มัทธิว 5:30 - พระคริสตธรรมคัมภีร ภาคพันธสัญญาใหม

³⁰ ถ้า​มือ​เบื้อง​ขวา​ของ​ต้าน​เยียะ​หื้อ​ต้าน​เป๋น​บาป หื้อ​ตัด​มือ​เบื้อง​นั้น​ขว้าง​ไป​เหีย ย้อน​ว่า​ถ้า​เสีย​อวัยวะ​ไป​อย่าง​นึ่ง ก็​ยัง​ดี​เหลือ​มี​ตึง​เนื้อ​ตึง​ตั๋ว​ครบ​หมด​แต่​ต้อง​ถูก​ส่ง​ลง​หม้อหน้าฮก

มัทธิว 5:30 ပူးပေါင်းရင်းမြစ်များ

มัทธิว 11:6

คน​ตี้​บ่ขัดใจ๋​ใน​สิ่ง​ตี้​เฮา​อู้​กับ​เยียะ ก็​เป๋น​สุข”

มัทธิว 13:21

แต่​ฮาก​ลง​ดิน​บ่เลิ็ก อยู่​ได้​บ่เมิน เมื่อ​เกิด​ปั๋ญหา​กาว่า​โดน​ค่ำ ย้อน​ถ้อยกำ​นั้น​เขา​ก็​เลิก​เจื้อ​ไป​เหีย

มัทธิว 16:23

พระเยซู​ก็​งว้าย​หลัง​มา​อู้​กับ​เปโตร​ว่า “ไอ่​ซาต๋าน ไป​หื้อ​ป๊น​หู​ป๊น​ต๋า เจ้า​ก่ำลัง​ขัดขวาง​เฮา ย้อน​ว่า​เจ้า​บ่ได้​กึ๊ด​อย่าง​พระเจ้า แต่​กึ๊ด​อย่าง​คน”

มัทธิว 17:27

แต่​เปื้อ​บ่หื้อ​คน​ตี้​มา​เก็บ​สตางค์​ก้า​บำรุง​โขด หื้อ​ต้าน​ไป​จ่อม​เบ็ด​ตี้​ทะเลสาบ เมื่อ​ได้​ป๋า​ตั๋ว​เก๊าหัวที หื้อ​ง้าง​ปาก​ป๋า​ออก แล้ว​ต้าน​จะ​ปะ​สตางค์​เหรียญ​นึ่ง​เชเขล หื้อ​เอา​สตางค์​นั้น​ไป​จ่าย​ก้า​บำรุง​พระวิหาร​สำหรับ​เฮา​กับ​ต้าน​เต๊อะ”

มัทธิว 18:8

ย้อน​จาอั้น ถ้า​มือ​กา​ว่า​ตี๋น​ของ​ต้าน​เยียะ​หื้อ​ตั๋ว​ต้าน​เป๋น​บาป ก็​หื้อ​กก​ขว้าง​เหีย ย้อน​ว่า​ถ้า​มี​มือ​กุด​กาว่า​ตี๋น​ปุด​แต่​ยัง​มี​จีวิต​นิรันดร์ ก็​ยัง​ดี​เหลือ​มี​มือ​กา​ว่า​ตี๋น​ตึง​สอง​ข้าง​ดี​ครบ​หมด แต่​ต้อง​ตก​ใน​ไฟ​ตี้​บ่มี​วัน​ดับ

มัทธิว 22:13

กษัตริย์​ก็​สั่ง​หมู่​คน​ฮับใจ๊​ว่า ‘มัด​ตี๋น​มัด​มือ​คน​นี้ แล้ว​โจ้ง​ออก​ไป​ตัง​นอก ตั๊ด​ตี้​มืด​ตี้​มี​เสียง​คน​ไห้​หุย​ขบ​เขี้ยว​เกี๊ยว​กาง​อย่าง​เจ็บปวด’ ”

มัทธิว 25:20

คน​ฮับใจ๊​ตี้​ได้​ห้า​ตะลันต์ เอา​ตึง​ตืน​ตึง​ก่ำไฮ​แหม​ห้า​ตะลันต์​มา​หื้อ​นาย​แล้ว​ก็​บอก​ว่า ‘นาย​เจ้าข้า สตางค์​ตี้​หื้อ​ข้าพเจ้า​ไว้​ห้า​ตะลันต์ ผ่อ​นี่​ลอ ตืน​ห้า​ตะลันต์​ข้าพเจ้า​ได้​ก่ำไฮ​มา​เปาะ​แหม​ห้า​ตะลันต์’

มัทธิว 26:31

พระเยซู​อู้​กับ​หมู่​สาวก​ว่า “คืน​นี้​หมู่​ต้าน​จะ​หนี​ละ​เฮา​ไป​เหีย​หมด เหมือน​กับ​ตี้​เขียน​ไว้​ใน​พระคัมภีร์​ว่า ‘พระเจ้า​จะ​ฆ่า​คน​เลี้ยง​แกะ แล้ว​แกะ​หมู่​นั้น​จะ​แตก​ขะแล​ขะแจ​หนี​ไป​หมด’

มัทธิว 5:22

แต่​เฮา​บอก​ต้าน​ตังหลาย​ว่า ถ้า​ใผ​โขด​หื้อ​ปี้น้อง​ของ​ตั๋ว คน​นั้น​จะ​ถูก​ตัดสิน​ลงโต้ษ ถ้า​ใผ​ด่า​ปี้น้อง​ว่า ‘ไอ่​สึ่ง​ตึง’ ก็​จะ​ถูก​ปา​ขึ้น​ศาล​ของ​สภา​จาว​ยิว ถ้า​ใผ​ด่า​ปี้น้อง​ว่า ‘ไอ่​ง่าว’ คน​นั้น​จะ​ได้​ฮับ​โต้ษ​เถิง​ตก​หม้อหน้าฮก

