มัทธิว 27:19 - พระคริสตธรรมคัมภีร ภาคพันธสัญญาใหม

¹⁹ ต๋อน​ตี้​ปีลาต​นั่ง​อยู่​บน​ตี้​นั่ง​ของ​ผู้​พิพากษา เมีย​ของ​ต้าน​ใจ๊​คน​มา​บอก​ว่า “ห้าม​ยุ่ง​กับ​จาย​คน​นี้ ต้าน​เป๋น​คน​บ่มี​ความ​ผิด ตะคืน​ข้าเจ้า​ฝัน​ฮ้าย​บ่สบายใจ๋​ขนาด​เกี่ยว​กับ​ต้าน​คน​นี้”

มัทธิว 27:19 ပူးပေါင်းရင်းမြစ်များ

มัทธิว 1:20

หลังจาก​ตี้​โยเซฟ​กึ๊ด​จะ​เยียะ​จาอั้น ทูตสวรรค์​ของ​พระเจ้า​องค์​นึ่ง ก็​เข้า​ฝัน​โยเซฟ​บอก​ว่า “โยเซฟ​ลูก​หลาน​ของ​กษัตริย์​ดาวิด​เหย บ่ถ้า​กั๋ว​ตี้​จะ​ฮับ​มารีย์​มา​เป๋น​เมีย​เน่อ ย้อน​ว่า​หละอ่อน​ใน​ต๊อง​ของ​นาง​นั้น เกิด​ขึ้น​จาก​ฤทธิ์​เดช​ของ​พระวิญญาณ​บริสุทธิ์

มัทธิว 2:19

หลังจาก​กษัตริย์​เฮโรด​ต๋าย​แล้ว ทูตสวรรค์​ของ​พระเจ้า​ได้​เข้า​ฝัน​โยเซฟ​ต๋อน​อยู่​ใน​ประเทศ​อียิปต์​บอก​ว่า

มัทธิว 2:22

แต่​เมื่อ​โยเซฟ​ฮู้​ว่า​อารเคลาอัส​ได้​ขึ้น​เป๋น​กษัตริย์​ปกครอง​แคว้น​ยูเดีย แตน​กษัตริย์​เฮโรด​ป้อ​ของ​เขา ก็​กั๋ว​บ่ก้า​ปิ๊ก​เข้า​ไป​ใน​แคว้น​ยูเดีย แต่​ใน​ความ​ฝัน​โยเซฟ​ได้​กำ​เตื๋อน​จาก​พระเจ้า​ว่า หื้อ​เตียว​ตาง​ไป​ตี้​แคว้น​กาลิลี​แตน

มัทธิว 27:18

ปีลาต​ฮู้​ว่า​ตี้​ผู้นำ​จาว​ยิว​ยับ​พระเยซู​มา​หื้อ​ต้าน​ตัดสิน​ก็​ย้อน​ขอย​พระองค์

มัทธิว 27:24

เมื่อ​ปีลาต​หัน​ว่า​เยียะ​อะหยัง​บ่ได้​นัก​เหลือ​นี้​แล้ว กำ​เดียว​จะ​เกิด​วุ่นวาย​ขึ้น เขา​ก็​เอา​น้ำ​ซ่วย​มือ​ส่อง​หน้า​คน​ตังหลาย​อู้​ว่า “ก๋าน​ต๋าย​ของ​จาย​คน​นี้ เฮา​บ่เกี่ยว เฮา​บ่มี​ความ​ผิด​เน่อ หมู่​ต้าน​ฮับ​ผิด​กั๋น​คน​เดียว​เต๊อะ”

มัทธิว 27:4

อู้​ว่า “เฮา​ได้​เยียะ​บาป​ไป​แล้ว​ตี้​ได้​หักหลัง​ผู้​บริสุทธิ์​คน​นึ่ง​เถิง​ต๋าย” หมู่​มหา​ปุโรหิต​กับ​หมู่​คน​เฒ่า​คน​แก่​ตอบ​ว่า “เรื่อง​นี้​เกี่ยว​อะหยัง​กับ​เฮา​ตวย เป๋น​เรื่อง​ของ​เจ้า​คน​เดียว​ตี้​ต้อง​ฮับผิดชอบ”

ลูก๋า 23:41

เฮา​สอง​คน​ก็​สม​กับ​โต้ษ​นั้น​แต๊ หมู่​เฮา​ได้ฮับ​โต้ษ​ต๋าม​ตี้​หมู่​เฮา​เยียะ​ไป​นั้น แต่​ต้าน​คน​นี้​บ่ได้​เยียะ​ผิด​อะหยัง​เลย”

