วิวรณ์ 16:19 - พระคริสตธรรมคัมภีร ภาคพันธสัญญาใหม

¹⁹ เมือง​ใหญ่​นั้น​ถูก​แบ่ง​ออก​เป๋น​สาม​ส่วน บ้าน​เมือง​ของ​จ้าด​ตังหลาย​ก็​ถูก​ทำลาย​ลง พระเจ้า​บ่ลืม​ลง​โต้ษ​เมือง​บาบิโลน​ตี้​ยิ่งใหญ่​ตวย พระองค์​หื้อ​นาง​กิ๋น​จาก​ถ้วย​ตี้​ใส่​เหล้า​องุ่น​แห่ง​ความ​โขด​แค้น​ของ​พระองค์

วิวรณ์ 16:19 ပူးပေါင်းရင်းမြစ်များ

วิวรณ์ 11:8

ศพ​ของ​เขา​ตึง​สอง​จะ​นอน​ก๋อง​อยู่​บน​ถนน​ใน​เมือง​อัน​ยิ่งใหญ่ เป๋น​เมือง​ตี้​องค์​พระ​ผู้​เป๋น​เจ้า​ของ​หมู่​เขา​ได้​ถูก​เขิง​บน​ไม้​ก๋าง​เขน​เหมือน​กั๋น เซิ่ง​ได้​จื้อ​เป๋น​กำ​เผียบ​ว่า โสโดม​กับ​อียิปต์

วิวรณ์ 17:1

ทูตสวรรค์​องค์​นึ่ง​จาก​เจ็ด​องค์​ตี้​ก๋ำ​สลุง​เจ็ด​ใบ​นั้น เข้า​มา​อู้​กับ​ข้าพเจ้า​ว่า “มา​เพ้​กำ​ลอ มา​ผ่อ​ก๋าน​ลงโต้ษ​ตี้​ก่ำลัง​จะ​เกิด​ขึ้น​กับ​แม่ญิง​ขายตั๋ว​ตี้​มี​จื้อ​เสียง​โด่ง​ดัง ตี้​นั่ง​อยู่​บน​แม่น้ำ​หลาย​สาย

วิวรณ์ 17:18

ส่วน​แม่ญิง​ตี้​เจ้า​หัน​นั้น คือ​เมือง​ใหญ่​ตี้​ปกครอง​เหนือ​กษัตริย์​ตังหลาย​บน​โลก​นี้​”

วิวรณ์ 17:5

บน​หน้าผาก​ของ​นาง​มี​จื้อ​เขียน​ไว้ เซิ่ง​มี​ความ​หมาย​เลิ็กลับ​ว่า “เมือง​บาบิโลน​ตี้​ยิ่ง​ใหญ่ แม่​ของ​หมู่​แม่ญิง​ขายตั๋ว กับ​แม่​ของ​สิ่ง​ตี้​น่า​ขี้จ๊ะ​ตึง​หมด​บน​โลก”

วิวรณ์ 18:10

หมู่​เขา​จะ​ยืน​อยู่​ห่างๆ เมือง​นั้น ย้อน​กั๋ว​เจ็บปวด​ทรมาน​ไป​ตวย หมู่​เขา​จะ​อู้​ว่า ‘ฉิบหาย ฉิบหาย​แต๊ๆ สำหรับ​เมือง​ตี้​ยิ่ง​ใหญ่ บาบิโลน​เมือง​ตี้​เต๋ม​ไป​ด้วย​อำนาจ ย้อน​ก๋าน​ตัดสิน​ลงโต้ษ​ของ​เจ้า​นั้น​มา​เถิง​เจ้า​ภายใน​จั้วโมง​เดียว’

วิวรณ์ 18:2

เขา​เอิ้น​เสียง​ดัง​ว่า “เมือง​บาบิโลน​อัน​ยิ่งใหญ่ หล้มจ๋ม​แล้ว ได้​หล้มจ๋ม​แล้ว ก๋าย​เป๋น​ตี้​อยู่​ของ​ผี​ปี๋ศาจ​กับ​ผี​ฮ้าย​กู้​ตั๋ว เมือง​นั้น​ได้​ก๋าย​เป๋น​ตี้​อยู่​ของ​นก​กู้​ตั๋ว​ตี้​บ่สะอาด (​กับ​เป๋น​ตี้​อยู่​ของ​สัตว์​ฮ้าย​กู้​ตั๋ว​ตี้​บ่สะอาด) กับ​น่า​ขี้จ๊ะ

วิวรณ์ 18:21

จาก​นั้น​ทูตสวรรค์​ตี้​มี​ฤทธิ์​องค์​นึ่ง ได้​ยก​หิน​ก้อน​นึ่ง​ขนาด​ใหญ่​เต้า​กับ​บ่าหิน​โม่​แป้ง​อัน​ใหญ่​โจ้ง​ลง​ไป​ใน​ทะเล แล้ว​อู้​ว่า “เมือง​บาบิโลน​อัน​ยิ่ง​ใหญ่ เจ้า​จะ​ถูก​โจ้ง​ลง​มา​แฮง​จาอี้ แล้ว​จะ​บ่มี​ใผ​หัน​เจ้า​แหม​เลย

วิวรณ์ 18:5

ย้อน​ความ​บาป​ของ​เมือง​นั้น​ก๋อง​สูง​เถิง​สวรรค์ แล้ว​พระเจ้า​บ่เกย​ลืม​ก๋าน​ใจ๊​จีวิต​ตี้​บ่ดี​ของ​เขา