มัทธิว 7:22 - พระคริสตธรรมคัมภีร ภาคพันธสัญญาใหม

²² เมื่อ​วัน​ตัดสิน​ลงโต้ษ​บาป​มา​แผว​นั้น ก็​จะ​มี​คน​เป๋น​จ๋ำนวน​นัก​อู้​กับ​เฮา​ว่า ‘องค์​พระผู้เป๋นเจ้า หมู่​ข้า​พระองค์​ตังหลาย​ได้​อ้าง​จื้อ​ของ​พระองค์​ต๋อน​ตี้​ก่ำลัง​เยียะ​หน้า​ตี้​เป๋น​ปาก​เป๋น​เสียง​แตน​พระองค์ กับ​ได้​อ้าง​จื้อ​ของ​พระองค์​ต๋อน​ไล่​ผี​ออก ตึง​ได้​ออก​จื้อ​ของ​พระองค์​ต๋อน​ตี้​เยียะ​ก๋าน​อัศจ๋รรย์​หลาย​อย่าง​บ่ใจ้​กา’

มัทธิว 7:22 ပူးပေါင်းရင်းမြစ်များ

มัทธิว 10:15

เฮา​บอก​ความ​จริง​แก่​เจ้า​ตังหลาย​ว่า ใน​วัน​ตัดสิน​ลงโต้ษ​บาป​นั้น​จาว​เมือง​โสโดม​กับ​เมือง​โกโมราห์​จะ​มี​โต้ษ​เบา​เหลือ​จาว​เมือง​นั้น​แหม

มัทธิว 24:36

“แต่​ว่า​วัน​นั้น​เวลา​นั้น​ตี้​สิ่ง​หมู่​นี้​จะ​เกิด​ขึ้น บ่มี​ใผ​ฮู้​สัก​คน หมู่​ทูตสวรรค์​ก็​บ่ฮู้ บุตร​ของ​พระเจ้า​ก็​บ่ฮู้ มี​ก้า​พระบิดา​องค์​เดียว​เต้าอั้น​ตี้​ฮู้

มัทธิว 25:11

“ต่อ​มา​เมื่อ​หมู่​แม่ญิง​ง่าว​ห้า​คน​ปิ๊ก​มา ก็​ปา​กั๋น​ฮ้อง​ว่า ‘ต้าน​เจ้าๆ จ้วย​ไข​ปะตู๋​หื้อ​เฮา​กำ​เต๊อะ’

มัทธิว 7:21

“บ่ใจ้​กู้​คน​ตี้​ฮ้อง​เฮา​ว่า ‘องค์​พระผู้เป๋นเจ้า’ แล้ว​จะ​ได้​เข้า​ใน​แผ่นดิน​สวรรค์ แต่​คน​ตี้​เยียะ​ตวย​ต๋าม​ความ​ต้องก๋าน​ของ​พระบิดา​ตี้​อยู่​ใน​สวรรค์​เต้าอั้น จะ​เข้า​ไป​ใน​แผ่นดิน​นั้น​ได้

ลูก๋า 10:12

เฮา​บอก​หมู่​เจ้า​ว่า โต้ษ​ของ​เมือง​โสโดม​ใน​วัน​ตี้​พระเจ้า​ตัดสิน​ลงโต้ษ​บาป ยัง​จะ​เบา​เหลือ​โต้ษ​ของ​เมือง​นั้น​แหม

ยอห์น 11:51

คายาฟาส​บ่ได้​อู้​จาอี้​ขึ้น​มา​คน​เดียว แต่​ย้อน​ว่า​เขา​เป๋น​มหา​ปุโรหิต​ใน​ปี๋​นั้น พระเจ้า​ก็​เลย​หื้อ​เขา​อู้​เป๋น​กำ​ตวายตั๊ก​ว่า​พระเยซู​จะ​ต๋าย​เปื้อ​จาว​ยิว

1 เธสะโลนิก๋า 5:4

แต่​ปี้น้อง​ตังหลาย ต้าน​จะ​บ่ได้​อยู่​ใน​ความ​มืด เมื่อ​วัน​นั้น​มา​แผว ต้าน​ก็​จะ​บ่ตกใจ๋​เหมือน​ขโมย​มา

2 เธสะโลนิก๋า 1:10

นี่​จะ​เกิด​ขึ้น​ใน​วัน​ตี้​พระเยซู​จะ​ปิ๊ก​มา​ฮับ​เกียรติ​ตึง​ความ​อัศจ๋รรย์​ใจ๋​จาก​หมู่​ผู้​บริสุทธิ์​ตังหลาย หมู่​ต้าน​ก็​จะ​อยู่​ใน​หมู่​นั้น​ตวย ย้อน​ว่า​ได้​เจื้อ​เรื่อง​เกี่ยวกับ​พระองค์​ตี้​หมู่​เฮา​ได้​บอก​หื้อ​หมู่​ต้าน​ฟัง

2 ทิโมธี 1:12

ย้อน​จาอี้​ข้าพเจ้า​จึง​ฮับ​ความ​ตุ๊ก​ทรมาน​อย่าง​ตี้​เป๋น​อยู่​นี้ แต่​ข้าพเจ้า​ก็​บ่อาย ย้อน​ข้าพเจ้า​ฮู้จัก​ผู้​ตี้​ข้าพเจ้า​เจื้อ​วางใจ๋ กับ​มั่นใจ๋​ว่า​พระองค์​สามารถ​ฮักษา​สิ่ง​ตี้​ข้าพเจ้า​มอบ​หื้อ​พระองค์ จ๋น​กว่า​วัน​สุดต๊าย​มา​แผว

2 ทิโมธี 1:18

ต้าน​ก็​ฮู้​ดี​อยู่​แล้ว​ว่า ต๋อน​ตี้​ข้าพเจ้า​อยู่​ตี้​เมือง​เอเฟซัส​นั้น เขา​จ้วย​ข้าพเจ้า​นัก​ขนาด ขอ​องค์​พระผู้เป๋นเจ้า​โผด​เมตต๋า​แก่​เขา​ใน​วัน​สุดต๊าย​นั้น

2 ทิโมธี 4:8

ตั้งแต่​นี้​ไป​รางวัล​แห่ง​ก๋าน​มี​ชัย​ย้อน​เยียะ​ต๋าม​ความ​ถูกต้อง​ต๋าม​ธรรม ก่ำลัง​รอ​หื้อ​ข้าพเจ้า​ฮับ​อยู่ องค์​พระ​ผู้​เป๋น​เจ้า​ตี้​เป๋น​ผู้​พิพากษา​ตี้​ยุติธรรม​จะ​ยก​รางวัล​นี้​หื้อ​ข้าพเจ้า​ใน​วัน​ตี้​พระองค์​จะ​ปิ๊ก​มา บ่ใจ้​หื้อ​ข้าพเจ้า​คน​เดียว แต่​จะ​หื้อ​กู้​คน​ตี้​ตั้งใจ๋​กองหา​พระองค์​ปิ๊ก​มา​แหม​เตื้อ