มัทธิว 24:7 - พระคริสตธรรมคัมภีร ภาคพันธสัญญาใหม

⁷ ประเทศ​นึ่ง​จะ​สู้ฮบ​กับ​แหม​ประเทศ​นึ่ง อาณาจักร​นึ่ง​ก็​จะ​สู้ฮบ​กับ​แหม​อาณาจักร​นึ่ง จะ​เกิด​ก๋าน​กั้น​ข้าว​อยาก​น้ำ​กับ​แผ่นดิน​จะ​ไหว​หลาย​ตี้

มัทธิว 24:7 ပူးပေါင်းရင်းမြစ်များ

ลูก๋า 21:11

ใน​ตี้​ต่างๆ จะ​เกิด​แผ่นดิน​ไหว​ขนาด​หนัก จะ​เกิด​ก๋าน​กั้น​ข้าว​อยาก​น้ำ จะ​มี​โรคภัย​ไข้เจ็บ จะ​มี​เหตุก๋ารณ์​ตี้​น่า​กั๋ว​กับ​หมายสำคัญ​หลาย​อย่าง​เกิด​ขึ้น​บน​ต๊องฟ้า

กิจก๋าน 11:28

มี​คน​นึ่ง​ใน​หมู่​นั้น​จื้อ​อากาบัส เขา​ยืน​ขึ้น​ใน​ตี้​จุมนุม แล้ว​ตวายตั๊ก​โดย​พระวิญญาณ​บริสุทธิ์​ว่า จะ​เกิด​ก๋าน​กั้นอยาก​ครั้ง​ใหญ่​ใคว่​อาณาจักร​โรม (​เหตุก๋ารณ์​นี้​เกิด​ขึ้น​ใน​สมัย​ของ​จักรพรรดิ​คลาวดิอัส​)

กิจก๋าน 2:19

เฮา​จะ​แสดง​สิ่ง​ปาฏิหาริย์​ใน​ต๊องฟ้า​ตัง​บน ตึง​หมายสำคัญ​ตี้​แผ่นดิน​โลก​ตัง​ลุ่ม จะ​มี​เลือด มี​ไฟ มี​หมอก​ควัน​มืดตึ๊บ

ฮีบรู 12:27

กำ​ว่า “แหม​เตื้อ​นึ่ง” หมาย​ความ​ว่า​สิ่ง​ตี้​ถูก​สร้าง​มา​ตึงหมด​จะ​ถูก​สั่นไหว แล้ว​สิ่ง​ตี้​สั่น​ไหว​ได้​นั้น​จะ​ถูก​เอา​ออก​ไป เปื้อ​จะ​เหลือ​แต่​สิ่ง​ตี้​มั่นคง​บ่สั่นไหว

วิวรณ์ 6:12

เมื่อ​ลูก​แกะ​เปิด​ก๋า​จ๊ำ​ตี้​หก​ออก ข้าพเจ้า​หัน​แผ่นดิน​ไหว​อย่าง​แฮง ตะวัน​ก็​มืด​ดำ​ไป​เหมือน​ผ้า​กระสอบ​สี​ดำๆ เดือน​ก็​ก๋าย​เป๋น​สี​แดง​เหมือน​เลือด

วิวรณ์ 6:5

เมื่อ​ลูก​แกะ​เปิด​ก๋า​จ๊ำ​ตี้​สาม​ออก ข้าพเจ้า​ได้ยิน​เสียง​ของ​สิ่ง​มี​จีวิต​ต๋น​ตี้​สาม​อู้​ว่า “มา​เต๊อะ” ข้าพเจ้า​ก็​หัน​ม้า​สี​ดำ กับ​ผู้​ตี้​ขี่​นั้น​ก๋ำ​ต๋าจั้ง​ไว้​ใน​มือ

วิวรณ์ 6:6

ข้าพเจ้า​ได้​ยิน​เสียง​นึ่ง​เหมือน​กับ​ว่า​มา​จาก​ต้ามก๋าง​ตี้​สิ่ง​มี​จีวิต​ตึง​สี่​ต๋น​อยู่ อู้​ว่า “ข้าว​สาลี​นึ่ง​ลิตร​มี​ก้า​เต้า​กับ​ก้า​แฮง​นึ่ง​วัน ข้าว​บาร์เลย์​สาม​ลิตร​มี​ก้า​เต้า​กับ​ก้า​แฮง​นึ่ง​วัน แต่​ห้าม​เยียะ​หื้อ​น้ำมัน​กับ​เหล้า​องุ่น​เสียหาย”

วิวรณ์ 6:8

แล้ว​ข้าพเจ้า​ก็​หัน​ม้า​สี​ซีด​ตั๋ว​นึ่ง​อยู่​ต่อ​หน้า​ข้าพเจ้า ผู้​ตี้​ขี่​ม้า​ตั๋ว​นี้​มี​จื้อ​ว่า ความ​ต๋าย กับ​แดน​คน​ต๋าย​ก็​ตวย​หลัง​มา​ติดๆ ตึง​สอง​ได้ฮับ​อำนาจ​ตี้​จะ​ฆ่า​นึ่ง​ใน​สี่​ของ​คน​ใน​โลก​นี้​ด้วย​คม​ดาบ ความ​อดอยาก โรคระบาด กับ​หมู่​สัตว์​ฮ้าย​ต่างๆ ตี้​อยู่​บน​แผ่นดิน​โลก