มัทธิว 25:44 - พระคริสตธรรมคัมภีร ภาคพันธสัญญาใหม

⁴⁴ “หมู่​เขา​ก็​จะ​ตอบ​ว่า ‘พระองค์​เจ้า​ข้า หมู่​เฮา​หัน​ต้าน​ใค่​อยาก​กิ๋น​ข้าว กิ๋น​น้ำ กาว่า​เป๋น​คน​แปลก​หน้า กาว่า​บ่มี​เสื้อผ้า​นุ่ง บ่สบาย​กับ​ติด​คอก แล้ว​หมู่​เฮา​บ่ได้​เยียะ​อะหยัง​สัก​อย่าง​ตี้​จะ​จ้วยเหลือ​ต้าน​เมื่อใด​กา’

มัทธิว 25:44 ပူးပေါင်းရင်းမြစ်များ

มัทธิว 10:41

คน​ตี้​ต้อนฮับ​ผู้​เป๋น​ปาก​เป๋น​เสียง​แตน​พระเจ้า ย้อน​หัน​ว่า​เขา​เป๋น​จาอั้น ก็​จะ​ได้​ฮับ​รางวัล​แบบ​เดียว​กั๋น​กับ​คน​นั้น กาว่า​คน​ตี้​ต้อนฮับ​คน​ถูกต้อง​ต๋าม​ธรรม ย้อน​ว่า​เขา​เป๋น​จาอั้น ก็​จะ​ได้​ฮับ​รางวัล​แบบ​เดียว​กั๋น​กับ​คน​นั้น

มัทธิว 25:43

เฮา​เป๋น​คน​แปลก​หน้า เจ้า​ตังหลาย​ก็​บ่ได้​เจิญ​เฮา​เข้า​ไป​ใน​บ้าน เฮา​บ่มี​เสื้อผ้า​ใส่ เจ้า​ตังหลาย​บ่ได้​หื้อ​เสื้อผ้า​เฮา​นุ่ง เฮา​บ่สบาย​กับ​ติด​คอก เจ้า​ตังหลาย​บ่เกย​มา​แอ่ว​หา​เฮา’

มัทธิว 25:45

“พระองค์​จะ​ตอบ​ว่า ‘เฮา​บอก​ความ​จริง​แก่​เจ้า​ตังหลาย​ว่า อะหยัง​ก็​ต๋าม​ตี้​เจ้า​ตังหลาย​บ่ได้​เยียะ​กับ​คน​ต่ำต้อย​ตี้​สุด​คน​นึ่ง เจ้า​ตังหลาย​ก็​บ่ได้​เยียะ​ต่อ​เฮา​เลย’

มัทธิว 5:6

คน​ใด​ใค่​เยียะ​ต๋าม​ความ​ต้องก๋าน​ของ​พระเจ้า​นัก​เหลือ​สิ่ง​อื่นๆ พระเจ้า​โผด​หื้อ​คน​นั้น​เป๋น​สุข ย้อน​ว่า​เขา​จะ​ได้​อิ่ม​อก​อิ่ม​ใจ๋

มัทธิว 7:22

เมื่อ​วัน​ตัดสิน​ลงโต้ษ​บาป​มา​แผว​นั้น ก็​จะ​มี​คน​เป๋น​จ๋ำนวน​นัก​อู้​กับ​เฮา​ว่า ‘องค์​พระผู้เป๋นเจ้า หมู่​ข้า​พระองค์​ตังหลาย​ได้​อ้าง​จื้อ​ของ​พระองค์​ต๋อน​ตี้​ก่ำลัง​เยียะ​หน้า​ตี้​เป๋น​ปาก​เป๋น​เสียง​แตน​พระองค์ กับ​ได้​อ้าง​จื้อ​ของ​พระองค์​ต๋อน​ไล่​ผี​ออก ตึง​ได้​ออก​จื้อ​ของ​พระองค์​ต๋อน​ตี้​เยียะ​ก๋าน​อัศจ๋รรย์​หลาย​อย่าง​บ่ใจ้​กา’

ลูก๋า 10:29

แต่​คน​นั้น​ใค่​แสดง​ว่า​ตั๋ว​ดี จึง​ถาม​พระเยซู​ว่า “ใผ​เป๋น​เปื้อน​บ้าน​ของ​ข้าพเจ้า”