มัทธิว 5:10 - พระคริสตธรรมคัมภีร ภาคพันธสัญญาใหม

¹⁰ คน​ใด​โดน​ค่ำ​ย้อน​เยียะ​ต๋าม​ความ​ต้องก๋าน​ของ​พระเจ้า พระเจ้า​โผด​หื้อ​คน​นั้น​เป๋น​สุข เขา​ได้​เป๋น​คน​ของ​แผ่นดิน​สวรรค์​แล้ว

มัทธิว 5:10 ပူးပေါင်းရင်းမြစ်များ

มัทธิว 10:23

ถ้า​เขา​ค่ำเข​ต้าน​ใน​เมือง​นี้ ก็​หื้อ​หนี​ไป​เมือง​ปู๊น เฮา​บอก​ความ​จริง​แก่​ต้าน​ว่า ก่อน​ตี้​หมู่​ต้าน​จะ​ไป​เยียะ​ก๋าน​หื้อ​แล้ว​จ๋น​ใคว่​กู้​เมือง​ของ​จาว​อิสราเอล บุตรมนุษย์​จะ​มา​แผว​ก่อน

มัทธิว 19:14

แต่​พระเยซู​บอก​ว่า “หื้อ​หมู่​หละอ่อน​เข้า​มา​หา​เฮา​เต๊อะ บ่ดี​ห้าม​เขา​ไว้ ย้อน​ว่า​แผ่นดิน​สวรรค์​เป๋น​ของ​คน​ตี้​เผียบ​เหมือน​หละอ่อน​หมู่​นี้”

มัทธิว 25:34

“แล้ว​พระองค์​ผู้​เป๋น​กษัตริย์​จะ​อู้​กับ​หมู่​ตี้​อยู่​ตัง​ขวา​มือ​ว่า ‘ต้าน​ตังหลาย​ตี้​ได้ฮับ​ปอน​จาก​พระบิดา​ของ​เฮา เจิญ​ฮับ​อาณาจักร​ตี้​ได้​เกียม​ไว้​สำหรับ​ต้าน​ตังหลาย​ตั้งแต่​สร้าง​โลก​มา​แล้ว

มัทธิว 5:3

“คน​ใด​ตี้​ตุ๊กยาก​ตาง​ฝ่าย​วิญญาณ พระเจ้า​โผด​หื้อ​คน​นั้น​เป๋น​สุข ย้อน​ว่า​เขา​ได้​เป๋น​คน​ของ​แผ่นดิน​สวรรค์​แล้ว

มาระโก 10:14

เมื่อ​พระเยซู​หัน​หมู่​สาวก​เยียะ​จาอั้น ก็​บ่ปอใจ๋ อู้​กับ​หมู่​เขา​ว่า “หื้อ​หมู่​หละอ่อน​เข้า​มา​หา​เฮา​เต๊อะ บ่ดี​ห้าม​เขา​ไว้ ย้อน​ว่า​แผ่นดิน​ของ​พระเจ้า​เป๋น​ของ​คน​ตี้​เผียบ​เหมือน​หละอ่อน​หมู่​นี้

มาระโก 10:30

คน​นั้น​จะ​ได้​ฮับ​ผล​ตอบ​แตน​ใน​โลก​นี้​เป๋น​ร้อย​เต้า คือ​บ้าน ปี้น้อง ป้อ​แม่ ลูกๆ กาว่า ไฮ่​นา รวม​ตึง​ก๋าน​โดน​ค่ำ​ตวย แต่​ใน​โลก​หน้า​เขา​จะ​ได้​จีวิต​นิรันดร์

ลูก๋า 21:12

ก่อน​เหตุก๋ารณ์​หมู่​นี้​จะ​เกิด​ขึ้น หมู่​ต้าน​จะ​ถูก​ยับ​และ​โดน​ข่มเหง จะ​ถูก​ปา​ไป​ใน​ธรรมศาลา​ของ​จาว​ยิว แล้ว​ถูก​ขัง​ไว้​ใน​คอก กับ​จะ​ถูก​ปา​ไป​ตัดสิน​ความ​ต่อหน้า​กษัตริย์​กับ​เจ้าเมือง ย้อน​ว่า​หมู่​ต้าน​ติดต๋าม​เฮา

