​หื้อ​ไว้​ผ่าน​ตาง​พระเยซู​คริสต์

เอเฟซัส 3:8

เถิงแม้​ว่า ข้าพเจ้า​เป๋น​คน​ตี้​ต่ำต้อย​เหลือ​คน​ต่ำต้อย​ตี้​สุด​ใน​หมู่​คน​ของ​พระเจ้า แต่​พระเจ้า​ก็​ได้​หื้อ​พระคุณ​นี้​กับ​ข้าพเจ้า​เปื้อ​หื้อ​เอา​ข่าวดี​มา​บอก​คน​ต่างจ้าด ข่าวดี​นั้น​ก็​คือ​ปอน​ของ​พระคริสต์​ตี้​นัก​จ๋น​สุด​กำกึ๊ด​ตี้​จะ​กึ๊ด​ได้

ฟีลิปปี 2:11

กับ​กู้​คน​จะ​ยอมฮับ​ว่า พระเยซู​คริสต์​เป๋น​องค์​พระผู้เป๋นเจ้า เซิ่ง​เป๋น​ก๋าน​ถวาย​เกียรติ​พระเจ้า​พระบิดา

ฟีลิปปี 4:19

กับ​พระเจ้า​ตี้​ข้าพเจ้า​ฮับใจ๊ จะ​จัดหา​กู้​สิ่ง​ตี้​หมู่​ต้าน​ต้องก๋าน​จาก​ความ​มั่งคั่ง​ตี้​สมบูรณ์​ของ​พระองค์ โดย​ผ่าน​ตาง​พระเยซู​คริสต์

โคโลสี 1:27

พระเจ้า​ต้องก๋าน​หื้อ​คน​ของ​พระองค์​ฮู้​ว่า ข้อล้ำเลิ็ก​ตี้​ยิ่งใหญ่​กับ​ดีเลิศ​นี้​ก็​เปิดเผย​หื้อ​คน​ต่างจ้าด​ตวย คือ​พระคริสต์​อยู่​ใน​เฮา เยียะ​หื้อ​เฮา​มี​ความ​หวัง​ตี้​จะ​ได้ฮับ​เกียรติ​ใน​สวรรค์

โคโลสี 3:11

จีวิต​ใหม่​นี้​บ่มี​ก๋าน​แบ่ง​ว่า​เป๋น​จาว​ยิว​กาว่า​เป๋น​จาว​กรีก เป๋น​คน​ตี้​เข้า​พิธี​สุหนัต​กาว่า​บ่ได้​เข้า เป๋น​คน​บ่มี​วัฒนธรรม​กาว่า​คน​เป๋น​ป่าเถื่อน เป๋น​ขี้ข้า​กาว่า​บ่ใจ้ สิ่ง​หมู่​นี้​บ่สำคัญ​ใน​สายต๋า​ของ​พระเจ้า ตี้​สำคัญ​คือ​พระคริสต์​อยู่​ใน​จีวิต​กู้​คน​ตี้​เจื้อ

1 ทิโมธี 2:5

ก็​เป๋น​จาอั้น ย้อน​ว่า​มี​พระเจ้า​องค์​เดียว​เต้าอั้น กับ​มี​คน​เดียว​ตี้​เป๋น​คน​ก๋าง​หละหว่าง​พระเจ้า​กับ​มนุษย์​เปื้อ​หื้อ​คืนดี​กั๋น คน​นั้น​คือ​พระเยซู​คริสต์

วิวรณ์ 17:14

หมู่​เขา​จะ​ฮบ​กับ​ลูก​แกะ​ตั๋ว​นั้น แต่​ลูก​แกะ​จะ​มี​ชัย​เหนือ​หมู่​เขา ย้อน​พระองค์​เป๋น​องค์​พระผู้เป๋นเจ้า​เหนือ​เจ้า​ตังหลาย กับ​เป๋น​กษัตริย์​เหนือ​กษัตริย์​ตังหลาย คน​ตี้​อยู่​กับ​พระองค์​นั้น คือ​คน​ตี้​พระองค์​ฮ้อง​กับ​เลือก ย้อน​หมู่​เขา​นั้น​ซื่อสัตย์”

วิวรณ์ 19:16

มี​จื้อ​เขียน​อยู่​ตี้​เสื้อ​คุม​กับ​ตี้​เก๊า​ขา​ของ​พระองค์​ว่า “พระองค์​เป๋น​องค์​พระผู้เป๋นเจ้า​เหนือ​เจ้านาย​ตังหลาย กับ​เป๋น​กษัตริย์​เหนือ​กษัตริย์​ตังหลาย”