มัทธิว 26:56 - พระคริสตธรรมคัมภีร ภาคพันธสัญญาใหม

⁵⁶ แต่​ตี้​เกิด​ขึ้น​ตึงหมด​นี้ ก็​เปื้อ​หื้อ​เป๋น​ไป​ต๋าม​ตี้​ผู้​เป๋น​ปาก​เป๋น​เสียง​แตน​พระเจ้า​ได้​เขียน​ไว้” แล้ว​หมู่​สาวก​ตึง​หมด​ก็​ละ​ขว้าง​พระองค์​แล้ว​ปา​กั๋น​หนี​ไป

มัทธิว 26:56 ပူးပေါင်းရင်းမြစ်များ

มัทธิว 21:42

พระเยซู​บอก​หมู่​เขา​ว่า “หมู่​ต้าน​บ่เกย​อ่าน​พระคัมภีร์​ข้อ​นี้​กา​ตี้​ว่า ‘ศิลา​ตี้​สล่า​แป๋ง​เฮือน​เอา​ขว้าง​ไป​แล้ว​นั้น ป๋ากฏ​ว่า​เป๋น​ศิลามุมเอก สิ่ง​นี้​มา​จาก​องค์​พระผู้เป๋นเจ้า ตี้​หมู่​เฮา​หัน​กับ​ต๋า ก็​งืด​แต๊ๆ’

มัทธิว 26:24

บุตรมนุษย์​จะ​ต้อง​จาก​ไป​ต๋าม​ตี้​มี​เขียน​ไว้​ใน​พระคัมภีร์​เกี่ยวกับ​พระองค์ แต่​ความ​ฉิบหาย​ก็​จะ​เกิด​กับ​คน​ตี้​หักหลัง​บุตรมนุษย์ ถ้า​คน​นั้น​บ่ได้​เกิด​มา​ก็​ยัง​ดี​เหลือ​นี้”

มัทธิว 26:31

พระเยซู​อู้​กับ​หมู่​สาวก​ว่า “คืน​นี้​หมู่​ต้าน​จะ​หนี​ละ​เฮา​ไป​เหีย​หมด เหมือน​กับ​ตี้​เขียน​ไว้​ใน​พระคัมภีร์​ว่า ‘พระเจ้า​จะ​ฆ่า​คน​เลี้ยง​แกะ แล้ว​แกะ​หมู่​นั้น​จะ​แตก​ขะแล​ขะแจ​หนี​ไป​หมด’

มัทธิว 26:54

แต่​ถ้า​เฮา​เยียะ​จาอั้น ก็​จะ​บ่เป๋น​ไป​ต๋าม​ตี้​พระคัมภีร์​เขียน​ไว้​ว่า​จะ​ต้อง​เป๋น​ไป​ต๋าม​นี้”

ยอห์น 16:32

ผ่อ​ลอ จะ​มี​วัน​นึ่ง​ตี้​จะ​มา​เถิง และ​แต๊ๆ บ่าเดี่ยว​นี้​ก็​เถิง​แล้ว ตี้​หมู่​ต้าน​จะ​แตก​ขะแล​ขะแจ​หนี​ไป​บ้าน​ใผ​บ้าน​มัน แล้ว​จะ​ละ​เฮา​ไว้​หื้อ​อยู่​คน​เดียว แต่​เฮา​บ่ได้​อยู่​คน​เดียว ย้อน​พระบิดา​อยู่​กับ​เฮา

กิจก๋าน 1:16

“ปี้น้อง​ตังหลาย ข้อ​พระคัมภีร์​ตี้​พระวิญญาณ​บริสุทธิ์​ใจ๊​กับ​กษัตริย์​ดาวิด​อู้​ไว้​เมื่อ​ตะก่อน​นั้น เกี่ยวกับ​เรื่อง​ยูดาส​ปา​ทหาร​ไป​ยับ​พระเยซู ก็​จ๋ำเป๋น​ต้อง​เป๋น​ไป​ต๋าม​นั้น

กิจก๋าน 2:23

ต้าน​ผู้​นี้​ถูก​มอบ​ไว้​ต๋าม​แผนก๋าน​ของ​พระเจ้า​ตี้​ฮู้​ล่วง​หน้า​ก่อน​แล้ว​ว่า หมู่​ต้าน​จะ​ฆ่า​พระองค์​โดย​หื้อ​หมู่​คน​บ่ดี​ยับ​พระองค์​ไป​เขิง​บน​ไม้​ก๋าง​เขน

2 ทิโมธี 4:16

ต๋อน​ตี้​ข้าพเจ้า​สู้​คดี​เตื้อ​ตี้​นึ่ง​นั้น บ่มี​ใผ​มา​จ้วย​ข้าพเจ้า​สัก​คน หมู่​เขา​ละ​ข้าพเจ้า​ไป​หมด ขอ​พระเจ้า​ยกโต้ษ​หื้อ​หมู่​เขา​ตวย