ลูก๋า 22:29

พระบิดา​ได้​จัด​เกียม​แผ่นดิน​แล้ว​มอบ​หื้อ​เฮา​จาใด เฮา​ก็​จัด​เกียม​แล้ว​มอบ​หื้อ​ต้าน​ตังหลาย​จาอั้น

ลูก๋า 6:20

พระเยซู​ผ่อ​หน้า​หมู่​สาวก​ของ​พระองค์ อู้​กับ​หมู่​เขา​ว่า “หมู่​ต้าน​ตี้​ตุ๊กยาก พระเจ้า​โผด​หื้อ​หมู่​ต้าน​เป๋น​สุข ย้อน​ว่า​หมู่​ต้าน​ได้​เป๋น​คน​ของ​แผ่นดิน​ของ​พระเจ้า​แล้ว

ลูก๋า 6:22

พระเจ้า​โผด​หื้อ​หมู่​ต้าน​เป๋น​สุข เมื่อ​คน​ตังหลาย​จัง​หมู่​ต้าน ไล่​หมู่​ต้าน​ออก​จาก​หมู่​เขา ดู​ถูก​ดู​แควน​หมู่​ต้าน ว่า​หมู่​ต้าน​เป๋น​คน​บ่ดี ย้อน​หมู่​ต้าน​หัน​แก่​เฮา​ผู้​เป๋น​บุตรมนุษย์

ยอห์น 15:20

หมู่​ต้าน​จ๋ำ​กำ​ตี้​เฮา​เกย​บอก​ไว้​ได้​ก่อ​ว่า ‘คน​ฮับใจ๊​บ่ใหญ่​เหลือ​เจ้านาย​ของ​เขา’ ถ้า​หมู่​เขา​ค่ำ​เฮา หมู่​เขา​ก็​จะ​ค่ำ​หมู่​ต้าน​ตวย ถ้า​หมู่​เขา​เยียะ​ต๋าม​กำ​สั่ง​สอน​ของ​เฮา หมู่​เขา​ก็​จะ​เยียะ​ต๋าม​กำ​สั่ง​สอน​ของ​หมู่​ต้าน​เหมือน​กั๋น

กิจก๋าน 5:40

หมู่​เขา​ก็​ยอม​ฟัง​กำ​แนะนำ​ของ​กามาลิเอล จึง​ฮ้อง​หมู่​อัครทูต​เข้า​มา แล้ว​ก็​ใจ๊​คน​เฆี่ยน กับ​สั่ง​ห้าม​บ่หื้อ​อู้​ใน​นาม​พระเยซู​แหม แล้ว​ก็​ปล่อย​ตั๋ว​ไป

กิจก๋าน 8:1

เซาโล​ก็​อยู่​ตี้​หั้น เขา​หันดี​ตวย​ใน​ก๋าน​ฆ่า​สเทเฟน ใน​วัน​นั้น​มี​ก๋าน​ตั้งเก๊า​ค่ำเข​คริสตจักร​ครั้ง​ใหญ่​ใน​กรุง​เยรูซาเล็ม ผู้เจื้อ​ตังหลาย​เว้น​แต่​หมู่​อัครทูต​แตก​หนี​ขะแล​ขะแจ​ไป​ทั่ว​แคว้น​ยูเดีย​กับ​แคว้น​สะมาเรีย

2 โครินธ์ 4:17

ย้อน​ว่า​ความ​ตุ๊กยาก​ลำบาก​ตี้​หน้อย​เดียว​กับ​อยู่​ได้​บ่เมิน​ของ​เฮา จะ​เยียะ​หื้อ​เฮา​ได้ฮับ​เกียรติ​อัน​ยิ่งใหญ่​ตี้​คง​อยู่​ตลอด​ไป กับ​บ่มี​อะหยัง​มา​เผียบ​ได้

