วิวรณ์ 14:14 - พระคริสตธรรมคัมภีร ภาคพันธสัญญาใหม

¹⁴ แล้ว​ข้าพเจ้า​ก็​ผ่อ​ไป​หัน​เมฆ​สี​ขาว กับ​มี​ผู้​นึ่ง​ผ่อ​เหมือน​กับ​บุตรมนุษย์​นั่ง​อยู่​บน​เมฆ​นั้น บน​หัว​มี​มงกุฎ​คำ ใน​มือ​ก๋ำ​เคียว​ตี้​คม​ขนาด

วิวรณ์ 14:14 ပူးပေါင်းရင်းမြစ်များ

มัทธิว 13:30

ป่อย​หื้อ​ตึง​สอง​ใหญ่​งาม​ไป​ตวย​กั๋น​ก่อน จ๋น​เถิง​หน้า​เกี่ยว​ก็​ได้ แล้ว​เฮา​จะ​สั่ง​หื้อ​คน​งาน​เกี่ยว​หญ้า​ข้าวนก​ออก​ก่อน มัด​เป๋น​หลุ้นๆ เอา​ไป​เผา​ไฟ​เหีย แล้ว​ปิ๊ก​มา​เกี่ยว​ข้าว​เจื๊อ​ดี​นั้น​เอา​ไป​เก็บ​ไว้​ใน​หลองข้าว​ของ​เฮา’ ”

มัทธิว 17:5

เปโตร​อู้​ลิ้น​ยัง​บ่ตัน​เข้า​ปาก ก็​มี​เมฆ​สว่าง​แจ้ง​หลึ้ง​มา​หุ้ม​หมู่​เขา​ไว้ แล้ว​มี​เสียง​ออก​มา​จาก​เมฆ​ว่า “ต้าน​ผู้​นี้​เป๋น​ลูก​ตี้​เฮา​ฮัก เฮา​ปอใจ๋​ต้าน​นัก​ขนาด​เน่อ หื้อ​เจื้อฟัง​ต้าน​เต๊อะ”

มาระโก 4:29

เมื่อ​ข้าว​แก่​ได้​ตี้ สมควร​ดี​เกี่ยว​แล้ว เขา​ก็​ไป​เกี่ยว​เก็บ​มา​ไว้​กิ๋น ย้อน​ว่า​เถิง​ยาม​เกี่ยว​ข้าว​แล้ว”

ลูก๋า 21:27

เวลา​นั้น​คน​ตังหลาย​จะ​หัน​บุตรมนุษย์​ลง​มา​บน​เมฆ​ด้วย​ฤทธิ์​อำนาจ​กับ​รัศมี​อัน​ยิ่งใหญ่

ฮีบรู 2:9

แต่​เฮา​หัน​ว่า​พระเยซู​ผู้​ตี้​พระเจ้า​เยียะ​หื้อ​ต่ำ​เหลือ​หมู่​ทูตสวรรค์​หน้อย​นึ่ง​นั้น บ่าเดี่ยวนี้​ก็​ได้​ฮับ​เกียรติ​กับ​กำ​สรรเสริญ​แล้ว ย้อน​ว่า​พระองค์​ได้​ยอม​ฮับ​ความ​เจ็บปวด​จ๋น​ต๋าย ตี้​เป๋น​จาอี้​ก็​โดย​พระคุณ​ของ​พระเจ้า พระเยซู​เถิง​ได้​ต๋าย​เปื้อ​เฮา​กู้​คน

วิวรณ์ 1:13

ต้ามก๋าง​ขา​ตั้ง​โกมไฟ​หมู่​นั้น ข้าพเจ้า​หัน​คน​นึ่ง​เซิ่ง​ผ่อ​เหมือน​กับ​บุตรมนุษย์ นุ่ง​เสื้อ​คุม​ยาว​จ๋น​เถิง​ตี๋น​กับ​มี​สาย​สะปาย​คำ​ตี้​อก

วิวรณ์ 1:7

ผ่อ​เต๊อะ พระเยซู​ก่ำลัง​จะ​มา​ใน​หมู่​เมฆ กู้​คน​จะ​หัน​พระองค์ แม้แต่​คน​ตี้​แตง​พระองค์ กู้​เผ่าพันธุ์​ใน​โลก​จะ​โศกเศร้า​ย้อน​พระองค์ จะ​เป๋น​ต๋าม​นั้น​อย่าง​แน่นอน อาเมน

วิวรณ์ 10:1

ข้าพเจ้า​ได้​หัน​ทูตสวรรค์​ตี้​มี​ฤทธิ์​นัก​ขนาด​แหม​องค์​นึ่ง​ลง​มา​จาก​สวรรค์ มี​เมฆ​หุ้ม​ตั๋ว​กับ​มี​ฮุ้ง​อยู่​รอบ​หัว ใบ​หน้า​เหมือน​ตะวัน กับ​มี​ขา​เป๋น​เหมือน​เสา​ต้น​ใหญ่ ตี้​เต๋ม​ไป​ด้วย​เปล๋วไฟ

วิวรณ์ 11:17

กับ​อู้​ว่า “ข้าพเจ้า​ตังหลาย​ขอบคุณ​พระองค์ องค์​พระ​ผู้​เป๋น​เจ้า พระเจ้า​ผู้​มี​ฤทธิ์​อำนาจ​สูงสุด ผู้​ตี้​เป๋น​อยู่​ใน​บ่าเดี่ยวนี้​กับ​ใน​อดีต ย้อน​ว่า​พระองค์​ได้​ใจ๊​อำนาจ​อัน​ยิ่ง​ใหญ่​ของ​พระองค์​แล้ว กับ​ได้​ตั้งเก๊า​ปกครอง​แผ่นดิน​โลก

วิวรณ์ 19:12

ต๋า​ของ​พระองค์​นั้น ผ่อ​เหมือน​เปล๋วไฟ มี​มงกุฎ​อยู่​หลาย​อัน​บน​หัว​ของ​พระองค์ มี​จื้อ​เขียน​ไว้​บน​ตั๋ว​ของ​พระองค์ บ่มี​ใผ​ฮู้​จื้อ​นั้น​นอก​จาก​พระองค์​เต้าอั้น

วิวรณ์ 20:11

แล้ว​ข้าพเจ้า​หัน​บัลลังก์​ใหญ่​สี​ขาว​กับ​พระเจ้า​ผู้​ตี้​นั่ง​อยู่​บน​บัลลังก์​นั้น เมื่อ​พระองค์​มา​ป๋ากฏ แผ่นดิน​โลก​กับ​สวรรค์​ก็​หาย​ไป​บ่เหลือ​ฮอย​หื้อ​ใผ​หัน​แหม​เลย

วิวรณ์ 6:2

ข้าพเจ้า​หัน​ม้า​ขาว​ตั๋ว​นึ่ง​อยู่​ตั๊ดหน้า ผู้​ตี้​ขี่​ม้า​ตั๋ว​นั้น​ก๋ำ​กันธนู กับ​ได้ฮับ​มงกุฎ แล้ว​ก็​ขี่​ม้า​ออก​ไป​อย่าง​ผู้​มี​ชัย เปื้อ​จะ​ไป​เอา​ชัย​แหม​เตื้อ