มาระโก 6:20 - พระคริสตธรรมคัมภีร ภาคพันธสัญญาใหม

²⁰ ย้อน​พระองค์​กั๋ว​ยอห์น ต้าน​ฮู้​ว่า​ยอห์น​เป๋น​คน​ถูกต้อง​ต๋าม​ธรรม​ตึง​เป๋น​คน​บริสุทธิ์ ก็​เลย​ปกป้อง​ยอห์น​ไว้ กู้​เตื้อ​ตี้​กษัตริย์​เฮโรด​ฟัง​ยอห์น​สอน​ก็​บ่ม่วนใจ๋ แต่​ก็​ยัง​ใค่​ฟัง​อยู่

มาระโก 6:20 ပူးပေါင်းရင်းမြစ်များ

มัทธิว 14:5

เยียะ​หื้อ​เฮโรด​ใค่​ฆ่า​ยอห์น แต่​ก็​กั๋ว​จาว​เมือง​ตังหลาย​ตี้​นับถือ​ยอห์น​ว่า​เป๋น​ผู้​เป๋น​ปาก​เป๋น​เสียง​แตน​พระเจ้า

มัทธิว 21:26

แต่​ถ้า​หมู่​เฮา​จะ​ว่า ‘มา​จาก​คน’ ก็​กั๋ว​คน​ตังหลาย​จะ​โขด ย้อน​ว่า​คน​ตังหลาย​ปา​กั๋น​เจื้อ​ว่า​ยอห์น​เป๋น​ผู้​เป๋น​ปาก​เป๋น​เสียง​แตน​พระเจ้า”

มาระโก 11:18

เมื่อ​หมู่​หัวหน้า​ปุโรหิต​กับ​หมู่​ธรรมาจ๋ารย์​ฮู้​หัน​จาอั้น หมู่​เขา​ก็​กั๋ว​พระองค์ ก็​เลย​เปิ็กษา​หารือ​กั๋น​เปื้อ​หา​ตาง​ตี้​จะ​ฆ่า​พระองค์​เหีย ย้อน​ว่า​คน​ตังหลาย​ตี้​ได้​ฟัง​กำ​สอน​ของ​พระเยซู​ก็​งืด

มาระโก 4:16

ส่วน​เม็ด​ตี้​ตก​ลง​ดิน​ตี้​ปื๊น​ตัง​ลุ่ม​เป๋น​บ่าหิน​เต๋ม​ไป​หมด ก็​เหมือน​คน​ตี้​ได้​ฟัง​ถ้อยกำ แล้ว​ก็​ฮับ​ถ้อยกำ​นั้น​ไว้​บ่า​เดี่ยว​นั้น​เลย​อย่าง​จื้นจม​ยินดี

ยอห์น 5:35

ยอห์น​เป๋น​เหมือน​โกม​ไฟ​ตี้​ต๋าม​ส่อง​แสง หมู่​ต้าน​ปอใจ๋​ตี้​จะ​ฮับ​แสง​ของ​ยอห์น แล้ว​จื้นจม​ยินดี​กับ​แสง​นั้น​ได้​กำ​นึ่ง

กิจก๋าน 2:12

คน​หมู่​นั้น​ก็​ปา​กั๋น​งืด​ขำอก​ขำใจ๋​อธิบาย​บ่ได้ จึง​เหลียว​มา​ถาม​กั๋น​ว่า “อะหยัง​กั๋น​ปะล้ำ​ปะเหลือ​นี่”

กิจก๋าน 5:24

เมื่อ​นายทหาร​ฮักษา​พระวิหาร​ตึง​หมู่​หัวหน้า​ปุโรหิต​ได้ยิน​จาอั้น ก็​งืด​อิกขะหลิก​ใจ๋​ว่า​จะ​มี​อะหยัง​เกิด​ขึ้น​แหม​ต่อไป