ฟีลิปปี 1:28

บ่ดี​กั๋ว​คน​ตี้​ขัดขวาง​ต้าน​เน่อ ย้อน​ว่า​ความ​ก้า​ของ​ต้าน จะ​เยียะ​หื้อ​หัน​ว่า​เขา​หมู่​นั้น​จะ​ถูก​ทำลาย แต่​พระเจ้า​จะ​จ้วย​หมู่​ต้าน​หื้อ​รอด​ป๊น​บาป​โต้ษ

2 ทิโมธี 2:12

ถ้า​เฮา​ทน​ตุ๊กยาก เฮา​ก็​จะ​ได้​ปกครอง​ฮ่วม​กับ​พระองค์ ถ้า​เฮา​บ่ยอมฮับ​พระองค์ พระองค์​ก็​จะ​บ่ยอมฮับ​เฮา​เหมือน​กั๋น

2 ทิโมธี 3:11

ก๋าน​ถูก​ค่ำ กับ​ความ​ตุ๊ก ต้าน​ฮู้​เถิง​ก๋าน​ค่ำ​ตี้​ข้าพเจ้า​ต้อง​อดทน​ใน​เมือง​อันทิโอก เมือง​อิโคนียูม กับ​เมือง​ลิสตรา แต่​องค์​พระ​ผู้​เป๋น​เจ้า​จ้วย​หื้อ​ข้าพเจ้า​รอด​ป๊น​จาก​สิ่ง​หมู่​นั้น​กู้​อย่าง

ยากอบ 1:12

พระเจ้า​จะ​ปั๋นปอน​คน​ตี้​อดทน​ต่อ​ก๋าน​ทดลองใจ๋ ย้อน​ว่า​เมื่อ​เขา​ผ่าน​ก๋าน​ทดสอบ​นี้​ได้​แล้ว เขา​ก็​จะ​ได้​ฮับ​มงกุฎ​แห่ง​จีวิต​ตี้​พระเจ้า​สัญญา​ว่า​จะ​หื้อ​กับ​คน​ตี้​ฮัก​พระองค์

ยากอบ 5:11

เฮา​ถือ​ว่า​คน​หมู่​นั้น​ตี้​ได้​อดทน​ก็​เป๋น​สุข ต้าน​ก็​เกย​ได้​ยิน​เรื่อง​ความ​อดทน​ของ​โยบ​แล้ว กับ​ได้​ฮู้​ว่า​พระเจ้า​ได้​หื้อ​อะหยัง​เขา​พ่อง​ต๋อน​บั้นป๋าย​จีวิต​ของ​เขา ตี้​เป๋น​จาอี้​ก็​ย้อน​องค์​พระ​ผู้​เป๋น​เจ้า​มี​ความ​อินดู​เขา กับ​มี​ความ​เมตต๋า​กรุณา

1 ยอห์น 3:12

ห้าม​เป๋น​เหมือน​คาอิน​ตี้​เป๋น​ของ​มาร แล้ว​ได้​ฆ่า​น้อง​บ่าว​ของ​ตั๋ว เขา​ฆ่า​น้อง​เยียะ​หยัง ก็​ย้อน​ว่า​ก๋าน​ของ​เขา​เป๋น​ก๋าน​บ่ดี แต่​ก๋าน​ของ​น้อง​บ่าว​นั้น​ถูกต้อง​ต๋าม​ธรรม

วิวรณ์ 2:10

บ่ต้อง​กั๋ว​เลย​เถิง​สิ่ง​ตี้​หมู่​ต้าน​จะ​ต้อง​ทน​ตุ๊ก​ทรมาน​นั้น ฟัง​หื้อ​ดี​เน่อ มาร​จะ​ยับ​หมู่​ต้าน​บาง​คน​ขัง​คอก​เปื้อ​ทดสอบ​หมู่​ต้าน ต้าน​ตังหลาย​จะ​ทน​ตุ๊ก​ทรมาน​เป๋น​เวลา​สิบ​วัน แต่​จง​ซื่อสัตย์​ต่อ​เฮา​ตลอด​จ๋น​ต๋าย แล้ว​เฮา​จะ​หื้อ​มงกุฎ​แห่ง​จีวิต​แก่​หมู่​ต้าน