มัทธิว 6:30 - พระคริสตธรรมคัมภีร ภาคพันธสัญญาใหม

³⁰ ถ้า​พระเจ้า​แต่งหย้อง​ดอก​หญ้า​ต๋ำ​โต้ง​ต๋ำ​นา เซิ่ง​อยู่​ได้​วัน​นี้​วัน​เดียว ตก​แหม​วัน​ก็​จะ​ถูก​ก๋ำปือ​เข้า​ก๋องไฟ จาอั้น​แล้ว​พระองค์​ก็​จะ​แต่งหย้อง​หมู่​ต้าน​นัก​เหลือ​นั้น​แหม โอ หมู่​ต้าน​มี​ความ​เจื้อ​หน้อย​แต๊ๆ

มัทธิว 6:30 ပူးပေါင်းရင်းမြစ်များ

มัทธิว 14:31

พระเยซู​ก็​ฟั่ง​ยื่น​มือ​จั๊ก​ตั๋ว​เขา​ไว้​อู้​ว่า “ต้าน​มี​ความ​เจื้อ​หน้อย​แต๊ๆ สงสัย​เยียะ​หยัง”

มัทธิว 16:8

พระเยซู​ฮู้​ว่า​หมู่​เขา​อู้​เรื่อง​อะหยัง​กั๋น​อยู่ ก็​เลย​อู้​ว่า “หมู่​ต้าน​มี​ความ​เจื้อ​หน้อย​เหีย​แต๊ๆ เยียะ​หยัง​หมู่​ต้าน​ปา​กั๋น​อู้​เรื่อง​บ่มี​เข้าหนมปัง

มัทธิว 17:17

พระเยซู​ตอบ​ว่า “เฮ่อ หมู่​คน​บ่มี​ความ​เจื้อ​กับ​เยียะ​บ่ดี เฮา​จะ​ต้อง​อยู่​กับ​หมู่​สู​แหม​เมิน​สัก​เต้าใด เฮา​จะ​ต้อง​อดทน​กับ​หมู่​สู​ไป​แผว​ไหน ปา​หละอ่อน​คน​นั้น​มา​นี่​แล่”

มัทธิว 8:26

พระเยซู​ก็​อู้​กับ​หมู่​เขา​ว่า “กั๋ว​เยียะ​หยัง มี​ความ​เจื้อ​หน้อย​แต๊ๆ” แล้ว​พระองค์​ก็​ลุก​ขึ้น​มา​ห้าม​ลมหลวง​ตึง​คลื่น​ใหญ่ แล้ว​ลม​กับ​คลื่น​ก็​หยุด​เลย

มาระโก 4:40

พระองค์​อู้​กับ​หมู่​เขา​ว่า “กั๋ว​เยียะ​หยัง บ่มี​ความ​เจื้อ​กา”

มาระโก 9:19

พระเยซู​ตอบ​ว่า “เฮ่อ หมู่​คน​บ่มี​ความ​เจื้อ เฮา​จะ​ต้อง​อยู่​กับ​หมู่​สู​ไป​แหม​เมิน​สัก​เต้าใด เฮา​จะ​ต้อง​อดทน​กับ​หมู่​สู​ไป​แผว​ไหน ปา​หละอ่อน​คน​นั้น​มา​นี่​แล่”

ลูก๋า 12:28

ถ้า​พระเจ้า​แต่งหย้อง​ดอก​หญ้า​ต๋ำ​โต้ง​ต๋ำ​นา เซิ่ง​มี​จีวิต​อยู่​ได้​วัน​นี้​วัน​เดียว ตก​แหม​วัน​ก็​จะ​ถูก​ก๋ำปือ​เข้า​ก๋องไฟ​จาอั้น แล้ว พระองค์​ก็​จะ​แต่งหย้อง​หมู่​ต้าน​นัก​เหลือ​นั้น​แหม โอ หมู่​ต้าน​มี​ความ​เจื้อ​หน้อย​แต๊ๆ

ลูก๋า 9:41

พระเยซู​ตอบ​ว่า “เฮ่อ หมู่​คน​บ่มี​ความ​เจื้อ​กับ​เยียะ​บ่ดี เฮา​จะ​อยู่​กับ​หมู่​สู​กับ​จะ​ต้อง​อดทน​กับ​หมู่​สู​ไป​แผว​ไหน ปา​ลูก​มา​นี่​แล่”

ยอห์น 20:27

แล้ว​พระองค์​อู้​กับ​โธมัส​ว่า “โธมัส​เหย เอา​นิ้ว​มา​แหย่​ตี้​นี่​กับ​ผ่อ​มือ​ของ​เฮา แล้ว​ก็​เอา​มือ​ซวาม​ขี้ข้าง​ของ​เฮา​เหีย บ่ต้อง​สงสัย​แหม หื้อ​เจื้อ​เต๊อะ”

ฮีบรู 3:12

ปี้น้อง​ตังหลาย​หละวัง​ไว้​หื้อ​ดี ตี้​จะ​บ่มี​ใผ​สัก​คน​ใน​หมู่​ของ​ต้าน​มี​ใจ๋​ฮ้าย​กับ​บ่ยอม​เจื้อ แล้ว​หลง​ไป​จาก​พระเจ้า​ผู้​มี​จีวิต​อยู่

1 เปโตร 1:24

เหมือน​กับ​ตี้​มี​เขียน​ไว้​ใน​พระคัมภีร์​ว่า “​คน​กู้​คน​ก็​เป๋น​เหมือน​หญ้า เกียรติ​ของ​หมู่​เขา​ก็​เป๋น​เหมือน​ดอก​หญ้า หญ้า​ต๋าย ดอก​มัน​ก็​หลุด​หลวะ​ไป