มัทธิว 5:7 - พระคริสตธรรมคัมภีร ภาคพันธสัญญาใหม

⁷ คน​ใด​มี​ใจ๋​เมตต๋า พระเจ้า​โผด​หื้อ​คน​นั้น​เป๋น​สุข ย้อน​ว่า​พระเจ้า​จะ​เมตต๋า​อินดู​เขา

มัทธิว 5:7 ပူးပေါင်းရင်းမြစ်များ

มาระโก 11:25

ต๋อน​ก่ำลัง​อธิษฐาน​อยู่ ถ้า​กึ๊ด​ได้​ว่า​ต้าน​มี​เรื่อง​ผิดอก​ผิดใจ๋​ใผ​อยู่ ก็​ยกโต้ษ​หื้อ​คน​นั้น​เหีย​ก่อน แล้ว​พระบิดา​ของ​ต้าน​ตี้​อยู่​ใน​สวรรค์​ก็​จะ​โผด​ยกโต้ษ​หื้อ​ต้าน​เหมือน​กั๋น

ลูก๋า 6:35

แต่​จง​ฮัก​ศัตรู๋​ของ​ต้าน​ตังหลาย กับ​เยียะ​ดี​กับ​เขา จง​หื้อ​เขา​ยืม​ไป​โดย​บ่ต้อง​ห่วง​ว่า​จะ​ได้​คืน แล้ว​ต้าน​จะ​ได้​ฮับ​รางวัล​ยิ่งใหญ่​ใน​สวรรค์ จะ​ได้​เป๋น​ลูก​ของ​พระเจ้า​ผู้​สูงสุด ย้อน​พระองค์​โผด​ตึง​คน​ตี้​อกตัญญู ตึง​คน​บ่ดี

โรม 11:30

ตะก่อน​ต้าน​ตังหลาย​บ่ได้​เจื้อฟัง​พระเจ้า แต่​บ่าเดี่ยวนี้​พระเจ้า​เมตต๋า​หมู่​ต้าน​ก็​ย้อน​จาว​ยิว​บ่เจื้อฟัง

1 โครินธ์ 7:25

สำหรับ​คน​ตี้​ยัง​บ่ได้​แต่งงาน​นั้น กำ​ต่อ​ไป​นี้​บ่ได้​มา​จาก​องค์​พระ​ผู้​เป๋น​เจ้า แต่​ข้าพเจ้า​ขอ​ออก​กำกึ๊ด​หน้อย​เต๊อะ​ใน​ฐานะ​ตี้​ข้าพเจ้า​เป๋น​คน​ตี้​ไว้​ใจ๋​ได้​โดย​ความ​เมตต๋า​จาก​องค์​พระ​ผู้​เป๋น​เจ้า

2 โครินธ์ 4:1

ย้อน​จาอี้​เฮา​จึง​บ่หมด​ก๋ำลังใจ๋ ย้อน​ว่า​พระเจ้า​เมตต๋า​มอบหมาย​หื้อ​เฮา​เยียะ​ก๋าน​นี้

เอเฟซัส 4:32

หื้อ​เมตต๋า เอื้อเฟื้อ​เผื่อแผ่ กับ​ยกโต้ษ​หื้อ​กั๋น​เหมือน​พระเจ้า​ได้​ยกโต้ษ​หื้อ​กับ​หมู่​ต้าน​ผ่าน​ตาง​พระคริสต์

โคโลสี 3:12

ย้อนจาอั้น​เมื่อ​พระเจ้า​ได้​เลือก​ต้าน​เป๋น​คน​ของ​พระองค์ เป๋น​ผู้​บริสุทธิ์​ตี้​พระองค์​ฮัก ก็​หื้อ​เป๋น​คน​มี​เมตต๋า กรุณา ถ่อมใจ๋ อ่อนน้อม​ถ่อมต๋น กับ​อดทน

