มัทธิว 8:20 - พระคริสตธรรมคัมภีร ภาคพันธสัญญาใหม

²⁰ พระเยซู​บอก​เขา​ว่า “หมาไน​ยัง​มี​ฮู​อยู่ นก​ใน​อากาศ​ยัง​มี​ฮัง​นอน แต่​เฮา​ผู้​เป๋น​บุตรมนุษย์​ยัง​บ่มี​ตี้​จะ​ซุก​หัว​นอน”

มัทธิว 8:20 ပူးပေါင်းရင်းမြစ်များ

มัทธิว 12:32

พระเจ้า​ยัง​จะ​ยกโต้ษ​หื้อ​กับ​คน​ตี้​ด่า​บุตรมนุษย์​ได้ แต่​จะ​ยกโต้ษ​หื้อ​คน​ตี้​ด่า​พระวิญญาณ​บริสุทธิ์​ตึง​บ่ได้ บ่ว่า​บ่าเดี่ยว​นี้​กาว่า​ตลอด​ผด​ไป​แผว​ยุค​หน้า”

มัทธิว 12:40

คือ​โยนาห์​อยู่​ใน​ต๊อง​ป๋า​ตั๋ว​ใหญ่​เถิง​สาม​วัน​สาม​คืน​จาใด บุตรมนุษย์​ก็​จะ​อยู่​ใต้​ผืน​แผ่นดิน​โลก​เป๋น​เวลา​สาม​วัน​สาม​คืน​จาอั้น​เหมือน​กั๋น

มัทธิว 12:8

ย้อน​ว่า​บุตรมนุษย์​เป๋น​เจ้า​เป๋น​นาย​เหนือ​วัน​สะบาโต”

มัทธิว 13:37

พระเยซู​ตอบ​ว่า “คน​ตี้​หว่าน​ข้าว​เจื๊อ​ดี​นั้น​คือ​บุตรมนุษย์

มัทธิว 16:13

เมื่อ​พระเยซู​มา​เถิง​แคว้น​ซีซารียา ฟีลิปปี พระองค์​ถาม​หมู่​สาวก​ของ​พระองค์​ว่า “คน​ตังหลาย​อู้​กั๋น​ว่า​บุตรมนุษย์​เป๋น​ใผ​กา”

มัทธิว 16:27

แต่​บุตรมนุษย์​จะ​ปิ๊ก​มา​ด้วย​รัศมี​ของ​พระบิดา​พร้อม​กับ​ทูตสวรรค์​ของ​พระองค์ แล้ว​บุตรมนุษย์​จะ​มา​ตัดสิน​กู้​คน​ต๋าม​ตี้​แต่​ละ​คน​ได้​เยียะ​เอา​ไว้

มัทธิว 17:9

ต๋อน​ตี้​ปา​กั๋น​เตียว​ลง​มา​จาก​ดอย​นั้น พระองค์​สั่ง​หมู่​เขา​ว่า “ห้าม​บอก​หื้อ​ใผ​ฮู้​เน่อ​ว่า หมู่​ต้าน​ได้​หัน​อะหยัง​มา​แล้ว​พ่อง​จ๋น​กว่า​บุตรมนุษย์​จะ​เป๋น​ขึ้น​จาก​ความ​ต๋าย​เหีย​ก่อน”

มัทธิว 19:28

พระเยซู​ตอบ​ว่า “เฮา​บอก​ความ​จริง​แก่​ต้าน​ตังหลาย​ว่า ใน​ยุค​ใหม่ บุตรมนุษย์​จะ​นั่ง​บน​บัลลังก์​อัน​ยิ่งใหญ่ แล้ว​ต้าน​ตังหลาย​ตี้​ได้​ตวย​เฮา ก็​จะ​ได้​นั่ง​บน​บัลลังก์​สิบ​สอง​ตี้ เปื้อ​ตัดสิน​สิบ​สอง​ผะกุ๋น​ของ​คน​อิสราเอล