ลูก๋า 23:47

นายร้อย​ทหาร​เมื่อ​หัน​เหตุก๋ารณ์​เป๋น​ไป​จาอั้น ก็​สรรเสริญ​พระเจ้า​ว่า “แต๊ๆ แล้ว ต้าน​คน​นี้​เป๋น​คน​บริสุทธิ์”

ยอห์น 19:13

เมื่อ​ปีลาต​ได้ยิน​จาอั้น เขา​ก็​ปา​พระเยซู​ออก​มา แล้ว​ก็​นั่ง​ตี้​นั่ง​ของ​ผู้​พิพากษา​ตี้​ฮ้อง​กั๋น​ว่า “ลานหิน” (​ภาษา​ฮีบรู​ฮ้อง​ว่า “กับบาธา”)

กิจก๋าน 12:21

ใน​วัน​ตี้​กษัตริย์​เฮโรด​เลือก​ไว้​แล้ว​นั้น ต้าน​แต่ง​กษัตริย์​เต๋ม​ยศ ขึ้น​นั่ง​บน​บัลลังก์ แล้ว​อู้​ต่อ​คน​ตังหลาย

กิจก๋าน 18:12

ต๋อน​ตี้​กัลลิโอ​เป๋น​เจ้าเมือง​แคว้น​อาคายา​นั้น จาว​ยิว​ปา​กั๋น​หลุ้ม​ใส่​เปาโล แล้ว​ก็​ปา​ไป​ตี้​ศาล

กิจก๋าน 18:16

แล้ว​กัลลิโอ​ก็​ไล่​คน​ตึงหมด​หื้อ​ออก​ไป​จาก​ศาล

กิจก๋าน 18:17

คน​ตังหลาย​จึง​ไป​ยับ​โสสเธเนส​ตี้​เป๋น​นาย​ธรรมศาลา​มา​บุบ​ตี๋​ต่อ​หน้า​ศาล แต่​กัลลิโอ​ก็​บ่สนใจ๋​หมู่​เขา

กิจก๋าน 25:10

เปาโล​ตอบ​ว่า “ต๋อน​นี้​ข้าพเจ้า​ก็​ก่ำลัง​อยู่​ต่อ​หน้า​ศาล​ของ​ซีซาร์ ข้าพเจ้า​ควร​จะ​ได้​ฮับ​ก๋าน​ตัดสิน​ตี้​นี่ ต้าน​ก็​ฮู้​ดี​ว่า​ข้าพเจ้า​บ่ได้​เยียะ​ผิด​อะหยัง​ต่อ​จาว​ยิว

กิจก๋าน 25:17

“เมื่อ​หมู่​เขา​ตวย​ข้าพเจ้า​มา​ตี้​นี่ ข้าพเจ้า​ก็​บ่รอ​จ๊า แหม​วัน​ถัด​ไป ข้าพเจ้า​ก็​เปิด​ศาล​ตัดสิน​แล้ว​สั่ง​หื้อ​ปา​ตั๋ว​ป้อจาย​คน​นั้น​เข้า​มา

กิจก๋าน 25:6

หลังจาก​อยู่​กับ​หมู่​เขา​ได้​แปด​วัน​กาว่า​สิบ​วัน เฟสทัส​ก็​ปิ๊ก​ไป​เมือง​ซีซารียา วัน​ถัด​มา​ต้าน​ก็​เปิด​ศาล​ตัดสิน แล้ว​สั่ง​หื้อ​ปา​เปาโล​เข้า​มา

1 เปโตร 2:22

พระองค์​บ่เกย​เยียะ​บาป กับ​บ่อู้​จุ​ใผ

1 ยอห์น 2:1

ต้าน​ตังหลาย​ตี้​เผียบ​เหมือน​ลูก​ตี้​ข้าพเจ้า​ฮัก​เหย ข้าพเจ้า​เขียน​เรื่อง​หมู่​นี้​มา​เถิง​ต้าน เปื้อ​ว่า​หมู่​ต้าน​จะ​บ่เยียะ​บาป แต่​ถ้า​ใผ​เยียะ​บาป เฮา​ก็​มี​ผู้จ้วย​อ้อนวอน​พระบิดา​แตน​เฮา คือ​พระเยซู​คริสต์​ผู้​ตี้​ถูกต้อง​ต๋าม​ธรรม