มัทธิว 7:16 - พระคริสตธรรมคัมภีร ภาคพันธสัญญาใหม

¹⁶ ต้าน​จะ​ฮู้จัก​เขา​ได้​ดี​ก็​ผ่อ​ตี้​ก๋าน​เกิด​ผล​จาก​ก๋าน​งาน​ของ​เขา มี​ใผ​พ่อง​เก็บ​หน่วย​องุ่น​ได้​จาก​เก๊าไม้​ตี้​มี​หนาม กาว่า​เก็บ​หน่วย​บ่าเดื่อ​จาก​เก๊า​หญ้า​ตี้​มี​หนาม

มัทธิว 7:16 ပူးပေါင်းရင်းမြစ်များ

มัทธิว 12:33

พระเยซู​อู้​แหม​ว่า “ถ้า​เก๊าไม้​ดี​หน่วย​ก็​จะ​ออก​มา​ดี ถ้า​เก๊าไม้​บ่ดี​หน่วย​ออก​มา​ตึง​บ่ดี เฮา​จะ​ฮู้​ว่า​เก๊า​นั้น​เป๋น​จาใด​ก็​หื้อ​ผ่อ​ตี้​หน่วย​ของ​มัน

มัทธิว 7:20

ย้อน​จาอั้น​ต้าน​จะ​ฮู้​ได้​จาใด​ว่า​คน​ตี้​เป๋น​ปาก​เป๋น​เสียง​แตน​พระเจ้า​นั้น เป๋น​ตั๋ว​แต๊ กาว่า​ตั๋ว​ป๋อม ก็​หื้อ​ผ่อ​ตี้​ก๋าน​เกิด​ผล​จาก​ก๋าน​งาน​ของ​เขา

กาลาเทีย 5:22

แต่​ถ้า​ต้าน​ตังหลาย​หื้อ​พระวิญญาณ​เป๋น​ผู้​นำ​จีวิต ผล​ของ​พระวิญญาณ​นั้น​คือ​ความ​ฮัก ความ​จื้น​จม​ยิน​ดี สันติสุข ความ​อด​ทน ความ​เมตต๋า ความ​ดี ความ​ซื่อสัตย์

ยากอบ 2:18

แต่​บาง​คน​จะ​อู้​ว่า “ต้าน​มี​ความ​เจื้อ แต่​ตั๋ว​ข้าพเจ้า​เป๋น​คน​เยียะ” ข้าพเจ้า​จะ​บอก​กับ​เขา​ว่า “ขอ​แสดง​หื้อ​ข้าพเจ้า​หัน​ความ​เจื้อ​ของ​ต้าน​โดย​ก๋าน​บ่ต้อง​เยียะ​ต๋าม​กำ​ลอ แล้ว​ข้าพเจ้า​ก็​จะ​แสดง​ความ​เจื้อ​ของ​ข้าพเจ้า​โดย​ก๋าน​เยียะ​ต๋าม​หื้อ​ผ่อ​ตวย”

ยากอบ 3:12

ปี้น้อง​ตังหลาย​เหย เก๊า​บ่าเดื่อ​จะ​ออก​หน่วย​เป๋น​บ่ากอกเทศ​ได้​กา กาว่า​เคือ​องุ่น​จะ​ออก​หน่วย​เป๋น​บ่าเดื่อ​จาอั้น​อี้ ต๋า​น้ำ​จะ​มี​ตึง​น้ำ​เก็ม​กับ​น้ำ​จืด​ออก​ตวย​กั๋น ก็​ตึง​เป๋น​ไป​บ่ได้​เหมือน​กั๋น