มาระโก 8:38

ใน​ยุค​นี้​ตี้​มี​คน​บาป​เป๋น​คน​บ่ซื่อสัตย์​ต่อ​พระเจ้า ถ้า​คน​ใด​อาย​ย้อน​ติดต๋าม​เฮา​กับ​กำสอน​ของ​เฮา เฮา​ผู้​เป๋น​บุตรมนุษย์​ก็​จะ​อาย​คน​นั้น​ตวย​เมื่อ​เฮา​ปิ๊ก​มา​ใน​โลก​ด้วย​รัศมี​ของ​พระบิดา​ฮ่วม​กับ​หมู่​ทูตสวรรค์​บริสุทธิ์”

ลูก๋า 12:8

“เฮา​บอก​หมู่​ต้าน​ว่า คน​ใด​ตี้​ยอมฮับ​เฮา​ต่อหน้า​คน​ใน​โลก​นี้ บุตรมนุษย์​ก็​จะ​ยอมฮับ​เขา​ต่อหน้า​หมู่​ทูตสวรรค์​ของ​พระเจ้า

ลูก๋า 18:8

เฮา​บอก​ต้าน​ตังหลาย​ว่า พระองค์​จะ​หื้อ​ความ​ยุติธรรม​กับ​หมู่​เขา​เวยๆ แต่​เมื่อ​เฮา​ผู้​เป๋น​บุตรมนุษย์​มา​แหม​เตื้อ เฮา​จะ​ปะ​คน​ตี้​เจื้อ​อยู่​สัก​กี่​คน​บ่ฮู้”

ลูก๋า 2:12

จะ​มี​อย่าง​นึ่ง​ตี้​เยียะ​หื้อ​ฮู้​ว่า​เป๋น​แต๊ คือ​หมู่​ต้าน​จะ​หัน​หละอ่อน​หน้อย​ปัน​ผ้าอ้อม​นอน​อยู่​ใน​ฮาง​หญ้า”

ลูก๋า 2:16

หมู่​เขา​ก็​ฟั่ง​ปา​กั๋น​ไป เมื่อ​ไป​แผว​ก็​ปะ​โยเซฟ​กับ​มารีย์ แล้ว​หัน​หละอ่อน​เกิด​ใหม่​นอน​อยู่​ใน​ฮาง​หญ้า

ลูก๋า 2:7

นาง​ก็​เกิด​ลูก​ป้อจาย​คน​เก๊า นาง​เอา​ผ้า​อ้อม​ปัน​ตั๋ว​หละอ่อน แล้ว​วาง​ไว้​ใน​ฮาง​หญ้า ย้อน​บ่มี​ตี้​พัก​ไหน​ว่าง​เลย

ลูก๋า 21:36

หื้อ​เฝ้า​หละวัง​อยู่​ตลอด​กับ​อธิษฐาน​ตึง​วัน เปื้อ​หมู่​ต้าน​จะ​มี​ก๋ำลัง​ตี้​จะ​ป๊น​จาก​เหตุก๋ารณ์​ตังมวล​ตี้​จะ​เกิด​ขึ้น แล้ว​จะ​ยืน​อยู่​ต่อหน้า​บุตรมนุษย์​ได้”

ลูก๋า 8:3

กับ​นาง​โยอันนา​เมีย​ของ​คูซา ป้อบ้าน​ของ​เจ้าเมือง​เฮโรด สุสันนา​กับ​แม่ญิง​แหม​หลาย​คน​ตี้​เกย​ถวาย​ของ​ส่วน​ตั๋ว​จ้วยเหลือ​พระองค์​กับ​สาวก​ของ​พระองค์

ลูก๋า 9:58

พระเยซู​บอก​เขา​ว่า “หมาไน​ยัง​มี​ฮู​อยู่ นก​ใน​อากาศ​ยัง​มี​ฮัง​นอน แต่​บุตรมนุษย์​บ่มี​ตี้​จะ​ซุก​หัว​นอน”

ยอห์น 1:51

พระองค์​ก็​อู้​ต่อ​แหม​ว่า “เฮา​จะ​บอก​ความ​จริง​แก่​ต้าน​ตังหลาย​ว่า หมู่​ต้าน​จะ​ได้​หัน​ต๊องฟ้า​เปิด​ออก​เป๋น​ฮ่อม กับ​จะ​หัน​ทูตสวรรค์​ของ​พระเจ้า​ขึ้นๆ ลงๆ อยู่​บน​บุตรมนุษย์”

