มาระโก 6:2 - พระคริสตธรรมคัมภีร ภาคพันธสัญญาใหม

² เมื่อ​เถิง​วัน​สะบาโต พระองค์​ก็​ตั้งเก๊า​สั่ง​สอน​ใน​ธรรมศาลา​ของ​จาว​ยิว มี​คน​นัก​ขนาด​ฟัง​แล้ว​งืด​ใน​กำสอน​ของ​พระองค์ ก็​อู้​กั๋น​ว่า “เขา​ไป​เอา​กำกึ๊ด​จาอี้​ตี้​ไหน​มา ผญา​ปั๋ญญา​ตี้​คน​นี้​ได้​มา​เป๋น​จาใด ตึง​ก๋าน​อัศจ๋รรย์​ต่างๆ ก็​ยัง​เยียะ​ได้​ตวย

มาระโก 6:2 ပူးပေါင်းရင်းမြစ်များ

มัทธิว 4:23

พระเยซู​เตียวตาง​ไป​ใคว่​แคว้น​กาลิลี เปื้อ​เตสนา​สั่ง​สอน​ใน​ธรรมศาลา​ของ​จาว​ยิว กับ​บอก​ข่าวดี​เรื่อง​แผ่นดิน​ของ​พระเจ้า​หื้อ​คน​ฮู้ ป๋าย​บ่ปอ​ยัง​ฮักษา​คน​เป๋น​พยาธิ​ต่างๆ หื้อ​หาย​ตวย

มัทธิว 7:28

เมื่อ​พระเยซู​อู้​กำ​เผียบ​หมู่​นี้​จบ​แล้ว จาว​บ้าน​จาว​เมือง​ตังหลาย​ก็​ปา​กั๋น​งืด​ใน​กำสอน​ของ​พระองค์

มาระโก 1:39

พระองค์​ก็​เตียว​ตาง​ไป​ใคว่​แคว้น​กาลิลี เตสนา​สั่ง​สอน​ต๋าม​ธรรมศาลา​ของ​จาว​ยิว แล้ว​ขับ​ไล่​ผี​แหม​หลาย​ตั๋ว​ออก​ไป​จาก​หลาย​คน​ตวย

มาระโก 10:1

แล้ว​พระเยซู​ออก​จาก​เมือง​คาเปอรนาอุม​เข้า​ไป​แคว้น​ยูเดีย​ตี้​อยู่​แหม​เผิก​นึ่ง ของ​แม่น้ำ​จอร์แดน มี​คน​ปา​กั๋น​มา​หา​พระองค์ พระองค์​ก็​สั่ง​สอน​หมู่​เขา​เหมือน​อย่าง​ตี้​เกย​สอน​มา​ก่อน​นั้น

ลูก๋า 2:47

คน​ตังหลาย​ตี้​ได้ยิน​พระองค์​อู้ ก็​ปา​กั๋น​งืด​ใน​สติ​ปั๋ญญา​กับ​กำตอบ​ของ​พระองค์

ลูก๋า 4:15

พระองค์​สั่ง​สอน​ใน​ธรรมศาลา​ของ​จาว​ยิว คน​ตังหลาย​ก็​ปา​กั๋น​ยกย่อง​พระองค์

ยอห์น 6:42

และ​หมู่​จาว​ยิว​ก็​อู้​กั๋น​แหม​ว่า “นี่​เยซู ลูกบ่าว​โยเซฟ​บ่ใจ้​กา ป้อ​แม่​ของ​เขา​เฮา​ก็​ฮู้จัก แล้ว​เขา​อู้​ได้​จาใด​ว่า ‘เฮา​ลง​มา​จาก​สวรรค์’ ”

ยอห์น 7:15

เมื่อ​หมู่​ผู้นำ​จาว​ยิว​ได้​ยิน​กำสอน​ของ​พระองค์​ก็​งืด แล้ว​ว่า “ป้อจาย​คน​นี้​บ่ได้​เฮียน​มา แล้ว​จาใด​เขา​ฮู้​นัก​แต๊ะ”