มัทธิว 5:29

ย้อน​จาอั้น​ถ้า​แก่นต๋า​เบื้อง​ขวา​ของ​ต้าน เยียะ​หื้อ​ต้าน​เป๋น​บาป ก็​หื้อ​ควัด​ต๋า​เผิก​นั้น​ขว้าง​ไป​เหีย ย้อน​ว่า​ถ้า​เสีย​อวัยวะ​ไป​อย่าง​นึ่ง ก็​ยัง​ดี​เหลือ​มี​ตึง​เนื้อ​ตึง​ตั๋ว​ครบ​หมด แต่​ต้อง​ตก​หม้อหน้าฮก

มาระโก 9:43

ถ้า​มือ​ของ​ต้าน​เยียะ​หื้อ​ตั๋ว​ต้าน​เป๋น​บาป ก็​หื้อ​กก​ขว้าง​เหีย ย้อน​ว่า​ถ้า​มี​มือ​กุด​แต่​ยัง​มี​จีวิต​นิรันดร์ ยัง​ดี​เหลือ​มี​มือ​ตึง​สอง​ข้าง​ดี​ครบ​หมด แต่​ต้อง​ตก​หม้อหน้าฮก​ตี้​มี​ไฟ​ไหม้​บ่ฮู้จัก​ดับ

ลูก๋า 12:5

แต่​เฮา​จะ​เตื๋อน​หื้อ​ฮู้​ก่อน​ว่า​สมควร​จะ​กั๋ว​ใผ หื้อ​กั๋ว​พระเจ้า​ผู้​ตี้​ฆ่า​ต้าน​ได้ แล้ว​ยัง​มี​ฤทธิ์​อำนาจ​จะ​เอา​โจ้ง​ลง​หม้อหน้าฮก​ได้​แหม หื้อ​กั๋ว​พระองค์​นั้น​ละ

ลูก๋า 17:2

ถ้า​เอา​บ่าหิน​โม่​มัด​ติด​คอ​คน​นั้น แล้ว​โจ้ง​ลง​น้ำ​ทะเล​เลิ็ก​เหีย ก็​ยัง​ดี​เหลือ​ตี้​เขา​จะ​เยียะ​หื้อ​คน​ตี้​เป๋น​เหมือน​หละอ่อน​หน้อย​หมู่​นี้​คน​นึ่ง​หลง​ผิด​ไป

โรม 9:33

ต๋าม​ตี้​มี​เขียน​ไว้​ใน​พระคัมภีร์​ว่า “ผ่อ​เน่อ เฮา​วาง​ศิลา​ก้อน​นึ่ง​ไว้​ใน​เมือง​ศิโยน เป๋น​ศิลา​ตี้​เยียะ​หื้อ​คน​ตังหลาย​ข้อง​สะดุด กับ​เป๋น​ศิลา​ตี้​เยียะ​หื้อ​คน​ตังหลาย​ต้าว แต่​คน​ใด​ตี้​เจื้อ​ใน​พระองค์​จะ​บ่ผิดหวัง​เลย”

1 โครินธ์ 8:13

ย้อน​จาอั้น ถ้า​ก๋าน​กิ๋น​ของกิ๋น​เยียะ​หื้อ​ปี้น้อง​ผู้เจื้อ​ของ​ข้าพเจ้า​หลงผิด ข้าพเจ้า​ก็​จะ​บ่กิ๋น​จิ๊น​แหม​ต่อไป เปื้อ​ว่า​ข้าพเจ้า​จะ​ได้​บ่เป๋น​ต้น​เหตุ​เยียะ​หื้อ​หมู่​เขา​เยียะ​บาป

กาลาเทีย 5:11

ปี้น้อง​ผู้เจื้อ​ตังหลาย ถ้า​เป๋น​เรื่อง​แต๊​ตี้​ข้าพเจ้า​สอน​หื้อ​ฮับ​ความ​รอด​ป๊น​บาป​โต้ษ​โดย​ก๋าน​เข้า​พิธี​สุหนัต แล้ว​เป๋น​จาใด​ข้าพเจ้า​จึง​ถูก​ค่ำ​จาอี้ ถ้า​ข้าพเจ้า​สอน​จาอั้น​ก๋าน​สอน​เรื่อง​ก๋าน​ต๋าย​ของ​พระเยซู​บน​ไม้​ก๋าง​เขน ก็​บ่เป๋น​ปั๋ญหา​สำหรับ​จาว​ยิว​แหม​ต่อไป

1 เปโตร 2:8

กับ​มี​เขียน​ตวย​ว่า “เป๋น​ศิลา​ตี้​เยียะ​หื้อ​คน​ตังหลาย​ข้อง​สะดุด กับ​เป๋น​ศิลา​ตี้​เยียะ​หื้อ​คน​ต้าว” ตี้​หมู่​เขา​ข้อง​สะดุด​นั้น ย้อน​หมู่​เขา​บ่เจื้อ​ฟัง​ถ้อยกำ​ของ​พระเจ้า ก็​เป๋น​ไป​ต๋าม​ตี้​พระเจ้า​ได้​ก๋ำหนด​ไว้​แล้ว