ยอห์น 12:34

คน​ตังหลาย​ก็​อู้​ว่า “บท​บัญญัติ​บอก​หมู่​เฮา​ไว้​ว่า พระคริสต์​จะ​มี​จีวิต​ตลอด​ไป แล้ว​เยียะ​หยัง​ต้าน​อู้​ว่า ‘บุตรมนุษย์​จะ​ต้อง​ถูก​ยก​ขึ้น’ กับ ‘บุตรมนุษย์’ เป๋น​ใผ”

ยอห์น 13:31

หลังจาก​ตี้​ยูดาส​ออก​ไป​แล้ว พระเยซู​ก็​อู้​ว่า “เถิง​เวลา​แล้ว​ตี้​คน​จะ​ได้​หัน​เถิง​ความ​ยิ่งใหญ่​ของ​บุตรมนุษย์ แล้ว​พระเจ้า​จะ​ได้​ฮับ​เกียรติ​ผ่าน​ตาง​พระองค์​ตวย

ยอห์น 3:13

บ่มี​ใผ​เกย​ขึ้น​ไป​บน​สวรรค์ นอก​จาก​คน​ตี้​ลง​มา​จาก​สวรรค์​เต้าอั้น ก็​คือ บุตรมนุษย์

ยอห์น 3:14

เหมือน​ตี้​โมเสส​ได้​ยก​ไม้เต๊า ตี้​มี​งู​ตองแดง​ขึ้น​ใน​ดินแดน​ทุรกั๋นดาร​จาใด​บุตรมนุษย์​ก็​จะ​ต้อง​ถูก​ยก​ขึ้น​จาอั้น​เหมือน​กั๋น

ยอห์น 6:27

บ่ถ้า​เยียะ​ก๋าน​เปื้อ​ของกิ๋น​ตี้​เน่า​บูด​ได้ แต่​หื้อ​เยียะ​ก๋าน เปื้อ​ของ​กิ๋น​ตี้​อยู่​ได้​จ๋น​เถิง​จีวิต​นิรันดร์ บุตรมนุษย์​จะ​เป๋น​คน​หื้อ​ของกิ๋น​นั้น​กับ​หมู่​ต้าน ย้อน​ว่า​พระเจ้า​พระบิดา​หื้อ​สิทธิ​อำนาจ​กับ​บุตรมนุษย์​ตี้​จะ​เยียะ​จาอี้​ได้”

ยอห์น 6:53

พระเยซู​ก็​อู้​กับ​เขา​ว่า “เฮา​บอก​ความ​จริง​แก่​ต้าน​ตังหลาย​ว่า ถ้า​หมู่​ต้าน​บ่ได้​กิ๋น​เนื้อหนัง​และ​กิ๋น​เลือด​ของ​บุตรมนุษย์ ต้าน​ก็​บ่มี​จีวิต​นิรันดร์

ยอห์น 6:62

แล้ว​หมู่​ต้าน​จะ​ว่า​จาใด​ถ้า​หัน​บุตรมนุษย์​ขึ้น​ไป​บน​สวรรค์​ตี้​พระองค์​เกย​อยู่​มา​ก่อน​แล้ว

กิจก๋าน 7:56

แล้ว​สเทเฟน​อู้​ว่า “ผ่อ​หั้น​ลอ ข้าพเจ้า​หัน​สวรรค์​เปิด​ออก กับ​หัน​บุตรมนุษย์​ยืน​อยู่​ตัง​เผิก​ขวา​ของ​พระเจ้า”

2 โครินธ์ 8:9

ย้อน​หมู่​ต้าน​ฮู้จัก​พระคุณ​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​แล้ว​ว่า เถิงแม้​พระองค์​มั่งคั่ง แต่​ก็​ยอม​เป๋น​คน​ตุ๊ก ย้อน​หันแก่​หมู่​ต้าน เปื้อ​หมู่​ต้าน​จะ​ได้​เป๋น​คน​มั่งคั่ง​โดย​ตี้​พระองค์​ยอม​เป๋น​คน​ตุ๊ก​ยาก