มัทธิว 26:55 - พระคริสตธรรมคัมภีร ภาคพันธสัญญาใหม

⁵⁵ พระเยซู​อู้​กับ​คน​หมู่​นั้น​ว่า “หมู่​เจ้า​หัน​เฮา​เป๋น​โจ๋ร​กา เถิง​ได้​ก๋ำ​ดาบ​ก๋ำ​ค้อน​มา​ยับ​เฮา เฮา​นั่ง​สั่ง​สอน​อยู่​ใน​พระวิหาร​กู้​วัน ต้าน​ตังหลาย​ก็​บ่มา​ยับ​เฮา

มัทธิว 26:55 ပူးပေါင်းရင်းမြစ်များ

มัทธิว 21:23

พระเยซู​เข้า​ไป​ใน​บริเวณ​พระวิหาร ต๋อน​ตี้​ก่ำลัง​สอน​อยู่​นั้น หมู่​หัวหน้า​ปุโรหิต​กับ​หมู่​คน​เฒ่า​คน​แก่​เข้า​มา​ถาม​พระองค์​ว่า “ต้าน​มี​สิทธิ​อำนาจ​อะหยัง​เยียะ​สิ่ง​หมู่​นี้ ใผ​หื้อ​สิทธิ​อำนาจ​ต้าน”

มัทธิว 26:47

บ่ากอง​พระเยซู​อู้​ลิ้น​ยัง​บ่ตัน​เข้า​ปาก​เตื้อ ยูดาส​ตี้​เป๋น​สาวก​คน​นึ่ง​ใน​สิบ​สอง​คน​นั้น ก็​เตียว​มา​เถิง​ตวย​กั๋น กับ​คน​จ๋ำนวน​นัก​ตี้​ก๋ำ​ดาบ​ก๋ำ​ค้อน​มา​ตวย หมู่​เขา​เป๋น​คน​ตี้​หัวหน้า​ปุโรหิต​กับ​หมู่​คน​เฒ่า​คน​แก่​ของ​คน​ตังหลาย​ส่ง​มา

มาระโก 10:1

แล้ว​พระเยซู​ออก​จาก​เมือง​คาเปอรนาอุม​เข้า​ไป​แคว้น​ยูเดีย​ตี้​อยู่​แหม​เผิก​นึ่ง ของ​แม่น้ำ​จอร์แดน มี​คน​ปา​กั๋น​มา​หา​พระองค์ พระองค์​ก็​สั่ง​สอน​หมู่​เขา​เหมือน​อย่าง​ตี้​เกย​สอน​มา​ก่อน​นั้น

มาระโก 12:35

ต๋อน​ตี้​พระเยซู​สั่ง​สอน​อยู่​ใน​พระวิหาร พระองค์​ถาม​คน​ตังหลาย​ว่า “ตี้​หมู่​ธรรมาจ๋ารย์​ว่า​พระคริสต์​เป๋น​เจื๊อสาย​ของ​กษัตริย์​ดาวิด​นั้น เป๋น​ไป​ได้​จาใด

ลูก๋า 19:47

แล้ว​พระเยซู​สั่ง​สอน​อยู่​ใน​พระวิหาร​กู้​วัน ใน​เวลา​เดียว​กั๋น​นั้น หมู่​หัวหน้า​ปุโรหิต หมู่​ธรรมาจ๋ารย์​กับ​ผู้นำ​จาว​ยิว ก็​หา​ตาง​จะ​ฆ่า​พระองค์

ลูก๋า 20:1

วัน​นึ่ง​ต๋อน​ตี้​พระเยซู​ก่ำลัง​สอน​คน​อยู่​ใน​บริเวณ​พระวิหาร​กับ​บอก​ข่าวดี​อยู่ หมู่​หัวหน้า​ปุโรหิต หมู่​ธรรมาจ๋ารย์​กับ​หมู่​คน​เฒ่า​คน​แก่​ปา​กั๋น​มา​หา​พระองค์

ลูก๋า 4:20

เมื่อ​อ่าน​หื้อ​คน​ตังหลาย​ฟัง​แล้ว พระองค์​ก็​ม้วน​พระคัมภีร์​นั้น​ส่ง​คืน​เจ้าหน้าตี้ แล้ว​นั่ง​ลง สายต๋า​ของ​คน​ตังหลาย​ใน​ธรรมศาลา​ก็​ผ่อ​มา​ตี้​พระองค์

ยอห์น 7:14

บ่ากอง​เถิง​หละหว่าง​ก๋าง​งาน​อยู่​เพิง​ของ​จาว​ยิว พระเยซู​ก็​เข้า​ไป​ใน​บริเวณ​พระวิหาร แล้ว​ตั้ง​เก๊า​สั่ง​สอน​หมู่​คน

ยอห์น 7:28

ต๋อน​ตี้​พระเยซู​สอน​อยู่​บริเวณ​พระวิหาร พระองค์​ก็​เอิ้น​หื้อ​กู้​คน​ได้​ยิน​ว่า “แม่น​แล้ว หมู่​ต้าน​ฮู้จัก​เฮา และ​ฮู้​ว่า​เฮา​ลุก​ไหน​มา เฮา​บ่ได้​มา​โดย​สิทธิ​อำนาจ​ของ​ตั๋วเก่า แต่​ผู้​ตี้​ใจ๊​เฮา​มา​นั้น​อู้​แต่​ความ​จริง​และ​หมู่​ต้าน​บ่ฮู้จัก​พระองค์

ยอห์น 8:2

ต๋อน​เจ๊ามืด​วัน​ถัด​มา พระองค์​ก็​ปิ๊ก​เข้า​ไป​ใน​พระวิหาร​แหม​เตื้อ​นึ่ง คน​ตังหลาย​ก็​มา​หา​พระองค์ แล้ว​พระองค์​ก็​นั่ง​ลง​สั่ง​สอน​คน​หมู่​นั้น

ยอห์น 8:20

ต๋อน​ตี้​พระองค์​อู้​เถิง​สิ่ง​หมู่​นี้ พระองค์​ก่ำลัง​สั่ง​สอน​อยู่​ใน​ห้อง​ตั้ง​ตู้​ถวาย​อยู่​ใน​บริเวณ​พระวิหาร แล้ว​บ่มี​ใผ​มา​ยับ​พระองค์ ย้อน​ยัง​บ่เถิง​เวลา​ของ​พระองค์​เตื้อ