มัทธิว 9:23 - พระคริสตธรรมคัมภีร ภาคพันธสัญญาใหม

²³ เมื่อ​พระเยซู​เตียว​มา​แผว​เฮือน​ของ​นาย​ธรรมศาลา ก็​หัน​หมู่​คน​ปา​กั๋น​เป่า​ปี่​เป่า​แน​เล่น​เพลง​งาน​ศพ กับ​คน​จ๋ำนวน​นัก​เยียะ​เสียง​ดัง​วุ่น​วะ​วุ่น​วาย

มัทธิว 9:23 ပူးပေါင်းရင်းမြစ်များ

มัทธิว 11:17

‘หมู่​เปิ้น​เป่า​ปี่​เป่า​แน​หื้อ​ฟัง​แล้ว หมู่​ตั๋ว​ก็​บ่เต้น​บ่ฟ้อน​ตวย หมู่​เปิ้น​ปา​กั๋น​ฮ้อง​เพลง​สำหรับ​งาน​ศพ​หื้อ​ฟัง หมู่​ตั๋ว​ก็​บ่แป๋ง​หน้า​หมอง​ต๋อง​เศร้า​ตวย’

ลูก๋า 7:32

ก็​เผียบ​เหมือน​กับ​หละอ่อน​นั่ง​เล่น​อยู่​ก๋าง​กาด​ก๋าง​ลี เอิ้น​ฮ้อง​ใส่​กั๋น​ว่า ‘หมู่​เปิ้น​เป่า​ปี่​เป่า​แน​หื้อ​ฟัง​แล้ว หมู่​ตั๋ว​ก็​บ่เต้น​บ่ฟ้อน​ตวย หมู่​เปิ้น​ปา​กั๋น​ฮ้อง​เพลง สำหรับ​งาน​ศพ​หื้อ​ฟัง หมู่​ตั๋ว​ก็​บ่ไห้​บ่หุย​ตวย’

กิจก๋าน 20:10

เปาโล​จึง​ลง​ไป​หา แล้ว​อุ้ม​ป้อจาย​หนุ่ม​คน​นั้น​ขึ้น แล้ว​อู้​กับ​คน​ตังหลาย​ว่า “บ่ถ้า​ฮ้อนอก​ตกใจ๋​เน่อ เขา​ยัง​มี​จีวิต​อยู่”

กิจก๋าน 9:39

เปโตร​จึง​ตวย​สอง​คน​นั้น​ไป เมื่อ​ไป​แผว หมู่​เขา​ก็​ปา​เปโตร​ขึ้น​ไป​ตี้​ห้อง​จั๊น​บน หมู่​แม่​หม้าย​ยืน​ไห้​สนั่น​ปั่น​ปื๊น​แวด​เปโตร กับ​จี๊​หื้อ​เปโตร​ผ่อ​เสื้อผ้า​ต่างๆ ตี้​โดรคัส​หยิบ​ไว้​ต๋อน​ยัง​มี​จีวิต​อยู่

วิวรณ์ 18:22

จะ​บ่มี​เสียง​เพลง​จาก​นัก​ดีด​พิณ นัก​ดนตรี นัก​เป่า​ขลุ่ย กับ​นัก​เป่า​แก​ใน​เจ้า​แหม​เลย จะ​บ่หัน​หมู่​จั้ง​ฝีมือ​ใน​ด้าน​ใดๆ ใน​เจ้า​แหม จะ​บ่ได้ยิน​เสียง​โม่​แป้ง​ใน​เจ้า​แหม​เลย