1 ทิโมธี 1:13

แม้​ว่า​ตะก่อน​ข้าพเจ้า​เกย​อู้​บ่ดี​เกี่ยวกับ​พระองค์ ตึง​เซาะ​หา​ค่ำ​คน​ของ​พระองค์​กับ​เป๋น​คน​เหี้ยม แต่​พระเจ้า​ก็​ยัง​เมตต๋า​ข้าพเจ้า ย้อน​หัน​ว่า​ข้าพเจ้า​ยัง​บ่ได้​เจื้อ​พระเยซู กับ​บ่ฮู้​เรื่อง​ว่า​สิ่ง​ตี้​เยียะ​ไป​นั้น​บ่ดี

1 ทิโมธี 1:16

แต่​พระเจ้า​เมตต๋า​ข้าพเจ้า เปื้อ​พระเยซู​คริสต์​จะ​ได้​เยียะ​หื้อ​หัน​ว่า​พระองค์​อดทน​ขนาด​หนัก​ต่อ​คน​บาป​หนา​ตี้​สุด​อย่าง​ข้าพเจ้า เปื้อ​เป๋น​ตั๋ว​อย่าง​หื้อ​กับ​คน​ตี้​จะ​ฮับ​เจื้อ​พระองค์ แล้ว​มี​จีวิต​นิรันดร์​ตลอด​ไป

ฮีบรู 4:16

ย้อน​จาอั้น ขอ​หื้อ​เฮา​มั่นใจ๋​ตี้​จะ​เข้า​มา​หา​ตี้​หน้า​บัลลังก์​ของ​พระเจ้า​ผู้​ตี้​มี​พระคุณ เปื้อ​เฮา​จะ​ได้​ฮับ​ความ​เมตต๋า กับ​จะ​ได้ฮับ​พระคุณ​ตี้​จะ​จ้วยเหลือ​เฮา​ใน​ยาม​ตี้​เฮา​ต้องก๋าน

ฮีบรู 6:10

พระเจ้า​ยุติธรรม พระองค์​จะ​บ่ลืม​ก๋าน​งาน​ตี้​หมู่​ต้าน​เยียะ​กับ​ความ​ฮัก​ตี้​หมู่​ต้าน​แสดง​หื้อ​พระองค์​หัน โดย​ก๋าน​ตี้​หมู่​ต้าน​ได้​จ้วยเหลือ​คน​ของ​พระองค์​กับ​ยัง​จ้วย​อยู่​แหม​ต่อไป

ยากอบ 2:13

ย้อน​ว่า​เมื่อ​พระองค์​ตัดสิน​ลงโต้ษ พระองค์​จะ​บ่เมตต๋า​กับ​คน​ตี้​บ่เมตต๋า​กับ​คน​อื่น​ตวย แต่​ถ้า​คน​มี​เมตต๋า​กับ​คน​อื่น พระองค์​ก็​จะ​มี​เมตต๋า​กับ​เขา​เมื่อ​ตัดสิน​ลงโต้ษ

ยากอบ 3:17

แต่​ผญา​ปั๋ญญา​ตี้​มา​จาก​พระเจ้า​นั้น​ก็​คือ มี​ความ​บริสุทธิ์​เป๋น​เก๊า แล้ว​ต่อ​ไป​ก็​คือ​สร้าง​ความ​สงบสุข อะลุ้ม​อะหล่วย​กั๋น ยอม​ฮับ​ฟัง​คน​อื่น มี​ความ​เมตต๋า​เต๋ม​ล้น เกิด​ผล​ดี​โดย​ก๋าน​เยียะ​ดี บ่ลำเอียง​กับ​บ่เป๋น​คน​หน้าซื่อ​ใจ๋​ก๊ด

1 เปโตร 2:10

ตะก่อน​หมู่​ต้าน​บ่ได้​เป๋น​คน​ของ​พระเจ้า กับ​บ่ฮู้จัก​ความ​เมตต๋า​ของ​พระองค์ แต่​บ่าเดี่ยว​นี้​หมู่​ต้าน​เป๋น​คน​ของ​พระองค์​แล้ว กับ​ได้ฮับ​ความ​เมตต๋า​จาก​พระองค์​แล้ว​ตวย