มาระโก 13:26 - พระคริสตธรรมคัมภีร ภาคพันธสัญญาใหม

²⁶ “แล้ว​คน​ตังหลาย​จะ​หัน​บุตรมนุษย์​ลง​มา​บน​เมฆ​ด้วย​ฤทธิ์​อำนาจ​อัน​ยิ่งใหญ่​กับ​รัศมี

มาระโก 13:26 ပူးပေါင်းရင်းမြစ်များ

มัทธิว 16:17

พระเยซู​ตอบ​ว่า “ซีโมน ลูก​ของ​โยนาห์​เหย ต้าน​ได้​ฮับ​ปอน​แต๊ๆ ย้อน​ว่า​เรื่อง​นี้​พระบิดา​ของ​เฮา​ตี้​อยู่​ใน​สวรรค์ เป๋น​ผู้​เปิดเผย​หื้อ​ต้าน​ฮู้ บ่ใจ้​คน​บอก​หื้อ​เน่อ

มัทธิว 16:27

แต่​บุตรมนุษย์​จะ​ปิ๊ก​มา​ด้วย​รัศมี​ของ​พระบิดา​พร้อม​กับ​ทูตสวรรค์​ของ​พระองค์ แล้ว​บุตรมนุษย์​จะ​มา​ตัดสิน​กู้​คน​ต๋าม​ตี้​แต่​ละ​คน​ได้​เยียะ​เอา​ไว้

มัทธิว 16:28

เฮา​บอก​ความ​จริง​แก่​ต้าน​ตังหลาย​ว่า หมู่​ต้าน​บาง​คน​ตี้​ยืน​อยู่​ตี้​นี่​จะ​ยัง​บ่ต๋าย​เตื้อ จ๋น​กว่า​จะ​ได้​หัน​บุตรมนุษย์​เข้า​มา​อย่าง​กษัตริย์​ตี้​ยิ่งใหญ่”

มัทธิว 24:30

“ใน​เวลา​นั้น​จะ​มี​หมายสำคัญ​บน​ต๊องฟ้า​บอก​หื้อ​ฮู้​ว่า บุตรมนุษย์​ก่ำลัง​ปิ๊ก​มา คน​ตังหลาย​หมด​ตึง​โลก​จะ​ไห้​สนั่น​ปั่น​ปื๊น หมู่​เขา​จะ​หัน​บุตรมนุษย์​ลง​มา​บน​เมฆ​ใน​ต๊องฟ้า​ด้วย​ฤทธิ์​อำนาจ​กับ​รัศมี​อัน​ยิ่งใหญ่

มัทธิว 25:31

“เมื่อ​บุตรมนุษย์​จะ​ปิ๊ก​มา​โดย​รัศมี​อัน​ยิ่งใหญ่​ฮ่วม​กับ​หมู่​ทูตสวรรค์ พระองค์​จะ​นั่ง​บน​บัลลังก์​ตี้​เต๋ม​ไป​ด้วย​รัศมี​ตี้​มา​จาก​สวรรค์

มาระโก 14:62

พระเยซู​ก็​ตอบ​ว่า “แม่น​แล้ว เฮา​เป๋น แล้ว​ต้าน​ตังหลาย​จะ​ได้​หัน​บุตรมนุษย์​นั่ง​ตัง​เผิก​ขวา​ของ​พระเจ้า​ผู้​มี​ฤทธิ์​อำนาจ กับ​จะ​ลง​มา​บน​เมฆ​ใน​ฟ้า​สวรรค์”

มาระโก 8:38

ใน​ยุค​นี้​ตี้​มี​คน​บาป​เป๋น​คน​บ่ซื่อสัตย์​ต่อ​พระเจ้า ถ้า​คน​ใด​อาย​ย้อน​ติดต๋าม​เฮา​กับ​กำสอน​ของ​เฮา เฮา​ผู้​เป๋น​บุตรมนุษย์​ก็​จะ​อาย​คน​นั้น​ตวย​เมื่อ​เฮา​ปิ๊ก​มา​ใน​โลก​ด้วย​รัศมี​ของ​พระบิดา​ฮ่วม​กับ​หมู่​ทูตสวรรค์​บริสุทธิ์”

มาระโก 9:1

พระเยซู​อู้​กับ​หมู่​เขา​แหม​ว่า “เฮา​บอก​ความ​จริง​แก่​ต้าน​ตังหลาย​ว่า หมู่​ต้าน​บาง​คน​ตี้​ยืน​อยู่​ตี้​นี่ จะ​ยัง​บ่ต๋าย​เตื้อ​จ๋น​กว่า​จะ​ได้​หัน​แผ่นดิน​ของ​พระเจ้า​มา​ด้วย​ฤทธิ์​เดช”

ลูก๋า 21:27

เวลา​นั้น​คน​ตังหลาย​จะ​หัน​บุตรมนุษย์​ลง​มา​บน​เมฆ​ด้วย​ฤทธิ์​อำนาจ​กับ​รัศมี​อัน​ยิ่งใหญ่

กิจก๋าน 1:11

แล้ว​อู้​กับ​หมู่​เขา​ว่า “จาว​กาลิลี​เหย หมู่​ต้าน​ยืน​ปักต๋าผ่อ​ต๊องฟ้า​อยู่​เยียะ​หยัง พระเจ้า​ฮับ​พระเยซู​องค์​นี้​ขึ้น​ไป​บน​สวรรค์​แล้ว พระองค์​จะ​ปิ๊ก​มา​แหม​เตื้อ​นึ่ง​เหมือน​ตี้​หมู่​ต้าน​หัน​พระองค์​ขึ้น​ไป​นั้น”

1 เธสะโลนิก๋า 4:16

คือ​ว่า​พระเยซู​จะ​ปิ๊ก​มา​จาก​สวรรค์ โดย​มี​กำสั่ง​เอิ้น​เสียง​ดัง​ไป​ตวย มี​เสียง​ของ​หัวหน้า​ทูตสวรรค์​ไป​ตวย กับ​มี​เสียง​เป่า​แก​ของ​พระเจ้า แล้ว​หมู่​คน​ตี้​เจื้อ​พระเยซู​ตี้​ต๋าย​ไป​แล้ว​จะ​เป๋น​ขึ้น​มา​ก่อน

2 เปโตร 1:16

เมื่อ​หมู่​เฮา​บอก​ว่า​พระเยซู​คริสต์​องค์​พระผู้เป๋นเจ้า​ของ​เฮา​จะ​ปิ๊ก​มา​โดย​ฤทธิ์​อำนาจ​นั้น หมู่​เฮา​บ่ได้​เล่า​นิยาย​สายเจี้ย​ตี้​คน​แต่ง​ขึ้น​มา​อย่าง​ดี​เน่อ แต่​หมู่​เฮา​ได้​หัน​ความ​ยิ่งใหญ่​ของ​พระองค์​กับ​ต๋า​ตั๋ว​เก่า

วิวรณ์ 1:7

ผ่อ​เต๊อะ พระเยซู​ก่ำลัง​จะ​มา​ใน​หมู่​เมฆ กู้​คน​จะ​หัน​พระองค์ แม้แต่​คน​ตี้​แตง​พระองค์ กู้​เผ่าพันธุ์​ใน​โลก​จะ​โศกเศร้า​ย้อน​พระองค์ จะ​เป๋น​ต๋าม​นั้น​อย่าง​แน่นอน อาเมน